پاکستان اور ملائیشیا کا پائیدار اقتصادی تعلقات کو مزید فروغ دینے کا عزم، وزیراعظم کا دورہ مکمل، مشترکہ اعلامیہ جاری
اشاعت کی تاریخ: 7th, October 2025 GMT
وزیراعظم محمد شہباز شریف نے ملائیشیا کا سرکاری دورہ مکمل کرلیا۔ دورے کے اختتام پر پاکستان اور ملائیشیا کی جانب سے ایک مشترکہ اعلامیہ جاری کیا گیا، جس میں دونوں ممالک نے دوستی کے پائیدار رشتوں اور متحرک شراکت داری کو فروغ دینے کے عزم کا اعادہ کیا ہے۔
اعلامیے کے مطابق وزیراعظم شہباز شریف اور ان کے ملائیشین ہم منصب انور ابراہیم کے درمیان ملاقات خوشگوار ماحول میں ہوئی۔ دونوں رہنماؤں نے علاقائی و بین الاقوامی امور پر تفصیلی تبادلہ خیال کیا اور مختلف شعبوں میں تعاون بڑھانے پر اتفاق کیا۔
Lawatan rasmi Perdana Menteri Pakistan, @CMShehbaz ke Malaysia merupakan satu manifestasi hubungan persahabatan yang kukuh dan saling menghormati antara kedua-dua negara Islam yang telah lama terjalin.
Malaysia dan Pakistan berkongsi aspirasi untuk membina masa depan yang lebih… pic.twitter.com/GShlkupifh
— Anwar Ibrahim (@anwaribrahim) October 7, 2025
اقتصادی و تجارتی تعلقاتاعلامیے میں کہا گیا کہ دونوں ممالک نے دوطرفہ تجارت اور سرمایہ کاری کے فروغ کے لیے جاری کوششوں پر اطمینان کا اظہار کیا۔
وزرائے اعظم نے پائیدار اقتصادی تعلقات کو مزید فروغ دینے کے عزم کو دہرایا اور مارکیٹ تک رسائی، کاروباری سہولتوں میں اضافے اور پائیدار سپلائی چین کے قیام پر اتفاق کیا۔
پاکستان اور ملائیشیا نے کلوزر اکنامک پارٹنرشپ ایگریمنٹ (CEPA) کے مؤثر استعمال پر بھی زور دیا۔
#Sepang Pakistan Prime Minister Muhammad Shehbaz Sharif departed for home at 11.50 am today after a three-day official visit to Malaysia.
Prime Minister Datuk Seri Anwar Ibrahim was present at the Bunga Raya Complex of KLIA to personally bid bon voyage to Muhammad Shehbaz and… pic.twitter.com/DGJGixMK9u
— BERNAMA (@bernamadotcom) October 7, 2025
حلال مصنوعات اور سرٹیفکیشندونوں ممالک نے حلال مصنوعات کے شعبے میں تعاون کو مضبوط کرنے اور حلال سرٹیفکیشن کی باہمی توثیق، حلال فوڈ سپلائی اور مصنوعات کی تیاری میں مشترکہ کوششوں پر اتفاق کیا۔
اعلامیے میں کہا گیا کہ اعلیٰ سطحی تبادلوں کا تسلسل پاکستان اور ملائیشیا کے تعلقات کو مزید مستحکم کرے گا۔ دونوں ممالک نے وزرائے خارجہ کی سطح پر جوائنٹ کمیشن میٹنگ جلد دوبارہ منعقد کرنے پر اتفاق کیا۔
وزیراعظم شہباز شریف اور وزیراعظم انور ابراہیم نے اسلاموفوبیا اور عدم برداشت کی تمام اقسام کی مذمت کی۔
دونوں رہنماؤں نے ہر قسم کی نفرت انگیزی، مذہبی امتیاز اور تشدد کو مسترد کرتے ہوئے باہمی احترام، امن، ہم آہنگی اور اقوام کے درمیان پُرامن بقائے باہمی کو فروغ دینے کی اہمیت پر زور دیا۔
اعلامیے میں کہا گیا کہ پاکستان اور ملائیشیا خطے کے امن، ترقی اور پائیدار معاشی تعاون کے لیے اپنے تعلقات کو نئی بلندیوں تک لے جانے کے لیے پرعزم ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان ملائیشیا وزیراعظم محمد شہباز شریف
ذریعہ
ذریعہ: WE News
کلیدی لفظ: پاکستان ملائیشیا وزیراعظم محمد شہباز شریف پاکستان اور ملائیشیا دونوں ممالک نے پر اتفاق کیا شہباز شریف تعلقات کو کے لیے
پڑھیں:
بجٹ میں عوام کو ریلیف دینے کیلیے اقدامات کر رہے ہیں، وزیراعظم
اسلام آباد (نیوز ڈیسک) وزیراعظم شہباز شریف نے کہا ہے کہ آنے والے بجٹ میں عوام کو ریلیف دینے کے لیے اقدامات کیے جا رہے ہیں۔
اے آر وائی نیوز کے مطابق وزیراعظم شہباز شریف سے ملک کے معروف صنعتکاروں اور ممتاز کاروباری شخصیات کے وفد نے اسلام آباد میں ملاقات کی۔
اس موقع پر کاروباری طبقے سے خطاب کرتے ہوئے وزیراعظم شہباز شریف نے کہا کہ بجٹ میں عوام کو ریلیف دینے کیلیے اقدامات کیے جا رہے ہیں۔ حکومت ایسی صنعتوں کے فروغ کیلیے کوشاں ہے، جن سے ملکی پیداوار بڑھے، برآمدات میں اضافہ اور ملازمتوں کے زیادہ سے زیادہ مواقع پیدا ہوں۔
وزیراعظم نے کہا کہ کاروبار دوست پالیسیوں سے ملکی معیشت مستحکم اور بیرونی سرمایہ کاروں کا اعتماد بحال ہوا ہے۔ برآمدات پر مبنی ترقی کی راہ پر گامزن ہیں، یہی ہماری معاشی پالیسی کا محور ہے جب کہ غیر رسمی معیشت کو ٹیکس نیٹ میں لایا جا رہا ہے۔
شہباز شریف نے مزید کہا کہ صنعت، زراعت اور آئی ٹی شعبوں میں ترقی سے معیشت کو مزید استحکام ملے گا اور روزگار کے نئے مواقع پیدا ہوں گے۔ نوجوانوں کیلیے تکنیکی اور فنی تربیت کے پروگرام شروع کیے ہیں، اس پروگرام سے بھی روزگار ملنے میں آسانی ہوگی اور قومی ترقی میں بھرپور کردار ادا کیا جا سکے گا۔
انہوں نے مشکل معاشی حالات میں حکومت کا ساتھ دینے پر کاروباری برادری کا شکریہ ادا کرتے ہوئے کہا کہ حکومت اور نجی شعبے کی مضبوط شراکت داری ہی معاشی ترقی کی ضمانت ہے اور پاکستانی معیشت سے متعلق پالیسی سازی میں مشاورت انتہائی اہمیت کی حامل ہے۔
اس موقع پر کاروباری رہنماؤں نے وزیراعظم کی قیادت میں معاشی بحالی کے سفر اور بہتر مالیاتی انتظام پر اعتماد کا اظہار کرتے ہوئے کہا کہ ٹیکس اصلاحات اور کاروباری آسانیوں کے فروغ کے اقدامات کا خیر مقدم کیا اور ساتھ ہی ڈیجیٹل ادائیگیوں اور دستاویزی معیشت کے فروغ کے حکومتی وژن کو سراہا۔
مزید پڑھیں۔جی بی الیکشن:سکردو سےمسلم لیگ ن کو بڑی کامیابی مل گئی
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ