گورنرز اور وزرائے اعلیٰ کی افغان جارحیت کی شدید مذمت‘ پاک فوج کو خراج تحسین
اشاعت کی تاریخ: 13th, October 2025 GMT
data-id="863a0a8" data-element_type="widget" data-widget_type="theme-post-content.default">
251013-08-31
پشاور/ لاہور/ کراچی/ کوئٹہ (مانیٹرنگ ڈیسک) گورنر خیبرپختونخوا، گورنر و وزیراعلیٰ پنجاب ، سندھ و بلوچستان نے افغانستان کی جانب سے پاکستانی علاقوں پر بلااشتعال جارحیت کی شدید مذمت کرتے ہوئے بھرپور جواب دینے پر پاک فوج کو زبردست خراج تحسین پیش کیا ہے۔ تفصیلات کے مطابق وزیراعلیٰ پنجاب مریم نواز شریف نے افغانستان کی جانب سے پاکستانی علاقوں پر بلااشتعال جارحیت کی شدید مذمت کی اور افغان جارحیت کا دلیری سے جواب دینے پر پاک فوج کو زبردست خراج تحسین کیا۔ انہوں نے کہا کہ پاک فوج پوری قوم کی عزت ،غیرت،عزم اور وقار کی علمبردار ہے ، افغان جارحیت کا جواب پاک افواج نے ہمیشہ کی طرح جرأت دانشمندی اور قومی اتحاد سے دیا ہے۔ وزیراعلیٰ پنجاب نے کہا کہ پاکستان کی سرحدیں مقدس امانت ہیں، ان کی حفاظت ہر پاکستانی کا فرض ہے، افغان جارحیت کے جواب پیغام ہے کہ پاک سرزمین امن کی ضامن ہے،کمزوری کی علامت نہیں۔ انہوں نے کہا کہ پنجاب کے 12 کروڑ عوام اپنی بہادر افواج کے ساتھ سیسہ پلائی دیوار بن کر کھڑے ہیں، امن چاہتے ہیں مگر پاکستان کی سالمیت یا شہریوں کے تحفظ پر کوئی سمجھوتا نہیں ہو گا۔ وزیراعلیٰ سندھ سید مراد علی شاہ نے افغانستان کی جارحیت پر شدید ردعمل ظاہر کرتے ہوئے کہا کہ پاکستان اپنی خودمختاری پر سمجھوتا نہیں کرے گا۔ انہوں نے کہا کہ افغانستان کی سرزمین سے دہشت گرد حملے ناقابلِ برداشت ہیں، افغان قیادت دہشت گرد عناصر کے خلاف عملی اقدامات کرے۔ وزیراعلیٰ سندھ نے کہا کہ پاکستان نے افغان عوام کے ساتھ ہمیشہ خیرسگالی کا مظاہرہ کیا، افغانستان کو پاکستان کے صبر و تحمل کو کمزوری نہیں سمجھنا چاہیے۔ گورنر خیبرپختونخوا فیصل کریم کنڈی نے سوشل میڈیا کے سماجی رابطے کی ویب سائٹ پرپیغام میں افغان فورسز کی بلا اشتعال فائرنگ کی سخت الفاظ میں مذمت کرتے ہوئے کہا کہ یہ پاکستان کی خودمختاری کی صریح خلاف ورزی اورخطے کے استحکام کے لیے ایک خطرہ ہے۔ انہوں نے کہا کہ ایسے اقدام معصوم جانوں کے لیے خطرہ ہیں اور ہمسائیگی کے تعلقات کی روح کو کمزور کرتے ہیں۔ گورنر کے پی نے مزید کہا کہ ہماری مسلح افواج نے ہمیشہ ذمے داری، تحمل اورعزم کے ساتھ طاقت کا مظاہرہ کیا ہے، اور ہماری افواج وطن کے ایک ایک انچ کے دفاع کے لیے ہمت، پیشہ ورانہ مہارت اور ثابت قدمی کے ساتھ پہرا دیتی رہیں گی۔ اس نازک موقع پر ہمیں سیاسی اختلافات سے اوپر اٹھ کر اپنے سیکیورٹی اداروں کے ساتھ یکجا ہونا چاہیے، خیبرپختونخوا کے عوام اپنی بہادر افواج کے ساتھ ثابت قدمی سے کھڑے ہیں اور انہیں مکمل حمایت حاصل ہے۔ وزیراعلیٰ بلوچستان سرفراز بگٹی نے واضح کیا ہے کہ پاکستان نے ہمیشہ امن اور باہمی احترام کوترجیح دی۔لیکن قومی دفاع پر کسی قسم کا سمجھوتا ممکن نہیں۔ وزیراعلی بلوچستان سرفراز بگٹی نے کہا سرحد پار دہشتگرد گروہوں کی موجودگی سنگین مسئلہ ہے۔افغانستان کو سمجھنا ہوگا کہ ایسی سرگرمیاں خطے کے امن کے لیے خطرہ ہیں۔سرفراز بگٹی نے باور کرایا کہ۔پاک فوج ہر جارحیت کا دوٹوک اور مؤثر جواب دینا جانتی ہے۔عوام پاک فوج کے ساتھ چٹان کی طرح کھڑے ہیں۔ گورنرپنجاب سردارسلیم حیدر نے افغان فورسز کو منہ توڑ جواب دینے پرپاک فوج کو دل کی گہرائیوں سے خراج تحسین پیش کیا، ان کاکہنا تھاکہ پاک فوج نے پوری دنیا میں پاکستانیوں کا سرفخر سے بلند کر دیا ہے۔گورنر پنجاب کاکہنا تھاکہ فیلڈ مارشل عاصم منیر کی غیرت مند پالیسیوں کی وجہ سے پوری دنیا میں گرین پاسپورٹ کی عزت میں اضافہ ہوا۔
ذریعہ: Jasarat News
کلیدی لفظ: انہوں نے کہا کہ افغان جارحیت افغانستان کی کہ پاکستان کہا کہ پاک پاک فوج کو نے افغان کے ساتھ کے لیے
پڑھیں:
جنرل ساحر شمشاد کا ایئر ہیڈ کوارٹرز کا الوداعی دورہ، شاندار خدمات پر خراج تحسین وصول
اپنی الوداعی مصروفیات کے دوران جنرل ساحر شمشاد مرزا، چیئرمین جوائنٹ چیفس آف اسٹاف کمیٹی نے ایئر ہیڈ کوارٹرز اسلام آباد کا دورہ کیا۔
یہ بھی پڑھیں: الوداعی ملاقات: جنرل ساحر شمشاد نے تینوں افواج میں ہم آہنگی بڑھائی، فیلڈ مارشل عاصم منیر
سربراہ پاک فضائیہ ایئر چیف مارشل ظہیر احمد بابر سدھو نے ان کا استقبال کیا۔ ایئر ہیڈ کوارٹرز آمد پر پاک فضائیہ کے ایک چاق و چوبند دستے نے معزز مہمان کو گارڈ آف آنر پیش کیا۔
بعد ازاں چیئرمین جوائنٹ چیفس آف اسٹاف کمیٹی نے سربراہ پاک فضائیہ سے ان کے دفتر میں ملاقات کی۔
ایئر چیف مارشل ظہیر احمد بابر سدھو نے چیئرمین جوائنٹ چیفس آف اسٹاف کمیٹی کی مثالی خدمات اور تینوں مسلح افواج میں ہم آہنگی کو مضبوط و مربوط بنانے میں ان کے اہم کردار کی تعریف کی۔
سربراہ پاک فضائیہ نے قومی دفاع کے لیے جنرل ساحر شمشاد مرزا کی نمایاں خدمات کو بھی سراہا اور دہشتگردی کی لعنت کے خاتمے کے لیے مسلح افواج کے ساتھ مل کر کام جاری رکھنے کے پاک فضائیہ کے غیر متزلزل عزم کا اعادہ کیا۔
مزید پڑھیے: پاکستان کے آخری جوائنٹ چیفس آف اسٹاف کمیٹی جنرل ساحر شمشاد کی وزیراعظم سے الوداعی ملاقات
چیئرمین جوائنٹ چیفس آف اسٹاف کمیٹی نے پاک فضائیہ کی جنگی تیاریوں، عملی مہارت، جدت طرازی اور اپ گریڈیشن کے اقدامات پر اطمینان کا اظہار کیا۔
انہوں نے پاکستان کی فضائی سرحدوں کی حفاظت میں پاک فضائیہ کے اہلکاروں کی پیشہ ورانہ مہارت و لگن کو سراہا اور دہشتگردی کے عفریت کے خلاف قومی جنگ میں پاک فضائیہ کے اہم کردار کا اعتراف کیا۔
انہوں نے پاکستان کی تینوں مسلح افواج کے مابین موجودہ ہم آہنگی کو بھی سراہا اور اس اعتماد کا اظہار کیا کہ یہ تعاون مستقبل میں مزید فروغ پاتا رہے گا۔
مزید پڑھیں: جوائنٹ چیفس آف اسٹاف کمیٹی جنرل ساحر شمشاد مرزا کا نیول ہیڈکوارٹرز کا الوداعی دورہ
جنرل ساحر شمشاد مرزا نے پاک فضائیہ کی بھرپور حمایت پر ایئر چیف کا شکریہ ادا کرتے ہوئے پی اے ایف اور اسکی قیادت کے لیے نیک خواہشات کا اظہار کیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایئر ہیڈکوارٹرز جنرل ساحر شمشاد کا الوداعی دورہ چیئرمین جوائنٹ چیفس آف اسٹاف کمیٹی
تحریک تحفظ آئین پاکستان کی اپیل پر ملتان میں بھی یوم سیاہ، نماز جمعہ کے بعد سیاہ پٹیاں باندھ کر احتجاج