فنانس کمیٹی میں حکومت اور اپوزیشن مل کر فیصلے کریگی: ایاز صادق
اشاعت کی تاریخ: 1st, October 2025 GMT
فائل فوٹو
اسپیکر قومی اسمبلی سردار ایاز صادق نے کہا ہے کہ اسپیکر کے تمام صوابدیدی اختیارات ختم کر کے فنانس کمیٹی کو دے دیے ہیں، فنانس کمیٹی میں حکومت اور اپوزیشن مل کر فیصلے کریں گے۔
جیو نیوز سے خصوصی گفتگو میں ایاز صادق نے کہا کہ اصلاحات کے ذریعے قومی اسمبلی میں 135 پوسٹیں ختم کردیں، اصلاحات کے سبب سالانہ ایک ارب روپے سے زائد کی بچت ہو رہی ہے، آئندہ سال سے 400 کروڑ روپے سے زائد کی مزید بچت ہوسکے گی۔
انہوں نے کہا کہ پارلیمنٹ سیکریٹریٹ کو ای پیپر پر منتقل کردیا ہے اب ایوان کو پیپر لیس کرنے کا منصوبہ تیار ہے، آئندہ ہفتے تمام اراکین قومی اسمبلی کو آئی پیڈ فراہم کردیں گے، ارکان اسمبلی کو ایجنڈا، سوالات اور رپورٹس آئی پیڈ پر دستیاب ہوں گے، جلد ارکان پارلیمنٹ کو بجٹ دستاویزات اور پبلک اکاؤنٹس کمیٹی کی رپورٹس آئی پیڈ پر ملیں گی۔
ان کا کہنا تھا کہ قومی اسمبلی سیکریٹریٹ میں بائیو میٹرک حاضری کا نظام رائج کردیا ہے، اسمبلی سیکریٹریٹ میں میرٹ پر بھرتیوں اور پروموشن کے لیے پہلی بار قانون سازی کی ہے، گریڈ 1سے 15 تک بھرتیاں باقاعدہ مشتہر ہونے کے بعد فنانس کمیٹی کی منظوری سے ہوں گی، گریڈ 16 اور اس سے اوپر کی بھرتیاں فیڈرل پبلک سروس کمیشن کے ذریعے ہوسکیں گی۔
اسپیکر قومی اسمبلی سردار ایاز صادق نے ملک میں.
ایاز صادق نے مزید کہا کہ قومی اسمبلی میں ایک فرد صرف ڈیڑھ سال میں گریڈ 19 سے گریڈ 21 میں چلا گیا تھا، ایک بیوروکریٹ نے قومی اسمبلی میں خاندان کے 10 افراد بھرتی کرلیے تھے، چھ سال بعد اسپیکر بنا تو قومی اسمبلی کے ملازمین کی تعداد 1265 سے بڑھ کر 1825 ہوچکی تھی، پہلی بار ایک ایم این اے کے لیے 4 ملازمین کے تناسب سے قومی اسمبلی کے ملازمین اور افسران کی تعداد 1344 مقرر کردی ہے۔
انہوں نے کہا کہ اسمبلی سیکریٹریٹ میں عملے کی تعداد مقرر کر کے قانون سازی کردی ہے، اب ارکان اسمبلی کی تعداد بڑھنے کے بعد ہی سیکریٹریٹ کے عملے کی تعداد بڑھائی جاسکے گی، آج سیکریٹریٹ میں 1479 ملازمین و افسران ہیں، چند ماہ میں یہ تعداد 1344 رہ جائے گی۔
ذریعہ
ذریعہ: Jang News
کلیدی لفظ: سیکریٹریٹ میں ایاز صادق نے فنانس کمیٹی قومی اسمبلی کی تعداد کہا کہ نے کہا
پڑھیں:
پاکستان کے روشن مستقبل کیلئے قومی اتحاد، استقامت اور مشترکہ کوششیں ناگزیر ہیں: فیلڈ مارشل سید عاصم منیر
سٹی 42 : فیلڈ مارشل سید عاصم منیر نے کہا ہے کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں ۔
آئی ایس پی آر کے مطابق فیلڈ مارشل سید عاصم منیر سے جی ایچ کیو میں 20ویں نیشنل ورکشاپ بلوچستان کے شرکاء کی ملاقات ہوئی ۔ فیلڈ مارشل عاصم منیر نے کہا کہ سیکیورٹی فورسز، قانون نافذ کرنے والے اداروں اور عوام کی مشترکہ کوششوں سے بلوچستان میں پائیدار امن قائم ہوگا۔ فتنہ الخوارج اور فتنہ الہندوستان کے خلاف ہدفی کارروائیاں مکمل عزم کے ساتھ جاری رہیں گی۔ انہوں نے کہا کہ دہشت گردی اور اس کے سہولت کاروں کے مکمل خاتمے تک کارروائیاں جاری رہیں گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
فیلڈ مارشل سید عاصم منیر نے کہا کہ پاکستان اور عوام کے لیے خطرہ بننے والے دہشت گرد نیٹ ورک کا ہر صورت خاتمہ کیا جائے گا، بیرونی سرپرستی میں چلنے والے پراکسی عناصر مسلسل بلوچستان میں بدامنی اور عدم استحکام پھیلانے کی کوشش کر رہے ہیں۔ دشمن کے مذموم عزائم کو مسلح افواج اور پاکستانی عوام کے اتحاد و استقامت سے ناکام بنایا جائے گا۔ انہوں نے کہا کہ بلوچستان پاکستان کا فخر اور قدرتی وسائل سے مالا مال صوبہ ہے۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
فیلڈ مارشل سید عاصم منیر نے کہا کہ بلوچستان کے محب وطن، باصلاحیت اور ثابت قدم عوام صوبے کی سب سے بڑی طاقت ہیں، وفاقی اور صوبائی حکومتوں کے ترقیاتی منصوبے بلوچستان کی سماجی و معاشی ترقی کے لیے عوامی اور جامع حکمت عملی کے تحت جاری ہیں۔
فیلڈ مارشل سید عاصم منیر نے قومی یکجہتی کے فروغ میں سول سوسائٹی، جامعات، میڈیا اور نوجوانوں کے مثبت کردار کو سراہا۔ انہوں نے کہا کہ پاکستان کے روشن مستقبل کے لیے قومی اتحاد، استقامت اور مشترکہ کوششیں ناگزیر ہیں۔
بارشی پانی کی نکاسی نہ ہونے سے گاڑیاں اور موٹرسائیکلیں بند، شہری شدید مشکلات کا شکار
اجلاس کے اختتام پر شرکاء نے پاکستان کے استحکام، ترقی اور خودمختاری کے لیے اپنے مشترکہ عزم کا اعادہ کیا۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار