پنجاب: تاریخ میں پہلی بار محکمہ خوراک نے ڈیجیٹل دھوکہ دہی بے نقاب کردی
اشاعت کی تاریخ: 13th, October 2025 GMT
محکمہ خوراک پنجاب نے گندم اور آٹے کی ترسیل میں ہونے والی ڈیجیٹل جعلسازی کو بے نقاب کرتے ہوئے بڑا آپریشن کیا ہے۔
ترجمان کے مطابق ڈی جی فوڈ امجد حفیظ کی سربراہی میں صرف 48 گھنٹوں کے اندر ویب پورٹل کے ذریعے جعلسازی میں ملوث گروہ کو گرفتار کیا گیا۔
کارروائی کے دوران متعدد ڈرائیورز کو حراست میں لے کر مقدمات درج کرلیے گئے جبکہ 11 گاڑیاں تحویل میں لے لی گئیں۔
یہ بھی پڑھیے وزیراعلیٰ سے مذاکرات کے بعد فلور ملز ایسوسی ایشن کا پنجاب مین ہڑتال نہ کرنے کا اعلان
ترجمان نے بتایا کہ ابتدائی تحقیقات میں متعدد فلور ملز کے جعلی ای پرمٹ کے ذریعے ہزاروں من گندم اور آٹے کی اسمگلنگ کی کوشش سامنے آئی ہے۔ اس حوالے سے المستقیم، شاہ تاج، المکہ، سلطان، دریا اور عمر فلور ملز کو شوکاز نوٹسز جاری کر دیے گئے ہیں۔
ترجمان نے واضح کیا کہ سرکاری دستاویزات میں جعلسازی اور دھوکہ دہی کسی صورت برداشت نہیں کی جائے گی۔ جعلی ای پرمٹ کے ذریعے گندم اور آٹا اسمگل کرنے میں ملوث ٹرانسپورٹرز کے خلاف بھی کارروائی تیز کر دی گئی ہے۔
یہ بھی پڑھیے پنجاب میں فلور ملز کو بینکوں سے قرض لیکر گندم خریداری پر مجبور کیا جارہا ہے، احمد خان بھچر
محکمہ خوراک پنجاب نے یقین دہانی کرائی ہے کہ ڈیجیٹل نظام میں شفافیت یقینی بنانے اور خوراک کی ترسیل میں بدعنوانی کے تمام راستے بند کرنے کے لیے مزید اقدامات کیے جا رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
فلور ملز.ذریعہ: WE News
پڑھیں:
ساؤتھ پنجاب کی ایئرلائن پہلی اڑان کب بھرے گی؟
ساؤتھ ایئر لائن کے نام سے پاکستان میں ایک نئی نجی ایئرلائن کا آغاز جلد ہونے جا رہا ہے، جس کا مقصد ساؤتھ پنجاب کے چھوٹے اور پسماندہ علاقوں کو ملک کے بڑے معاشی مراکز سے جوڑنا ہے۔ یہ نئی ایئر لائن فضائی سفر کو سستا، قابلِ رسائی اور مؤثر بنانے کا ارادہ رکھتی ہے تاکہ پسماندہ علاقوں کے طلباء، کاروباری افراد اور مزدوروں کو آسان سفری سہولت فراہم کی جا سکے۔
یہ بھی پڑھیں:کراچی کے بجائے جدہ لے جانے کا معاملہ: سندھ ہائیکورٹ کا ایئر سیال اور ایف آئی اے کو نوٹس
ساؤتھ ایئر کا باضابطہ افتتاح 25 نومبر 2025 کو ملتان میں چیئرمین سینیٹ سید یوسف رضا گیلانی نے کیا۔ ان کا کہنا تھا کہ ساؤتھ ایئر لائن کا آغاز علاقائی رابطے، شمولیت اور ملک بھر میں خدمات تک رسائی بڑھانے کے لیے ایک تاریخی قدم ہے جو دیرینہ علاقائی خلا کو پُر کرنے میں مدد دے گا۔ ان کے مطابق یہ ایئرلائن چھوٹے اور دور دراز شہروں کے لیے بہتر سفری آپشنز فراہم کرے گی اور ترقی کی نئی راہیں کھولے گی۔
یوسف رضا گیلانی نے کہا کہ ایئر لائن جنوبی پنجاب کو اندرون سندھ، بلوچستان کے کچھ حصوں اور خیبر پختونخوا سے جوڑے گی۔ بہتر رسائی وسائل، تعلیم اور عوامی خدمات کے فروغ میں اہم کردار ادا کرے گی جو قومی یکجہتی میں بھی حصہ ڈالے گی۔
انہوں نے ایئرلائن انتظامیہ کو ہدایت کی کہ کرایے مناسب رکھے جائیں تاکہ تمام طبقات کے شہری اس سے فائدہ اٹھا سکیں۔ ان کا کہنا تھا کہ ساؤتھ ایئر کے کم کرایے قانون سازوں کے لیے بھی ریلیف فراہم کریں گے جنہیں مہنگے سفری اخراجات کا سامنا ہوتا ہے۔
یہ بھی پڑھیں:پی آئی اے کا طیارہ ایک ہفتے میں دوسری بار گراؤنڈ کردیا گیا
سول ایوی ایشن کے ذرائع کے مطابق ایئر ساؤتھ کو لائسنس جاری ہو چکا ہے اور یہ 15 دسمبر سے اپنا فلائٹ آپریشن شروع کر رہی ہے۔ ابتدائی مرحلے میں ایئرلائن محدود روٹس پر کام کرے گی اور ساؤتھ پنجاب کو سندھ، خیبر پختونخوا اور بلوچستان سے جوڑے گی۔
مستقبل میں ایئرلائن کا ہدف پاکستان کے شمالی علاقوں، جیسے گلگت، چترال اور اسکردو کے لیے پروازوں کا آغاز بھی ہے۔ آغاز میں ملتان سے کراچی کے لیے سروس شروع کی جائے گی۔
ذرائع کے مطابق ایس او ایس (سیکیورٹی آرگنائزنگ سسٹم) گروپ اس منصوبے میں سرمایہ کاری کر رہا ہے۔ ایس او ایس کمپنی 1994 میں ملتان میں قائم ہوئی تھی اور سیکیورٹی، کیش اِن ٹرانزٹ، کیش مینجمنٹ، اے ٹی ایم ریپلینشمنٹ، فارن کرنسی اور قیمتی اشیا کی درآمد و برآمد جیسے شعبوں میں خدمات فراہم کرتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ساؤتھ ایئر ساؤتھ پنجاب یوسف رضا گیلانی
تحریک تحفظ آئین پاکستان کی اپیل پر ملتان میں بھی یوم سیاہ، نماز جمعہ کے بعد سیاہ پٹیاں باندھ کر احتجاج