آئی فون کی خاطر گردہ فروخت کرنے والا نوجوان ڈائیلاسز کا محتاج
اشاعت کی تاریخ: 17th, October 2025 GMT
وانگ شانگ کن نامی چینی نوجوان کے نوعمری کے ایک فیصلے نے اسے زندگی بھر کے لیے معذور کر دیا۔
غیر ملکی میڈیا رپورٹس کے مطابق 2011 میں چینی نوجوان نے آئی فون اور آئی پیڈ خریدنے کی خاطر اپنا ایک گردہ فروخت کردیا تھا تاہم اب یہ نوجوان اپنے فیصلے پر پچھتا رہا ہے۔
غریب گھرانے سے تعلق رکھنے والے اس نوجوان کو 17 برس کی عمر میں آئی فون 4 خریدنے کی خواہش ہوئی، جسے ہر صورت پورا کرنے کے جنون نے اسے اپنے جسمانی اعضاء بیچنے کے لیے بلیک مارکٹ تک پہنچا دیا۔
میڈیا رپورٹس کے مطابق چینی نوجوان نے ایک آن لائن پوسٹ پڑھنے کے بعد اسمگلر کی پیشکش کی لالچ میں آکر غیرقانونی سرجری کروا کر اپنا ایک گردہ بیچنے کا فیصلہ کیا، جس کے اسے 20 ہزار یوآن ملے۔
چینی نوجوان نے مذکورہ رقم سے اُس وقت کے جدید ترین گیجٹس آئی فون 4 اور آئی پیڈ 2 خریدے اور اس کا یہی فیصلہ زندگی بھر کے المیے میں تبدیل ہوگیا۔ جلد ہی اس کی صحت بگڑنے لگی اور اسے شدید انفیکشن ہوگیا، جس نے اس کے دوسرے گردے کو بھی متاثر کردیا۔
مذکورہ چینی نوجوان اب 31 برس کا ہے اور اس کا گردہ صرف 25 فیصد کام کر رہا ہے، جس کی وجہ سے یہ پوری زندگی ڈائیلاسز کا محتاج ہے۔
میڈیا رپورٹس کے مطابق اس وقت چینی نوجوان نے ہر کسی کی توجہ اُس وقت حاصل کی جب اس کی مدد سے حکام نے غیرقانونی جسمانی اعضاء فروخت کرنے والے نیٹ ورک کو پکڑا اور بطور انعام مذکورہ نوجوان کو 14 لاکھ 8 ہزار یوآن دے گئے۔
.
ذریعہ
ذریعہ: Daily Mumtaz
کلیدی لفظ: چینی نوجوان نے ا ئی فون
پڑھیں:
کراچی، نوجوان لڑکی کو گھر میں گھس کر اجتماعی زیادتی کا نشانہ بنا ڈالا، والد کی مدعیت میں مقدمہ درج
کراچی:شہر قائد میں گلشن معمار پولیس نے نوجوان لڑکی کو گھر میں گھس کر اجتماعی زیادتی کا نشانہ بنانے کا مقدمہ والد کی مدعیت میں درج کرلیا۔
اس حوالے سے مدعی مقدمہ جاوید اقبال نے پولیس کو بیان دیا ہے کہ بہادر گوٹھ میں کارپٹ کی دکان پر کام کرتا ہوں جبکہ اہلیہ گھریلو ملازمہ ہے۔
23 جولائی کو میں اور اہلیہ صبح 9 بجے اپنے اپنے کام پر چلے گئے جبکہ گھر پر 18 سالہ بیٹی اکیلی تھی۔
مدعی کے مطابق صبح سوا نو بجے 2 لڑکے ہمارے گھر میں زبردستی داخل ہوئے جو کہ شلوار قمیض پہنے ہوئے تھے جبکہ سامنے آنے پر میری بیٹی انھیں شناخت کر سکتی ہے۔
مدعی کے مطابق دونوں نے میری بیٹی کو پکڑا اور کمرے میں لیجا کر اس کے ساتھ زیادتی کی اور موقع سے فرار ہوگئے۔
واقعے کے بعد میری بیٹی نے بذریعہ فون مجھے اطلاع دی جس کے بعد میں اور میری اہلیہ گھر پہنچ گئے۔
واقعے کی مدد گار 15 پولیس کو اطلاع دی جو موقع پر پہنچ گئی، مدعی کے مطابق میرا دعویٰ 2 نامعلوم صورت شناس لڑکوں پر میرے گھر میں گھس کر بیٹی کو زیادتی کا نشانہ بنانے کا ہے لہذا قانونی کارروائی عمل میں لائی جائے۔
گلشن معمار پولیس نے نوجوان لڑکی کو اجتماعی زیادتی کا نشانہ بنانے کا مقدمہ نمبر 356 سال 2026 بجرم دفعہ 376 چونتیس کے تحت درج کر کے مزید تفتیش کے لیے انویسٹی گیشن پولیس کے حوالے کر دیا ۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار