واٹس ایپ: ویڈیوز و تصاویر کے حوالے سے اہم فیچر متعارف
اشاعت کی تاریخ: 13th, October 2025 GMT
واٹس ایپ نے تصاویر اور ویڈیوز کی ڈاؤن لوڈ کوالٹی کنٹرول کرنے کی نئی خصوصیت متعارف کروادی۔
یہ بھی پڑھیں: واٹس ایپ نے صارفین کو پروفائل میں فیس بک آئی ڈی کا لنک شامل کرنے کی سہولت دیدی
اس کی نئی اپ ڈیٹ میں ایک خاص فیچر شامل کیا گیا ہے جس سے صارفین اب یہ فیصلہ کر سکیں گے کہ وہ ڈاؤن لوڈ ہونے والی تصاویر اور ویڈیوز کس معیار (کوالٹی) میں رکھنا چاہتے ہیں۔
صارفین اب منتخب کر سکتے ہیں کہ وہ تصاویر اور ویڈیوز کو اعلیٰ معیار (ہائی کوالٹی) میں ڈاؤن لوڈ کریں یا کم حجم (کم سائز) میں تاکہ ڈیٹا اور موبائل کی جگہ بچ سکے۔
کم معیار کا انتخاب کرنے سے ڈیٹا اور اسٹوریج کی بچت ہوگی جبکہ اعلیٰ معیار میں بہتر تصویر کی وضاحت اور تفصیل حاصل ہوگی۔
یہ فیچر خاص طور پر اُن لوگوں کے لیے مفید ہے جن کے پاس انٹرنیٹ کی رفتار کم ہو یا جو ڈیٹا بچانا چاہتے ہوں۔
مزید پڑھیے: واٹس ایپ نے کال شیڈول کرنے کی نئی سہولت متعارف کر دی
یہ نیا آپشن واٹس ایپ کی سیٹنگز کے تحت ذخیرہ اور ڈیٹا (Storage and Data) کے مینو میں ’خودکار ڈاؤن لوڈ معیار‘ (Auto-download quality) کے نام سے دستیاب ہوگا۔
استعمال کرنے کا طریقہواٹس ایپ کی سیٹنگز میں جائیں۔ ذخیرہ اور ڈیٹا والے حصے میں ’خودکار ڈاؤن لوڈ معیار‘ کا آپشن منتخب کریں۔
یہاں سے آپ Standard quality یا اعلیٰ معیار (HD quality) میں سے پسند کا انتخاب کر سکتے ہیں۔
اسٹینڈرڈ کوالٹی فائلز کو کمپریس کر کے چھوٹا کرتا ہے تاکہ جلدی ڈاؤن لوڈ ہوں۔ ایچ ڈی کوالٹی تصاویر اور ویڈیوز کو زیادہ واضح اور تفصیلی رکھتا ہے۔
اہم باتیہ کمپریشن بھیجنے والے کے موبائل پر ہوتی ہے واٹس ایپ کے سرورز پر نہیں اس لیے کوئی باہر کا سسٹم اصل تصویر یا ویڈیو نہیں دیکھ سکتا یا تبدیل نہیں کر سکتا۔
مزید پڑھیں: واٹس ایپ نے آئی او ایس صارفین کے لیے کالز ہب فیچر لانچ کردیا
یہ خصوصیت ابھی محدود تعداد میں iOS (آئی فون) صارفین کے لیے بیٹا ورژن میں دستیاب ہے اور جلد ہی مزید صارفین کو بھی دی جائے گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
تصاویر اور ویڈیوز کی کوالٹی واٹس ایپ واٹس ایپ تصاویر واٹس ایپ نیا فیچر واٹس ایپ ویڈیوز.
ذریعہ
ذریعہ: WE News
کلیدی لفظ: واٹس ایپ واٹس ایپ نیا فیچر واٹس ایپ ویڈیوز تصاویر اور ویڈیوز واٹس ایپ نے ڈاؤن لوڈ کے لیے
پڑھیں:
موبائل کال اور انٹرنیٹ پیکجز مہنگے، صارفین پر نیا مالی بوجھ
اسلام آباد: موبائل انٹرنیٹ پیکجز مہنگے ہونے سے ملک بھر کے لاکھوں موبائل صارفین کو اضافی اخراجات کا سامنا کرنا پڑے گا۔ پاکستان ٹیلی کمیونیکیشن اتھارٹی (پی ٹی اے) کی جانب سے جاری کردہ تازہ تفصیلات کے مطابق مختلف موبائل کمپنیوں کے متعدد کال، ہائبرڈ اور ڈیٹا پیکجز کی قیمتوں میں نمایاں اضافہ کیا گیا ہے۔
پی ٹی اے کے مطابق مختلف موبائل آپریٹرز کے 15 مقبول ہائبرڈ اور ڈیٹا اونلی پیکجز کی قیمتوں میں 33 فیصد تک اضافہ ریکارڈ کیا گیا ہے، جس کے بعد صارفین کو پہلے کے مقابلے میں زیادہ رقم ادا کرنا ہوگی۔
جاری کردہ اعداد و شمار کے مطابق ماہانہ کال اور ڈیٹا پیکجز کی قیمتوں میں 500 روپے تک اضافہ کیا گیا ہے، جبکہ 15 روزہ پیکجز اب 300 روپے تک مہنگے ہو گئے ہیں۔
اسی طرح ہفتہ وار ہائبرڈ پیکجز کی قیمت میں 130 روپے تک اضافہ کیا گیا ہے، جبکہ تین روزہ پیکجز 21 روپے، دو روزہ پیکجز 20 روپے اور ایک روزہ ہائبرڈ پیکجز 5 روپے تک مہنگے کر دیے گئے ہیں۔
پی ٹی اے کا کہنا ہے کہ صارفین کی سہولت کے لیے تمام نئی ٹیرف تفصیلات ادارے کی ویب سائٹ پر جاری کر دی گئی ہیں، جہاں مختلف موبائل کمپنیوں کے کال اور انٹرنیٹ پیکجز، ان کی مدت، قیمت اور دستیاب سہولیات کا بآسانی موازنہ کیا جا سکتا ہے۔
اتھارٹی کے مطابق اس اقدام کا مقصد ٹیلی کام شعبے میں شفافیت کو فروغ دینا اور صارفین کو مختلف موبائل کمپنیوں کے پیکجز سے متعلق درست اور مکمل معلومات فراہم کرنا ہے۔
ماہرین کا کہنا ہے کہ موبائل اور انٹرنیٹ خدمات کی قیمتوں میں اضافے سے طلبہ، فری لانسرز، آن لائن کاروبار کرنے والے افراد اور روزمرہ انٹرنیٹ استعمال کرنے والے صارفین کے ماہانہ اخراجات میں مزید اضافہ ہوگا۔
پاکستان نے ورلڈ کپ 2028 کیلیے براہ راست کوالیفائی کر لیا