data-id="863a0a8" data-element_type="widget" data-widget_type="theme-post-content.default">
251008-03-3
قاسم جمال
پاک بھارت جنگ میں بھارت جب سے پاکستان سے ذلت آمیز سے دو چار ہوا ہے ایسا محسوس ہورہا کہ اس کے اوسان خطا ہو چکے ہیں اور وہ اپنی شکست کو قبول کرنے کو تیار نہیں ہے اس کا اظہار وہ متعدد بار کر چکا ہے اس کا ایک اور مظاہرہ پاکستان بھارت کے کرکٹ میچ کے دوران دبئی میں دیکھنے میں آیا۔ جب پاکستان کرکٹ بورڈ کے چیئرمین محسن نقوی سے بھارتی کرکٹ ٹیم نے ٹرافی نہیں لی تو بھارت کو جگ ہنسائی کا سامنا کرنا پڑ رہا ہے۔ اور تو اور اپنے پرائے سب بھارت پر اب تھو تھو کررہے ہیں۔ بھارت نے اپنے پاگل پن کو سچ ثابت کرنے کے لیے بھارتی کرکٹ بورڈ کو حکم دیا ہے کہ وہ دبئی میں محسن نقوی کے خلاف چوری کا مقدمہ درج کروائے اور اس پر اب بھارتی کرکٹ بورڈ سر جوڑ کر بیٹھ گیا ہے اور محسن نقوی کے خلاف دبئی میں مقدمہ درج کرانے پر غورکیا جارہا ہے۔ بھارت کے میڈیا ہمیشہ ہی سے جھوٹ پر چلتا ہے۔ پاکستان کرکٹ بورڈ کے چیئرمین محسن نقوی کا کہنا ہے کہ میں نے نہ تو بی سی سی آئی سے معافی مانگی ہے اور نہ ہی کبھی مانگوں گا۔
بھارت کی اس ہٹ دھرمی اور ایشیا کپ ٹرافی کے تنازع پر نیا طوفان کھڑا ہوگیا ہے۔ ایشین کرکٹ کونسل (اے سی سی) کے صدر محسن نقوی نے بھارتی میڈیا کی پھیلائی گئی خبروں کو جھوٹ اور پروپیگنڈا قرار دیتے ہوئے دوٹوک الفاظ میں کہا ہے کہ ’میں نے نہ تو بی سی سی آئی سے معافی مانگی ہے اور نہ ہی کبھی مانگوں گا۔ بھارتی میڈیا جھوٹ پر چلتا ہے، حقائق پر نہیں۔ بھارتی میڈیا کے مطابق دبئی میں اے سی سی اجلاس کے دوران بھارتی کرکٹ بورڈ کے نائب صدر راجیو شکلا نے محسن نقوی سے ٹرافی دینے کا مطالبہ کیا لیکن محسن نقوی نے واضح کر دیا کہ یہ معاملہ اجلاس کے ایجنڈے کا حصہ ہی نہیں۔ ذرائع کے مطابق راجیو شکلا نے بار بار ٹرافی کے لیے اصرار کیا لیکن محسن نقوی نے کہا کہ ’اگر بھارتی ٹیم کو ٹرافی چاہیے تو خود اے سی سی کے دفتر آ کر وصول کرے۔ محسن نقوی کا مزید کہنا تھا کہ وہ فائنل کے روز بھی ٹرافی دینے کے لیے موجود تھے لیکن بھارتی ٹیم نے ٹرافی لینے سے انکار کر دیا۔ نتیجتاً تقریب ڈیڑھ گھنٹے تاخیر کا شکار ہوئی اور میدان میں رکھی ٹرافی واپس لے جائی گئی۔ جبکہ بھارتی کھلاڑی اس کا انتظار کرتے رہ گئے۔ بھارتی میڈیا اور بورڈ نے اس معاملے کو سیاست کا رنگ دینے کی کوشش کی ہے۔
میڈیا رپورٹ کے مطابق بی سی سی آئی نے محسن نقوی کے خلاف دبئی میں ٹرافی کی ’’چوری‘‘ اور ’’زبردستی قبضے‘‘ کی شکایت درج کرانے کا فیصلہ کیا ہے اور انہیں 72 گھنٹوں کی ڈیڈ لائن دی گئی تھی۔ جس پر محسن نقوی نے واضح کیا ہے کہ وہ بی سی سی آئی سے کبھی معافی نہیں مانگیں گے۔ محسن نقوی کا کہنا ہے کہ بھارت کھیل کو سیاست میں گھسیٹ رہا ہے اور یہ رویہ نہ صرف کرکٹ کی غیر جانبداری بلکہ کھیل کی اصل روح کو بھی نقصان پہنچا رہا ہے۔ اس کے علاوہ بھارتی کھلاڑیوں نے ٹرافی کے ساتھ جعلی تصاویر سوشل میڈیا پر ڈال کر اپنے عوام کو مطمئن کرنے کی کوشش کی، جبکہ سابق بھارتی کرکٹرز کپل دیو اور سید کرمانی خود اس بات کا اعتراف کر چکے ہیں کہ کھیل کو سیاست سے آلودہ کرنا افسوسناک عمل ہے اور اس کے مستقبل میں خطرناک نتائج برآمد ہوں گے۔ بھارت نے کھیل میں سیاست کو داخل کر کے خود اپنے لیے مسائل کھڑے کر دیے ہیں اور اپنے غیر سب اس کے خلاف ہوگئے ہیں۔ پاکستان ہار کر جیت گیا ہے اور بھارت جیت کر ہار گیا ہے۔ ہندوتوا جو کہ بھارت میں مسلم دشمنی میں پاگل ہوگیا ہے اور اس نے مسلمانوں ودیگر اقلیتوں کو دیوار سے لگایا ہوا ہے ایسے میں ایشیا کپ کے فائنل میں جو کچھ بھی ہوا ہے وہ کرکٹ کی تاریخ میں ایک سیاہ داغ کے طور پر ہمیشہ یاد رکھا جائے گا۔ بھارت نے اپنی گندی ذہنیت سے کرکٹ کے ماحول کو گندا کردیا ہے اور اس کی یہ غلاظت کبھی بھی بھلائی نہیں جاسکے گی۔
ذریعہ: Jasarat News
کلیدی لفظ: بھارتی میڈیا محسن نقوی نے بھارتی کرکٹ کرکٹ بورڈ کے خلاف ہے اور اور اس
پڑھیں:
بھارتی میڈیا نے وسیم اکرم کو جاسوس بنا دیا، سابق پاکستانی کرکٹر برہم
قومی کرکٹ ٹیم کے سابق کپتان وسیم اکرم نے بھارتی میڈیا پر سخت برہمی کا اظہار کیا ہے، جس نے بھارت میں گرفتار ایک شخص کی خبر کے ساتھ ان کی تصویر نشر کردی۔
وسیم اکرم نے سوشل میڈیا پر جاری اپنے ایک بیان میں کہاکہ میں سب کو ایک مفت مشورہ دینا چاہتا ہوں، اگر سوشل میڈیا پر کوئی شخص میرے نام سے موجود ہے تو پہلے اچھی طرح تصدیق کرلیا کریں۔
– Verify your source before sharing any news, everything you come across online is not real…
Our official accounts are stated below…https://t.co/evZauvlIHGhttps://t.co/uqnndN7MrS https://t.co/F5xHOH5KQZ pic.twitter.com/k7JhxovrAo
— Wasim Akram (@wasimakramlive) October 7, 2025
انہوں نے بتایا کہ بھارت میں ایک شخص جس کا نام بھی وسیم اکرم ہے، مبینہ طور پر جاسوسی کے الزام میں گرفتار کیا گیا ہے، مگر بھارتی نیوز چینلز نے اس خبر میں ان کی تصویر استعمال کرلی۔
وسیم اکرم نے اپنے ویڈیو بیان میں طنزیہ انداز اختیار کیا اور کہاکہ ’کون لوگ ہو تسی؟ کتھوں آئے ہو؟‘۔
ان کا مزید کہنا تھا کہ کوئی بھی معلومات شیئر کرنے سے پہلے حقائق کی تصدیق کرنا ضروری ہے۔
یاد رہے کہ کچھ روز قبل بھارت کی ریاست ہریانہ میں وسیم اکرم نامی ایک یوٹیوبر کو مبینہ جاسوسی کے الزام میں گرفتار کیا تھا، تاہم بھارتی میڈیا نے اس کی خبر چلاتے ہوئے سابق پاکستانی کرکٹر وسیم اکرم کی تصویر چلا دی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اظہار برہمی بھارت بھارتی میڈیا جاسوس کی گرفتاری سابق کرکٹر وسیم اکرم وی نیوز
ٹرافی تنازعہ، بھارتی کرکٹ بورڈ محسن نقوی کے خلاف تحریک عدم اعتماد لانے کے لیے تیار؟