پارٹی پالیسیز کی خلاف ورزی پر رکن اسمبلی جہانزیب مینگل کی پارٹی رکنیت معطل
اشاعت کی تاریخ: 2nd, October 2025 GMT
بی این پی کے اعلامیہ کے مطابق ایم پی اے جہانزیب مینگل نے بلوچستان اسمبلی میں پارٹی کا بیانیہ پیش نہیں کیا، انکی پارٹی رکنیت دو ماہ کیلئے معطل کر دی گئی ہے۔ اسلام ٹائمز۔ بلوچستان نیشنل پارٹی نے رکن صوبائی اسمبلی جہانزیب مینگل کی پارٹی رکنیت دو ماہ کے لئے معطل کر دی ہے۔ بی این پی کے اعلامیہ کے مطابق جہانزیب مینگل نے شوکاز نوٹس کا تسلی بخش جواب نہیں دیا، پارٹی پالیسیز کی مخالفت کی اور مائنز اینڈ منرلز بل پیش ہونے پر بلوچستان اسمبلی میں پارٹی کا بیانیہ پیش نہیں کیا۔ جہانزیب مینگل نے اس بل کی مخالفت کے بجائے راہ فرار اختیار کرتے ہوئے اجلاس میں شرکت نہیں کی۔ جس کے باعث ان کی پارٹی رکنیت دو ماہ کے لئے معطل کی گئی ہے۔ اعلامیہ میں کہا گیا کہ مائنز اینڈ منرلز ایکٹ بلوچستانی عوام کے حقوق غصب کرنے اور وسائل سے دستبردار ہونے کی بل ہے۔ جسے بی این پی مسترد کر چکی ہے۔
.
ذریعہ
ذریعہ: Islam Times
کلیدی لفظ: کی پارٹی رکنیت جہانزیب مینگل
پڑھیں:
کراچی میں کئی ماہ سے جاری پانی کا شدید بحران ختم نہ ہو سکا
کراچی میں کئی ماہ سے جاری پانی کا شدید بحران ختم نہ ہو سکا۔
اتوار کو دھابیجی پمپنگ اسٹیشن پر کے الیکٹرک کے جبری شٹ ڈاؤن سے کراچی کو پانی کی فراہمی معطل ہوئی جبکہ پیر کو کے الیکٹرک کی مین کیبل میں فالٹ کے باعث حب پمپنگ اسٹیشن کی بجلی معطل ہونے سے پانی کی فراہمی مزید کم ہوگئی۔
موجودہ صورتحال میں بوند بوند کو ترستے شہری ٹینکرز مافیا کے ہاتھوں مہنگا پانی خریدنے پر مجبور ہیں۔
کراچی واٹر کارپوریشن کے ترجمان کا کہنا ہے کہ حب سے کراچی کو یومیہ 85 ملین گیلن پانی کی فراہمی متاثر ہے۔
دوسری جانب کے الیکٹرک کے ترجمان مطابق حب پمپنگ اسٹیشن پر بجلی کی فراہمی متبادل ذرائع سے جاری ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ