افغانستان کو پیار کی زبان سمجھ نہیں آئی، طالبان فرار ہو رہے، عطار تارڑ
اشاعت کی تاریخ: 12th, October 2025 GMT
ایک نجی ٹی وی چینل کے پروگرام میں گفتگو کرتے ہوئے وزیراطلاعات و نشریات کا کہنا تھا کہ پاکستان نے دشمن کو منہ توڑ جواب دیا اب کوئی جرأت نہیں کرے گا، کلیئر کردوں اب اگر افغان سرزمین پاکستان کے خلاف استعمال ہوئی تو افغانستان کے اندر جا کر ماریں گے، آپریشن سندور ہو یا تندور کوئی بھی کامیاب نہیں ہوگا۔ اسلام ٹائمز۔ وزیراطلاعات و نشریات عطا تارڑ نے کہا ہے کہ افغانستان کو پیار کی زبان سمجھ نہیں آئی، طالبان بھاگنے پر مجبور ہیں۔ ایک نجی ٹی وی چینل کے پروگرام میں گفتگو کرتے ہوئے عطا تارڑ کا کہنا تھا کہ پاکستان نے دفاع کا حق استعمال کرتے ہوئے افغانستان کو بھرپور جواب دیا۔ اُنہوں نے کہا کہ ہم اُن کو پیار کی زبان سمجھا رہے تھے اُن کو سمجھ نہیں آرہی تھی، افغان طالبان دوڑیں لگانے پر مجبور ہوگئے، ہم کب تک لاشیں اٹھائیں گے۔؟ خیبر پختونخوا حکومت کو ٹمبر،ڈرگ، تمباکو کا کچھ منافع آتا ہے۔
وفاقی وزیر اطلاعات کا کہنا تھا کہ 12 سال سے تحریک انصاف کی حکومت گاڑیاں رجسٹرڈ نہیں کرسکی، تحریک انصاف کے اندر 5 سے 6 گروپس بنے ہوئے ہیں، انہوں نے پنجاب کی طرح خیبر پختونخوا اسمبلی توڑ دی ہے۔ عطا تارڑ نے کہا کہ تحریک انصاف کو مشکلات کا سامنا ہوگا، تحریک انصاف تقسیم کی وجہ سے مشکلات کا شکار ہے، خیبر پختونخوا میں پی ٹی آئی کا اپنا ہاؤس ان آرڈر نہیں، خیبر پختونخوا حکومت کو اپنے معاملات ٹھیک کرنا ہوں گے۔ اُن کا مزید کہنا تھا کہ پاکستان نے دشمن کو منہ توڑ جواب دیا اب کوئی جرأت نہیں کرے گا، کلیئر کردوں اب اگر افغان سرزمین پاکستان کے خلاف استعمال ہوئی تو افغانستان کے اندر جا کر ماریں گے، آپریشن سندور ہو یا تندور کوئی بھی کامیاب نہیں ہوگا۔
ذریعہ: Islam Times
کلیدی لفظ: خیبر پختونخوا تحریک انصاف کہنا تھا کہ
پڑھیں:
پاکستان کی سلامتی سرخ لکیر ہے، کوئی سمجھوتہ نہیں ہوگا، امین شیرازی
مرکزی صدر آئی ایس او پاکستان کا کہنا ہے کہ پاکستان نے ہمیشہ صبر و تحمل کا مظاہرہ کیا ہے، مگر یہ صبر کمزوری نہیں، بلکہ ذمہ داری کا ثبوت ہے، اگر افغانستان کی سرزمین پاکستان کیخلاف استعمال ہوتی رہی تو پاکستان اپنی سرزمین اور عوام کے تحفظ کیلئے ہرممکن اقدام اٹھانے کا حق محفوظ رکھتا ہے۔ اسلام ٹائمز۔ امامیہ سٹوڈنٹس آرگنائزیشن پاکستان کے مرکزی صدر سید امین شیرازی کا افغانستان سے جارحیت کیخلاف اپنے بیان میں کہنا ہے کہ پاکستان ایک ذمہ دار اور امن پسند ملک ہے، جو ہمیشہ خطے میں استحکام اور باہمی احترام کا خواہاں رہا ہے۔ انہوں ںے کہا کہ حالیہ افغان جارحیت، سرحدی خلاف ورزیاں اور دہشت گردوں کو پناہ دینے جیسے اقدامات پاکستان کی خودمختاری اور سلامتی پر براہِ راست حملہ ہیں، جنہیں کسی صورت برداشت نہیں کیا جا سکتا۔
سید امین شیرازی کا کہنا ہے کہ پاکستان نے ہمیشہ صبر و تحمل کا مظاہرہ کیا ہے، مگر یہ صبر کمزوری نہیں، بلکہ ذمہ داری کا ثبوت ہے، اگر افغانستان کی سرزمین پاکستان کیخلاف استعمال ہوتی رہی تو پاکستان اپنی سرزمین اور عوام کے تحفظ کیلئے ہر ممکن اقدام اٹھانے کا حق محفوظ رکھتا ہے۔ انہوں نے کہا کہ ہم دنیا کو واضح پیغام دیتے ہیں کہ پاکستان کی سلامتی سرخ لکیر ہے، اس پر کوئی سمجھوتہ نہیں ہوگا۔
جڑواں شہروں میں پلاسٹک آلودگی انسانی صحت کے لئے بڑا چیلنج بن گئی