شیخ رشید کا سخت موقف، بھارت کے خلاف تازہ وارانہ بیان پر ہنگامہ
اشاعت کی تاریخ: 7th, October 2025 GMT
شیخ رشید نے اپنے ایک بیان میں کہا ہے کہ اگر اب بھارت نے پاکستان کو میلی آنکھ سے دیکھا تو ایسی ڈوز دینگے کہ وہ قیامت تک یاد رکھے گا۔ تفصیلات کے مطابق سابق وفاقی وزیر داخلہ شیخ رشید نے اڈیالہ جیل کے باہر میڈیا سے گفتگو کی ہے۔ اپنے بیان میں انہوں نے کہا ہے کہ بھارت کا دماغ خراب ہے اسے ایک اور گولی کی ضرورت ہے۔ اب کی بار ایسی ڈوز دینگے کہ وہ قیامت تک یاد رکھے گا۔ شیخ رشید نے واضح کیا کہ بھارت نے اگر پاکستان کو میلی آنکھ سے دیکھا تو پھر نہ وہاں بالا جی کے مندر کی گھنٹیاں بجیں گی۔ نہ چڑیا چہکے گی اور نہ گھاس اُگے گی اور دنیا یہ دیکھے گی۔ سابق وفاقی وزیر نے بتایا کہ پہلے مجھے اعزاز ایس ایچ او نے داگل ناکے پر آدھا گھنٹہ روکے رکھا۔ اب یہاں اڈیالہ جیل کے اندر جانے سے روک دیا گیا۔ مجھے کہا گیاہے آپ یہاں انتظار کریں۔ میں پاکستان میں نہیں تھا پاکستان سے باہر تھا۔ واپس آیا تو میرا نام ملزموں کی لسٹ میں شامل کر لیا گیا۔ آج میری اڈیالہ میں پیشی ہے لیکن مجھے اندر نہیں جانے دیا گیا۔ ن لیگ اور پیپلز پارٹی کی سیاسی صورتحال پر گفتگو کرتے ہوئے انہوں نے کہا کہ ن لیگ اور پیپلزپارٹی میں اچھا ہوگا تاکہ اصلی میں جوڈو کراٹے ہوں۔
.
ذریعہ
ذریعہ: Nawaiwaqt
پڑھیں:
بانی پی ٹی آئی کی بشریٰ بی بی سے ہفتہ وار ملاقات کرادی گئی
فائل فوٹواڈیالہ جیل میں بانی پی ٹی آئی اور اُن کی اہلیہ بشریٰ بی بی کی ہفتہ وار ملاقات کرادی گئی۔
جیل ذرائع کے مطابق بانی پی ٹی آئی اور بشریٰ بی بی کی ملاقات کانفرنس روم میں کرائی گئی، جو 40 منٹ تک جاری رہی۔
جیل ذرائع کے مطابق دوران ملاقات عمران خان اور بشریٰ بی بی نے ایک دوسرے کی خیریت دریافت کی۔
دوسری طرف اڈیالہ جیل میں بانی پی ٹی آئی اور بشری بی بی سے ملاقات کے دن کے موقع پر کسی وکیل اور فیملی ممبر کی ملاقات نہ ہوسکی۔
وزیراعلیٰ خیبر پختونخوا سہیل آفریدی بھی بانی پی ٹی آئی سے اظہار یکجہتی کیلئے اڈیالہ جیل آئے تھے۔
بانی پی ٹی آئی کی تینوں بہنیں علیمہ خان، نورین نیازی اور عظمی خان اڈیالہ جیل تو پہنچیں لیکن پولیس نے انہیں فیکٹری ناکے سے آگے جانے کی اجازت نہ دی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ