ہیروئن پیٹ میں رکھ کر خلیجی ممالک اسمگل کرانے والے حاجی طارق گروپ کا خاتمہ
اشاعت کی تاریخ: 7th, October 2025 GMT
کراچی:
اینٹی نارکوٹکس فورس نے منشیات اسمگلروں کے بدنام زمانہ حاجی طارق خان گروپ کا قلع قمع کردیا، یہ گروہ سندھ کے مجبور اور سادہ لوح شہریوں کو ورغلا کر ان کے ذریعے منشیات خلیجی ممالک اسمگل کرتا تھا۔
ترجمان اے این ایف کے مطابق انٹیلی جنس ذرائع سے اطلاعات ملیں کہ منشیات کے بین الاقوامی اسمگلنگ نیٹ ورکس، سندھ کے غریب اور مجبور لوگوں کو ورغلا کر ان کے ذریعے خلیج تعاون کونسل کے ممالک بالخصوص سعودی عرب، متحدہ عرب امارات، قطر اور اومان کو منشیات اسمگل کر رہے ہیں۔
اے این ایف نے جدید اور تکنیکی انداز میں مشکوک افراد کی فزیکل اور ڈیجیٹل نگرانی یہ معلومات حاصل کیں کہ منشیات اسمگر گروہ کے کارندے، کراچی اور دیہی سندھ کے غریب اور کم پڑھے لکھے نوجوانوں کو سہانے اور مستقبل کے جھوٹے خواب دکھا کران کو منشیات اپنے پیٹ میں کیپسولوں کی صورت میں چھپا کر خلیجی ممالک کے مختلف منازل تک پہنچانے کے لیے قائل کرلیتے ہیں۔
اس گروہ سے تعلق رکھنے والے چار منشیات کیریئرز سعودی عرب میں گرفتار ہوئے، اس اطلاع کے صرف 7 دنوں کے اندر اے این ایف نے 3 مزید ڈرگ کیریئرز کو منشیات سمیت گرفتار کرلیا۔
ان گرفتاریوں کے بعد اے این ایف نے جدید طریقہ تفتیش کو بروئے کار لاتے ہوئے اس بین الاقوامی اسمگلنگ گروہ کے سرغنہ طارق خان کو خیبرپختونخوا سے گرفتار کیا۔
ترجمان اے این ایف کے مطابق گروہ کے 9 افراد کو سرغنہ سمیت گرفتار کرکے منشیات اسمگلنگ کے بین الاقوامی گروہ/ نیٹ ورک کا خاتمہ کردیا گیا، دیگر مفرور ملزمان کے گرد بھی گھیرا تنگ کردیا گیا ہے اور بہت جلد وہ بھی اپنے انجام کو پہنچ جائیں گے۔
.ذریعہ: Express News
کلیدی لفظ: اے این ایف
پڑھیں:
دنیا بھر میں سب سے زیادہ ایپس ڈاؤن لوڈ کرنے والے ممالک کی فہرست جاری، پاکستان نویں نمبر پر
data-id="863a0a8" data-element_type="widget" data-widget_type="theme-post-content.default">
اسلام آباد: عالمی ادارے نے دنیا بھر میں سب سے زیادہ ایپس ڈاؤن لوڈ کرنے والے ممالک کے اعداد و شمار کی تازہ رپورٹ جاری کر دی ہے۔
دنیا بھر میں روزانہ اربوں کی تعداد میں موبائل ایپس ڈاؤن لوڈ کی جاتی ہیں، جو ڈیجیٹل معیشت کی تیزی سے بڑھتی ہوئی سرگرمیوں کا مظہر ہیں، پاکستان نے بھی اس دوڑ میں نمایاں جگہ بنا لی ہے اور اب وہ دنیا کے ٹاپ 10 ممالک میں شامل ہو گیا ہے جہاں سب سے زیادہ ایپس ڈاؤن لوڈ کی جاتی ہیں۔
رپورٹ کے مطابق پاکستان نے سال 2024 میں تقریباً 3.56 بلین (356 کروڑ) ایپس ڈاؤن لوڈ کیں اور اس بنیاد پر دنیا بھر میں نواں نمبر حاصل کیا۔ قابلِ ذکر بات یہ ہے کہ 2022 میں بھی پاکستان اسی پوزیشن پر موجود تھا، جب ملک میں تقریباً 3.5 بلین ایپ ڈاؤن لوڈز ریکارڈ کیے گئے تھے۔
ماہرین کے مطابق پاکستان کی ایپ مارکیٹ میں گزشتہ چند برسوں کے دوران غیر معمولی تیزی دیکھی گئی ہے۔ صرف 2022 میں ڈاؤن لوڈز کی شرح میں 35 فیصد سے زائد اضافہ ہوا، جو اس بات کا ثبوت ہے کہ ملک میں انٹرنیٹ اور اسمارٹ فون کے استعمال میں کس تیزی سے اضافہ ہو رہا ہے۔
عالمی سطح پر اگر بات کی جائے تو چین اس فہرست میں بدستور سرفہرست ہے، جہاں ایپ ڈاؤن لوڈز کی تعداد باقی تمام ممالک سے کہیں زیادہ ہے، بھارت دوسرے نمبر پر ہے اور تیزی سے ایک بڑی ڈیجیٹل مارکیٹ کے طور پر ابھر رہا ہے۔ اس کے بعد برازیل تیسرے جبکہ انڈونیشیا چوتھے نمبر پر موجود ہیں۔
تجزیہ کاروں کا کہنا ہے کہ پاکستان کا عالمی فہرست میں جگہ بنانا اس بات کی علامت ہے کہ ملک میں نہ صرف موبائل انٹرنیٹ کی دستیابی میں اضافہ ہوا ہے بلکہ نوجوان آبادی کی بڑی تعداد ٹیکنالوجی، تعلیم، تفریح اور کاروبار کے لیے ایپس کا بھرپور استعمال کر رہی ہے۔’
تعزیت نامہ