احتجاج میں پرتشدد واقعات، ’ٹی ایل پی کو فوری کالعدم قرار دیا جائے‘
اشاعت کی تاریخ: 14th, October 2025 GMT
مذہبی سیاسی جماعت تحریک لبیک پاکستان (ٹی ایل پی) کے 10 اکتوبر کو نماز جمعہ کے بعد شروع ہونے والے احتجاج کو اسلام آباد پہنچنا تھا جس کے انہوں نے امریکی سفارت خانے کے سامنے احتجاج کرنا تھا لیکن یہ احتجاج شروع ہوتے پرتشدد ہوگیا، جس کی وجہ سے سڑکوں کی بندش، موبائل انٹرنیٹ کی معطلی اور احتجاجی شرکا کی پولیس کے ساتھ جھڑپیں بھی ہوئیں۔
یہ بھی پڑھیں: ٹی ایل پی کے امریکی سفارتخانے کی طرف مارچ، ’یہ ایک پرتشدد جماعت ہے‘
ٹی ایل پی کے مارچ میں موجود مسلح شرپسند عناصر نے قانون نافذ کرنے والے اداروں پر حملے کیے جس سے کئی افراد جان کی بازی ہار گئے اور درجنوں زخمی ہوئے جبکہ ایمبولیسنز کو بھی راستہ نہیں دیا گیا۔ اس پر صارفین کی جانب سے خوب تنقید کی گئی اور اس جماعت پر پابندی کا مطالبہ بھی کیا جانے لگا۔
یہ بھی پڑھیں: ٹی ایل پی نے کیسے پولیس اہلکار اغوا کیے، گاڑیاں اور سرکاری اسلحہ چھینا؟
ایک صارف کا کہنا تھا کہ حکومت پاکستان اور قانون نافذ کرنے اداروں سے مطالبہ ہے کہ ٹی ایل پی کو فوری کالعدم قرار دے کر ان کی فنڈنگ کے ذرائع اور اثاثوں کی مکمل تحقیقات کی جائیں اور ناجائز احتجاج میں ہونے والے جانی مالی نقصان کا مقدمہ درج کرکے قرار واقع سزا دی جائے۔
میں اعجاز احمد سکنہ فیصل آباد حکومت پاکستان اور قانون نافذ کرنے اداروں سے پرزور مطالبہ کرتا ہوں کہ ٹی ایل پی کو فوری کالعدم قرار دے کر ان کی فنڈنگ کے ذرائع اور اثاثوں کی مکمل تحقیقات کی جائیں۔
اور ناجائز احتجاج میں ہونے والے جانی مالی نقصان کا مقدمہ درج کرکے قرار واقع سزا دی جاۓ pic.
— میاں اعجاز (@pmlnymt8585) October 13, 2025
واضح رہے کہ ٹی ایل پی نے 10 اکتوبر کو راولپنڈی سے اسلام آباد میں واقع امریکی سفارتخانے تک مارچ کا اعلان کر رکھا تھا۔ تاہم رُکاوٹوں کے سبب یہ مارچ اسلام آباد نہیں پہنچ سکا اور انھوں نے لاہور سے مارچ شروع کرنے کا اعلان کیا تھا۔ اس احتحاجی مارچ کے شرکا نے مریدکے میں قیام کیا ہوا تھا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد راولپنڈی راستے انٹرنیٹ بندش ٹی ایل پی حافظ سعد رضوی حافظ سعد رضوی گرفتار سعد رضوی
ذریعہ
ذریعہ: WE News
کلیدی لفظ: اسلام ا باد راولپنڈی راستے انٹرنیٹ بندش ٹی ایل پی حافظ سعد رضوی حافظ سعد رضوی گرفتار سعد رضوی ٹی ایل پی
پڑھیں:
یورپی یونین کی اعلیٰ نمائندہ برائے امور خارجہ آج اسلام آباد پہنچیں گی
اسلام آباد(نیوز ڈیسک) یورپی یونین کی اعلیٰ نمائندہ برائے امور خارجہ اور یورپی کمیشن کی سلامتی پالیسی کی نائب صدر کایہ کالس اسلام آباد کا دورہ کریں گی۔
نجی ٹی وی چینل کےمطابق سفارتی ذرائع کا کہنا ہے کہ کایہ کالس 31 مئی کو اسلام آباد پہنچیں گی، یورپی یونین کی اعلیٰ نمائندہ کی پاکستان کی اعلیٰ قیادت سے ملاقاتیں بھی متوقع ہیں۔
یوکرین تنازع، امریکہ اسرائیل ایران جنگ اور عالمی توانائی و اقتصادی بحران کے تناظر میں دورہ اہمیت کا حامل ہے۔
مزید پڑھیں۔بجٹ کے بعد کون سے موبائل فون سستے ہو رہے ہیں؟ اہم خبر
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ