لاری اڈہ پولیس کی کاروائی، 15 پر ڈکیتی کی جھوٹی کال دینے والا ملزم گرفتار
اشاعت کی تاریخ: 11th, October 2025 GMT
لاری اڈہ پولیس کی کاروائی میں 15 پر ڈکیتی کی جھوٹی کال دینے والے ملزم کو گرفتار کرلیا گیا ہے۔
تفصیلات کے مطابق کالر اسماعیل نے پولیس والوں کو فون پر بتایا کہ دو ڈاکو موٹر سائیکل پر آئے اور گن پوائنٹ پر 5 لاکھ 31 ہزار 5 سو کی رقم چھین کر فرار ہوئے۔
ایس پی سٹی کی ہدایت پر لاری اڈہ پولیس نے کال پر فوری ریسپانس دیا اور جائے وقوعہ کی تصدیق نہ ہونے پر سیف سٹی کیمروں کو چیک کیا گیا۔
ایس پی سٹی بلال احمد نے بتایا کہ دوران انٹیروگیشن ملزم زیادہ دیر تک پولیس کو چکما نہ دے سکا۔ ملزم اپنے مالک کے پیسوں کو خرد برد کرنا چاہتا تھا اس لیے جھوٹی کال کر دی۔ پولیس کی پوچھ گچھ نے ملزم اسماعیل کے جھوٹ کا بھانڈا پھوڑ دیا۔
ملزم کے قبضہ سے خرد برد کی ہوئی نقد 5 لاکھ 10 ہزار رقم برآمد بھی ہوئی۔ ملزم جہاں ملازمت کرتا اسی دوکان کے لاکر میں رقم چھپا رکھی تھی۔ کالر نے بددیانتی کرتے ہوئے رقم میں سے 21 ہزار اپنے قرضے کی رقم اتاری تھی۔
لاری اڈہ پولیس نے کالر کو گرفتار کر کے مقدمہ درج کرلیا ہے۔ بروقت ریسپانس اور موقع پر درست تفتیش کرنے پر ایس ایچ او عرفان اور اے ایس آئی سلمان سمیت ٹیم کو شاباش دی گئی۔
.ذریعہ: Express News
پڑھیں:
کراچی: بلاول ہاؤس چورنگی کے قریب سیف سٹی سافٹ ویئر باکس کی چوری میں ملوث ملزم گرفتار
data-id="863a0a8" data-element_type="widget" data-widget_type="theme-post-content.default">
کراچی: بلاول ہاؤس چورنگی کے قریب سیف سٹی پروجیکٹ کے سافٹ ویئر باکس کی چوری میں ملوث ملزم کو گرفتار کر لیا گیا ہے۔
پولیس کے مطابق واقعہ 6 نومبر کو پیش آیا تھا، جس میں چور باکس کے ساتھ موجود سیف سٹی کیمرے بھی اتار کر لے گئے تھے۔ پولیس نے کارروائی کرتے ہوئے ملزم کو ساتھی سمیت حراست میں لیا، جبکہ دیگر 3 ملزمان پہلے ہی گرفتار ہو چکے ہیں۔
ملزم کی نشاندہی پر پولیس نے مسروقہ سامان برآمد کر لیا اور اس کے ساتھ کباڑی کو بھی گرفتار کیا گیا ہے۔
واضح رہے کہ یہ ڈسٹری بیوشن باکس سیف سٹی کیمروں کو بہتر سروس فراہم کرنے میں استعمال ہوتا ہے اور اس میں لاکھوں روپے مالیت کا سامان موجود ہوتا ہے، جس کی واپسی سے پروجیکٹ کی کارکردگی میں بہتری آئے گی۔
پنجاب: اسکولوں میں تدریسی اوقات صرف 2 گھنٹے کردی گئی، چھٹیوں کا بھی اعلان