پولیس کا گھیراؤ اور ہتھیاروں کی موجودگی، کیا یہ پُر امن احتجاج ہے، معروف صحافی کا ٹی ایل پی کے مارچ پر تبصرہ
اشاعت کی تاریخ: 11th, October 2025 GMT
پاکستان کے معروف اینکر، صحافی اور تجزیہ کار وجاہت کاظمی نے تحریکِ لبیک پاکستان (ٹی ایل پی) کے سربراہ سعد حسین رضوی کی ایک ویڈیو اور مبینہ اسلحہ کی تصاویر شیئر کرتے ہوئے جماعت پر شدید تنقید کی ہے اور ریاست سے سخت کارروائی کا مطالبہ کیا ہے۔
یہ بھی پڑھیں:’غزہ جل رہا تھا تو خاموشی، اب احتجاج کیوں؟‘، سوشل میڈیا صارفینکا ٹی ایل پی پر اعتراض
وجاہت کاظمی کے مطابق سعد رضوی کی ایک ویڈیو سامنے آئی ہے جس میں وہ پولیس کی جانب سے مبینہ طور پر فائرنگ کے بعد ملنے والے خول دکھا رہے ہیں۔ اس ویڈیو پر تبصرہ کرتے ہوئے وجاہت کاظمی نے لکھا:
’یہ خول وہیں گرتے ہیں جہاں بندوق سے گولی چلتی ہے، یہ ایک چیختا ہوا ثبوت ہے کہ ٹی ایل پی قانون نافذ کرنے والے اداروں پر گولیاں چلا رہی ہے‘۔
These shells fall where the bullet is fired from guns.
— Wajahat Kazmi (@KazmiWajahat) October 11, 2025
انہوں نے مزید ایک پوسٹ میں تحریکِ لبیک کے کارکنان سے مبینہ طور پر برآمد ہونے والے خنجروں اور چاقوؤں کی تصاویر بھی شیئر کیں اور لکھا کہ
’کس زاویے سے یہ احتجاج پُرامن دکھائی دیتا ہے؟ ٹی ایل پی نے اپنے کارکنان کو خطرناک ہتھیاروں سے مسلح کیا ہے۔ پُرامن احتجاج سب کا حق ہے، لیکن جب ارادے پرتشدد ہوں تو ریاست کو اپنی رِٹ قائم کرنی چاہیے‘۔
یہ بھی پڑھیں:پنجاب میں بڑے پیمانے پر سرچ آپریشنز، تحریک لبیک کے مارچ کے دوران کشیدگی میں اضافہ
وجاہت کاظمی نے ایک اور ویڈیو پر تبصرہ کرتے ہوئے کہا کہ سعد رضوی کنٹینر پر موجود رہتے ہوئے اپنے کارکنان کو پولیس اہلکاروں کو گھیرنے اور ان کا راستہ روکنے کی ہدایات دے رہے ہیں۔
انہوں نے کہا کہ یہ ریاست کے خلاف بغاوت اور قانون ہاتھ میں لینے کے مترادف ہے، لہٰذا حکومت کو ایسے عناصر کے خلاف سخت کارروائی کرنی چاہیے۔
From which angle does this protest look peaceful? TLP has armed its people with dangerous weapons. Peaceful protest is a right of all but when the intentions are nefarious then the state must do everything to establish its writ. pic.twitter.com/JhKyTi5k2v
— Wajahat Kazmi (@KazmiWajahat) October 11, 2025
وجاہت کاظمی نے مزید لکھا کہ تمام مسلم ممالک، حماس، فلسطینی اتھارٹی اور یہاں تک کہ غزہ کے عوام بھی امن معاہدے کو قبول کر چکے ہیں، تو سوال یہ ہے کہ ٹی ایل پی کس بات کی مخالفت کر رہی ہے اور کیوں؟
انہوں نے کہا کہ اگر احتجاج واقعی پُرامن ہے تو کارکنوں کے پاس غلیلیں، کیل والے ڈنڈے اور چھروں والے ہتھیار کیوں ہیں؟ پُرامن احتجاج کا حق سب کو حاصل ہے، لیکن کسی کو ریاستی اداروں پر حملہ کرنے یا ملک میں بدامنی پھیلانے کی اجازت نہیں دی جا سکتی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پولیس تحریک لبیک پاکستان ٹی ایل پی مارچ وجاہت کاظمی
ذریعہ
ذریعہ: WE News
کلیدی لفظ: پولیس تحریک لبیک پاکستان ٹی ایل پی مارچ وجاہت کاظمی وجاہت کاظمی نے ٹی ایل پی
پڑھیں:
دبئی ایئرپورٹ پر اے آئی امیگریشن سسٹم متعارف، 3.4 سیکنڈ میں کلیئرنس
دبئی: دبئی ایئرپورٹ اے آئی امیگریشن سسٹم کے ذریعے مسافروں کے لیے سفر کو مزید تیز اور آسان بنانے کی جانب ایک اہم قدم اٹھا لیا گیا ہے۔ مصنوعی ذہانت (AI) پر مبنی جدید بارڈر کنٹرول نظام کی آزمائش کامیاب رہی ہے، جس کے تحت مسافر صرف 3.4 سیکنڈ میں امیگریشن کا مرحلہ مکمل کر سکتے ہیں۔
دبئی کی جنرل ڈائریکٹوریٹ آف آئیڈینٹیٹی اینڈ فارنرز افیئرز (GDRFA) کے مطابق اس جدید نظام میں اے آئی سے لیس بایومیٹرک کیمرے بیک وقت 10 مسافروں کی شناخت کرنے کی صلاحیت رکھتے ہیں۔
بغیر پاسپورٹ دکھائے امیگریشن کلیئر
نئے سسٹم کے تحت “ریڈ کارپٹ لین” استعمال کرنے والے رجسٹرڈ مسافروں کو پاسپورٹ یا بورڈنگ پاس دکھانے کی ضرورت نہیں ہوگی۔ انہیں صرف اپنا چہرہ کھلا رکھ کر بایومیٹرک کیمرے پر موجود سبز اشارے کی طرف دیکھنا ہوگا، جس کے بعد شناخت کا عمل خودکار طور پر مکمل ہو جائے گا۔
ابتدائی مرحلے میں کن مسافروں کے لیے؟
ابتدائی طور پر اس جدید سسٹم کا آغاز دبئی ایئرپورٹ کے ٹرمینل 3 پر فرسٹ کلاس اور بزنس کلاس کے مسافروں کے لیے کیا گیا تھا، تاہم کامیاب آزمائش کے بعد اب اس سہولت کو مزید آنے والے مسافروں تک توسیع دی جا رہی ہے۔
اعداد و شمار کے مطابق 2025 کے دوران 5 لاکھ 28 ہزار سے زائد مسافروں نے دبئی کے “اسمارٹ کوریڈور” سے استفادہ کیا، جبکہ گزشتہ سال 2 کروڑ 60 لاکھ سے زیادہ مسافروں نے اسمارٹ گیٹس کے ذریعے سفر کیا۔
کن افراد کو یہ سہولت حاصل ہوگی؟
حکام کے مطابق متحدہ عرب امارات اور خلیجی ممالک کے شہری، یو اے ای کے رہائشی اور بایومیٹرک پاسپورٹ رکھنے والے ویزا آن ارائیول مسافر اس سہولت سے خودکار طور پر فائدہ اٹھا سکیں گے۔ تاہم 1.2 میٹر سے کم قد رکھنے والے بچوں کے لیے یہ نظام فی الحال دستیاب نہیں ہوگا۔
دبئی ایئرپورٹس کے چیف ایگزیکٹو پال گریفتھس کا کہنا ہے کہ اس جدید ٹیکنالوجی کا مقصد سیکیورٹی کو برقرار رکھتے ہوئے امیگریشن کے عمل کو زیادہ تیز، آسان اور مؤثر بنانا ہے۔ ان کے مطابق مستقبل میں دبئی ایئرپورٹ اے آئی امیگریشن سسٹم تمام مسافروں کے لیے دستیاب ہوگا، جس سے ہوائی سفر کا تجربہ مزید بہتر ہونے کی توقع ہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار