جعلی ویب پورٹل بنانے والی 2 فلور ملز کو کلین چٹ دلوانے کیلیے دباؤ
اشاعت کی تاریخ: 13th, October 2025 GMT
لاہور:
محکمہ خوراک پنجاب کا جعلی ویب پورٹل بنانے والی فلور ملز میں سے 2 کو’’ کلین چٹ ‘‘ دلوانے کیلئے سرکاری حکام پرشدید دباؤ ڈالا جا رہا ہے۔
گزشتہ روز محکمہ خوراک نے جعلی پرمٹ اسکینڈل میں ملوث 3فلور ملز کو شوکاز نوٹس جاری کیا مگر نامعلوم وجوہات کی وجہ سے 2 فلور ملز کو شوکاز نوٹس جاری نہیں کیا گیا جس وجہ سے فلورملنگ انڈسٹری میں یہ تاثر پھیل رہا کہ ایک اہم رہنما کے عزیز اور اس کے ساتھی کو بچالیا گیا اور دوسری فلور ملز کو قربان کردیا گیا۔
3 روز قبل ڈی جی فوڈ پنجاب امجد حفیظ نے محکمہ خوراک کا جعلی ویب پورٹل بنانے والا گروپ بے نقاب کیا گیا تھا جس میں راولپنڈی، ٹیکسلا واہ کینٹ سمیت دیگر علاقوں کی بعض فلور ملز کے نام سامنے آئے تھے۔
جن میں حیزمک ، مستقیم ، شاہ تاج ، نیو سیٹھی ، سٹی مل اور سلطان فلور ملز شامل ہیں ، ڈی جی فوڈ نے ان ملز کے خلاف مقدمہ درج کرنے کا حکم دیا ، تھانہ صدر میانوالی میں درج مقدمہ میں حیزمک فلورمل واہ کینٹ کا نام درج کرنے کی بجائے حضرو مل واہ کینٹ لکھوایا گیا۔
جس پر اگلے روز ڈی جی نے سخت نوٹس لیا اور ترمیمی استغاثہ تیار کرنے کی ہدایت کی جبکہ ڈی ایف ڈی میانوالی کے خلاف چارج شیٹ تیاری کا بھی حکم بھی دیا جس پر گزشتہ روز ایف آئی آر میں ترمیم کے بعد حیزمک فلورمل کا نام شامل کر لیا گیا۔
مگر حیران کن طور پر گزشتہ روز سلطان فلور مل ،سٹی فلور ملز ، مستقیم مل کو ڈسٹرکٹ فوڈ کنٹرولر راولپنڈی کی جانب سے شوکاز نوٹس جاری کیا گیا مگر نیو سیٹھی مل اور حیزمک مل کو شوکاز نوٹس جاری نہیں کیا گیا ۔
.
ذریعہ
ذریعہ: Express News
کلیدی لفظ: شوکاز نوٹس جاری فلور ملز کو کیا گیا فلور مل
پڑھیں:
پیٹرولیم مصنوعات کی قیمتوں کاروزانہ تعین ; سینٹ میں توجہ دلاؤ نوٹس جمع
سٹی 42: سینیٹر کامران مرتضیٰ نے پیٹرولیم مصنوعات کی قیمتوں کے روزانہ تعین کے مجوزہ فیصلے پر سینیٹ میں توجہ دلاؤ نوٹس جمع کرا دیا۔
توجہ دلاؤ نوٹس میں وفاقی حکومت کے پندرہ روزہ نظام کے بجائے روزانہ قیمتوں کے تعین کے مجوزہ فیصلے پر وضاحت طلب کی گئی۔سینیٹر کامران مرتضیٰ نے روزانہ قیمتوں کے تعین کے ممکنہ مہنگائی پر اثرات پر تشویش کا اظہار کیا۔
نوٹس متن کے مطابق مجوزہ نظام سے ٹرانسپورٹ اخراجات اور اشیائے ضروریہ کی قیمتوں میں اضافے کا خدشہ ہے،توجہ دلاؤ نوٹس میں کاروباری سرگرمیوں اور عوامی زندگی کے اخراجات پر ممکنہ اثرات سے متعلق سوالات اٹھائے گئے۔سینیٹر کامران مرتضیٰ نے حکومت سے مجوزہ پالیسی کی وجوہات اور نفاذ کے طریقہ کار کی تفصیلات طلب کر لیں۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
نوٹس میں صارفین کو قیمتوں کے غیر معمولی اتار چڑھاؤ سے تحفظ دینے کے لیے مجوزہ اقدامات سے بھی آگاہ کرنے کا مطالبہ کیا گیا۔سینیٹر کامران مرتضیٰ نے حکومت سے عوام کو ممکنہ منفی اثرات سے بچانے کے لیے حفاظتی اقدامات کی تفصیلات سینیٹ میں پیش کرنے کا مطالبہ کیا.
پاکستان نے ورلڈ کپ 2028 کیلیے براہ راست کوالیفائی کر لیا