یوکرینی صدر کی 5 ماہ میں ڈونلڈ ٹرمپ سے وائٹ ہاؤس میں دوسری ملاقات، اس بار کیا ہوا؟
اشاعت کی تاریخ: 19th, August 2025 GMT
یوکرینی صدر ولادیمیر زیلنسکی نے پیر کے روز وائٹ ہاؤس کا دورہ کیا، جہاں انہوں نے امریکی صدر ڈونلڈ ٹرمپ سے ملاقات کی۔ یہ ملاقات نہ صرف سیاسی لحاظ سے اہم تھی بلکہ زیلینسکی کے انداز اور رویے میں واضح تبدیلی بھی اس موقع پر دیکھنے میں آئی۔
یاد رہے کہ رواں سال فروری میں ولادیمیر زیلینسکی کی ٹرمپ سے ہونے والی ملاقات خاصی تنازع کا شکار ہوئی تھی، جہاں ڈونلڈ ٹرمپ نے یوکرینی صدر کو کہا تھا کہ آپ نے بہت باتیں کرلیں اب اپنا منہ بند رکھیں۔ اس موقع پر زیلینسکی کا فوجی لباس بھی امریکی قیادت کو ناگوار گزرا تھا، جس پر ایک دائیں بازو کے صحافی برائن گلین نے تنقید کی تھی۔
JUST IN: TRUMP TELLS ZELENSKY TO SHUT HIS MOUTH
“No, no, you’ve done a lot of talking”
“You haven’t been alone, we have you through our stupid President $350 billion”
“If you didn’t gave our military equipment the war would of been over in 2 weeks” pic.
— Sulaiman Ahmed (@ShaykhSulaiman) February 28, 2025
تاہم، حالیہ ملاقات کے دوران منظرنامہ یکسر مختلف دکھائی دیا۔ زیلینسکی اس بار ایک سیاہ سوٹ میں ملبوس تھے، جسے دیکھ کر صحافی برائن گلین نے ان کی تعریف کرتے ہوئے کہا کہ ’آپ اس سوٹ میں شاندار لگ رہے ہیں‘۔
ٹرمپ نے موقع کا فائدہ اٹھاتے ہوئے مسکراتے ہوئے ولادیمیر زیلینسکی سے کہا ’یہی وہ شخص ہے جس نے آپ پر پچھلی بار تنقید کی تھی‘۔ جس پر زیلینسکی نے ہنستے ہوئے جواب دیا ’آپ وہی سوٹ پہنے ہوئے ہیں، میں نے لباس بدل لیا، آپ نے نہیں‘۔
???? LMAO! REPORTER to Zelensky: "You look fabulous in that suit!"
TRUMP: "I said the same thing! That's the one that attacked you last time."
ZELENSKY TO REPORTER: "I remember that. You're in the same suit. I changed mine." pic.twitter.com/FsGNeqv3DE
— Eric Daugherty (@EricLDaugh) August 18, 2025
واضح رہے کہ رواں سال فروری میں وائٹ ہاؤس میں ہونے والی ملاقات کے دوران صحافی نے زیلینسکی سے سوال کیا تھا کہ آپ سوٹ کیوں نہیں پہنتے؟ آپ یوکرین کے سب سے بڑے عہدے پر ہیں اور پھر بھی سوٹ پہننے سے انکار کرتے ہیں بہت سے امریکی سمجھتے ہیں کہ آپ وائٹ ہاؤس کے وقار کا احترام نہیں کرتے ہیں۔ زیلینسکی نے صحافی کے اس سوال پر وضاحت دی تھی کہ وہ اس وقت تک فوجی لباس پہنیں گے جب تک یوکرین میں امن قائم نہیں ہو جاتا۔
فروری میں ہونے والی تلخ ملاقات کے بعد زیلینسکی نے سفارتی سطح پر تعلقات کی بہتری کے لیے کوششیں تیز کیں۔ ذرائع کے مطابق، یورپی رہنماؤں نے انہیں مشورہ دیا کہ وہ ٹرمپ سے نرم اور باوقار انداز میں پیش آئیں اور اپنی سفارتی حکمت عملی پر نظرِ ثانی کریں۔
یہ بھی پڑھیں: ’اپنا منہ بند رکھو‘، ڈونلڈ ٹرمپ اور یوکرینی صدر کے مابین زبانی جھڑپ کی ویڈیو وائرل
اسی مشورے کے تحت زیلینسکی نے حالیہ بین الاقوامی تقاریب، بشمول ویٹی کن میں پوپ فرانسس کے جنازے اور نیدرلینڈز میں نیٹو اجلاس میں بھی روایتی فوجی لباس کے بجائے رسمی لباس زیب تن کیا۔
سیاسی تجزیہ کاروں کے مطابق زیلینسکی کے طرزِ عمل اور انداز میں یہ تبدیلی نہ صرف ایک سفارتی تدبیر ہے بلکہ یہ یوکرین کی عالمی سطح پر حمایت برقرار رکھنے کی ایک سنجیدہ کوشش بھی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی صدر ڈونلڈ ٹرمپ یوکرینی صدر یوکرینی صدر ولادیمیر زیلنسکیذریعہ: WE News
کلیدی لفظ: امریکی صدر ڈونلڈ ٹرمپ یوکرینی صدر یوکرینی صدر ولادیمیر زیلنسکی یوکرینی صدر زیلینسکی نے ڈونلڈ ٹرمپ
پڑھیں:
’چھپانے کو کچھ نہیں‘ ٹرمپ کا ریپبلکنز کو ایپسٹین فائلز جاری کرنے کے لیے ووٹ دینے کا مطالبہ
امریکی صدر ڈونلڈ ٹرمپ نے کہا ہے کہ وہ کانگریس کی اُس کوشش کی حمایت کرتے ہیں جس کے تحت بدنام زمانہ مجرم جیفری ایپسٹین سے متعلق مزید سرکاری فائلز پبلک کرنے کے لیے اس ہفتے ایوانِ نمائندگان میں متوقع ووٹنگ کی جائے گی۔
مزید پڑھیں: امریکی صدر ڈونلڈ ٹرمپ کا بڑا یوٹرن، میئر نیویارک ظہران ممدانی کی مدد کرنے کو تیار
ٹرمپ نے اپنی سوشل میڈیا پلیٹ فارم ٹروتھ سوشل پر لکھا کہ ہاؤس ریپبلکنز کو ایپسٹین فائلز جاری کرنے کے حق میں ووٹ دینا چاہیے، کیونکہ ہمارے پاس چھپانے کو کچھ نہیں۔ انہوں نے ایپسٹین سے متعلق تنازع کو ڈیموکریٹ دھوکا بھی قرار دیا۔
صدر ٹرمپ پر ناقدین الزام لگاتے رہے ہیں کہ وہ مبینہ طور پر فائلز کے اجرا میں رکاوٹ ڈال کر کچھ حقائق چھپانا چاہتے ہیں، تاہم ٹرمپ اس تاثر کی سختی سے تردید کرتے ہیں۔ یہ معاملہ خود ریپبلکن پارٹی میں بھی اختلافات پیدا کرچکا ہے۔
مزید پڑھیں: امریکی صدر ڈونلڈ ٹرمپ کا غزہ میں جنگ بندی معاہدے میں کردار پر امیرِ قطر کا شکریہ
ریپبلکن رکنِ کانگریس تھامس میسی نے ABC کے پروگرام ’دس وِیک‘ میں کہا کہ ٹرمپ کی جانب سے ایپسٹین سے متعلق ڈیموکریٹس کے تعلقات کی نئی انکوائری کا حکم دینا شاید فائلز کو روکنے کی آخری کوشش ہو سکتا ہے۔ میسی اور ڈیموکریٹ رکنِ کانگریس ایپسٹین فائلز کو مکمل طور پر عوام کے سامنے لانے کی مہم کی قیادت کر رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکی صدر ڈونلڈ ٹرمپ ایپسٹین فائلز
27ویں ترمیم کے ذریعے آرٹیکل 6 کے کلاز 2 میں تبدیلی کا فیصلہ