جعلی دستاویزات پر بیرون ملک جانے کی کوشش پر خاتون سمیت 4 ملزمان گرفتار
اشاعت کی تاریخ: 11th, October 2025 GMT
کراچی:
ایف آئی اے امیگریشن نے اسلام آباد اور کوئٹہ ایئر پورٹس سے جعلی دستاویزات پر بیرون ملک جانے کی کوششوں کو ناکام بناتے ہوئے خاتون سمیت 4 ملزمان کو گرفتار کرلیا۔
ترجمان ایف آئی اے کے مطابق راولپنڈی ایف آئی امیگریشن کے عملے نے خاتون سمیت 3 مسافروں کو آف لوڈ کیا جن میں سلمان خان، بادشاہ خان اور ارمغان بلخی نامی خاتون شامل ہیں۔
ملزم سلمان خان اور بادشاہ خان کا تعلق سوات اور دیر سے ہے، سلمان خان نامی مسافر فلائٹ نمبر PF 718 کے ذریعے عمرہ ویزے پر سعودی عرب جا رہا تھا، ملزم کے پاسپورٹ پر سربیا کا جعلی ویزا لگا ہوا تھا۔
ملزم بادشاہ خان PK187 کے ذریعے وزٹ ویزے پر بحرین جا رہا تھا، ملزم کے موبائل فون سے اٹلی کا جعلی ریزیڈنٹ کارڈ برآمد کر لیا گیا، ملزم سال 2023 میں بھی پاکستان سے آذربائیجان اور بعد ازاں لیبیا گیا تھا، ملزم لیبیا سے غیر قانونی طور پر یورپ جاتے ہوئے گرفتار ہوا تھا اور رواں سال ہی پاکستان ڈیپورٹ ہوا تھا۔
خاتون ملزمہ آرمغان بلخی پرواز PK749 کے ذریعے فرانس جا رہی تھی، ملزمہ کا تعلق افغانستان سے ہے، ملزمہ کی جانب سے پیش کیا جانے والا سوئس ریزیڈینس کارڈ جعلی نکلا۔
ایف آئی اے امیگریشن اسلام آباد نے تینوں ملزمان کو مزید قانونی کارروائی کے لئے اینٹی ہیومن ٹریفکنگ سرکل اسلام آباد کے حوالے کر دیا۔
ایف آئی اے امیگریشن ونگ نے کوئٹہ ایئرپورٹ پر کامیاب کارروائی کرتے ہوئے جعلی سفری دستاویزات کے ذریعے آذربائیجان جانے کی کوشش ناکام بنا دی۔
ایف آئی اے حکام کے مطابق ملزم کلیم کمال نے ٹمپرڈ پاسپورٹ پیش کیا جس کے ویزے کے صفحات میں ردوبدل کیا گیا تھا، دوران تلاشی ملزم کے قبضے سے پولینڈ کا جعلی ویزا اسٹیکر بھی برآمد ہوا، ملزم کا تعلق کراچی سے بتایا جاتا ہے۔
ایف آئی اے امیگریشن کوئٹہ نے ملزم کو مزید قانونی کارروائی کیلئے اینٹی ہیومن ٹریفکنگ سرکل کوئٹہ کے حوالے کر دیا۔
.ذریعہ: Express News
کلیدی لفظ: ایف آئی اے کے ذریعے
پڑھیں:
پنجاب: مطلوب ملزم انٹرپول کے ذریعے مسقط سے گرفتار
---فائل فوٹوپنجاب کے شہر حافظ آباد میں مطلوب ملزم کو انٹرپول کے ذریعے مسقط سے گرفتار کر لیا گیا۔
ڈسٹرکٹ پولیس آفس (ڈی پی او) حافظ آباد کے مطابق ملزم منشیات فروشی اور دیگر سنگین مقدمات میں مطلوب تھا۔
ڈی پی او کا کہنا ہے کہ ملزم نے 2022ء میں ایک شخص کو فائرنگ کرکے زخمی بھی کیا تھا۔
چیٹ جی پی ٹی پر سب سے زیادہ استعمال ہونے والے فیچرز کی فہرست جاری