جوا ایپ کیس: ڈکی بھائی کی درخواست ضمانت پر فیصلہ محفوظ، اکاؤنٹس میں کتنی دولت موجود ہے؟
اشاعت کی تاریخ: 2nd, October 2025 GMT
جوا ایپ کیس: ڈکی بھائی کی درخواست ضمانت پر فیصلہ محفوظ، اکاؤنٹس میں کتنی دولت موجود ہے؟ WhatsAppFacebookTwitter 0 2 October, 2025 سب نیوز
لاہور(آئی پی ایس) لاہور کی ضلعی عدالت (سیشن کورٹ) نے معروف پاکستانی یوٹیوبر سعد الرحمٰن المعروف ڈکی بھائی کی درخواست ضمانت پر دونوں فریقین کے دلائل سننے کے بعد فیصلہ محفوظ کر لیا ہے۔سماعت کے دوران سرکاری وکیل اور اسپیشل پراسیکیوٹر نے مؤقف اختیار کیا کہ سعد الرحمٰن اس مقدمے میں نامزد ملزم ہیں اور ان کے خلاف ٹھوس شواہد موجود ہیں۔پراسیکیوٹر نے عدالت کو بتایا کہ انکوائری ایک معتبر سورس رپورٹ کی بنیاد پر شروع کی گئی، جس میں ڈکی بھائی کا کردار سامنے آیا۔
ان کے مطابق سیکیورٹیز اینڈ ایکسچینج کمیشن آف پاکستان (ایس ای سی پی) نے آج تک کسی بھی جوئے یا فاریکس ایپ کو رجسٹرڈ نہیں کیا، مگر ڈکی بھائی نے اپنی ویڈیوز کے ذریعے عوام کو ایسی غیر قانونی ایپس پر سرمایہ کاری کرنے پر اُکسایا۔پراسیکیوٹر نے عدالت کو بتایا کہ ڈکی بھائی کے ایک اکاؤنٹ میں 16 کروڑ اور دوسرے میں 5 کروڑ روپے موجود ہیں، مگر وہ اس رقم کے ذرائع کی وضاحت کرنے میں ناکام رہے ہیں۔ان کا کہنا تھا کہ ہوسکتا ہے یہ رقوم دہشتگردی یا کسی غیر قانونی فنڈنگ کے لیے استعمال کی گئی ہوں۔عدالت نے سوال کیا کہ کیا ”بائنومو“ ایپ اب بھی پاکستان میں چل رہی ہے؟
جس پر این سی سی آئی اے کے نمائندے نے بتایا کہ پاکستان میں اس ایپ کی رسائی بند کر دی گئی ہے، تاہم کئی دیگر ایپس اب بھی چل رہی ہیں۔اسپیشل پراسیکیوٹر نے مزید کہا کہ ڈکی بھائی کے موبائل فونز ان کے قبضے میں ہیں مگر فیس لاک کے باعث ابھی تک ان تک رسائی حاصل نہیں ہو پائی۔ عدالت نے استفسار کیا کہ ’اگر فیس لاک ختم نہیں کرسکے تو 22 دن کے ریمانڈ میں کیا کیا گیا؟‘یاد رہے کہ سعد الرحمٰن المعروف ڈکی بھائی پاکستان کے معروف یوٹیوبر ہیں جو اپنی مزاحیہ ویڈیوز اور فیملی وی لاگز کی وجہ سے لاکھوں فالوورز رکھتے ہیں۔ تاہم حالیہ مقدمہ ان پر غیر قانونی جوئے کی ایپس جیسے ”بائنومو“، ”بیٹ 365“ اور ”39 گیم“ کی تشہیر کرنے کے الزام میں درج کیا گیا ہے۔ایف آئی آر میں دعویٰ کیا گیا ہے کہ ڈکی بھائی نے اپنے یوٹیوب چینل کے ذریعے عام شہریوں کو ایسی ایپس پر
سرمایہ کاری کی ترغیب دی جس کے نتیجے میں کئی افراد اپنی جمع پونجی سے محروم ہوگئے۔نیشنل سائبر کرائم انویسٹیگیشن ایجنسی (این سی سی آئی اے) کے مطابق ”بائنومو“ سمیت 46 ایپس کو پاکستان میں غیر قانونی قرار دیا جا چکا ہے، جن میں جوئے اور فاریکس ٹریڈنگ کی غیر ریگولیٹڈ ایپس شامل ہیں۔ایف آئی آر میں مزید الزام عائد کیا گیا ہے کہ ڈکی بھائی پاکستان میں بائنومو کے کنٹری مینیجر کے طور پر کام کر رہے تھے اور کسی حکومتی ادارے سے اجازت نہیں لی گئی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرآزاد کشمیر: عوامی ایکشن کمیٹی سے مذاکرات کیلئے حکومتی مذاکراتی ٹیم مظفر آباد پہنچ گئی چین کی پہلی 8Kخلائی دستاویزی فلم کی76 ویں بین الاقوامی خلائی کانفرنس میں شان دار نمائش مشہور کامیڈین لکی ڈیئر طویل علالت کے بعد انتقال کرگئے جوا اور سٹے بازی والی ایپس کی تشہیر کا الزام، یوٹیوبر رجب بٹ کیخلاف مقدمہ درج ٹک ٹاکر ثنا یوسف قتل کیس میں ملزم عمر حیات پر فرد جرم عائد فلم “731” لوگوں کو کیا بتاتی ہے؟ سامعہ حجاب نے حسن زاہد کو معاف کرنے کی وجہ بتا دیCopyright © 2025, All Rights Reserved
رابطہ کریں ہماری ٹیم.ذریعہ: Daily Sub News
کلیدی لفظ: ڈکی بھائی
پڑھیں:
اینڈرائیڈ اسمارٹ فون کی سست رفتاری کی بڑی وجہ سامنے آ گئی
data-id="863a0a8" data-element_type="widget" data-widget_type="theme-post-content.default">
اگر آپ کا اینڈرائیڈ اسمارٹ فون پہلے جیسی رفتار سے کام نہیں کر رہا اور معمولی ٹاسک بھی سست روی کا شکار ہیں، تو آپ اکیلے نہیں۔ ماہرین کے مطابق اسمارٹ فون صارفین روزانہ سیکڑوں بار اپنی ڈیوائس استعمال کرتے ہیں، اور جب فون کا ردِعمل سست ہو جائے تو جھنجھلاہٹ لازمی ہوتی ہے۔
ٹیکنالوجی ماہرین کا کہنا ہے کہ فون کی کارکردگی میں کمی کی متعدد وجوہات ہو سکتی ہیں، مگر سب سے عام مسئلہ فون میں جمع ہونے والی عارضی فائلز (Cache) کو بروقت صاف نہ کرنا ہے۔ اگر کوئی اسمارٹ فون مہینوں یا برسوں تک استعمال ہوتا رہے تو اس میں ہزاروں نہیں بلکہ لاکھوں کی تعداد میں کیش فائلز جمع ہو جاتی ہیں، جو اسٹوریج کو بھرنے کے ساتھ ساتھ ڈیوائس کی مجموعی کارکردگی کو بھی متاثر کرتی ہیں۔
یہ فائلز دراصل ایپس کو بہتر طریقے سے چلانے کے لیے بنتی ہیں، اور مختصر مدت کے لیے فائدہ مند بھی ہوتی ہیں، مگر جب ان کا حجم بہت زیادہ ہو جائے تو ایپس سست، لیگی اور بعض اوقات کریش ہونے لگتی ہیں۔ دوسری جانب اسٹوریج بھرنے سے یوزر انٹرفیس کی رفتار بھی نمایاں حد تک کم ہو جاتی ہے۔
ماہرین کے مطابق اگر فون کی رفتار پہلے کے مقابلے میں کم محسوس ہو رہی ہے تو اس کی سب سے ممکنہ وجہ یہی ہو سکتی ہے۔ اس مسئلے سے بچنے کے لیے ضروری ہے کہ صارفین اپنی ڈیوائس کی اسٹوریج کو مستقل بنیادوں پر مانیٹر کریں اور ایپس کی کیش فائلز کو وقتاً فوقتاً صاف کرتے رہیں۔
سمارٹ فون کی کارکردگی بہتر بنانے کے لیے کیش فائلز صاف کرنا ایک سادہ مگر مؤثر عمل ہے۔ اس کے لیے سب سے پہلے فون کی سیٹنگز میں جائیں، وہاں سے ایپس کا سیکشن کھولیں اور مطلوبہ ایپ منتخب کریں۔ ایپ کی تفصیلات میں موجود اسٹوریج کے اختیار پر کلک کریں، جہاں آپ کو کلئیر کیش کا آپشن ملے گا۔ اس پر ٹیپ کرتے ہی غیر ضروری عارضی فائلز حذف ہوجاتی ہیں، جس سے ایپ کی رفتار اور مجموعی کارکردگی بہتر ہو جاتی ہے۔
ماہرین کے مطابق جن ایپس میں کیش فائلز سب سے زیادہ جمع ہوتی ہیں، ان میں خصوصاً گوگل کروم، مائیکروسافٹ ایج، یوٹیوب اور ٹک ٹاک شامل ہیں۔ ان ایپس کے باقاعدہ استعمال کے باعث کیش ڈیٹا تیزی سے بڑھتا ہے، اس لیے انہیں وقتاً فوقتاً صاف کرنا فائدہ مند رہتا ہے۔
ماہرین نے یہ بھی واضح کیا ہے کہ کیش ڈیلیٹ کرنے سے ایپس کا لاگ ان اسٹیٹس، سیٹنگز یا محفوظ ڈیٹا متاثر نہیں ہوتا، لہٰذا صارفین بلا جھجھک یہ عمل مکمل کر سکتے ہیں۔
27ویں ترمیم کے ذریعے آرٹیکل 6 کے کلاز 2 میں تبدیلی کا فیصلہ