اسرائیل کے داغے گئے 20 ہزار سے زائد نہ پھٹنے والے بم غزہ کے لئے بڑا خطرہ
اشاعت کی تاریخ: 17th, October 2025 GMT
انسانیت سوز مظالم ڈھانے والی اسرائیل فوج نے غزہ کو کھنڈر بنا دیا۔ غزہ میں ملبے کی مقدار 70 ملین ٹن تک اور 20ہزار نہ پھٹنے والے بم موجود ہیں۔ غزہ میں 65 سے 70 ملین ٹن ملبہ اور 20 ہزار نہ پھٹنے والے بم موجود ہیں۔
غزہ کے میڈیا آفس کی رپورٹ کے مطابق، اسرائیلی حملوں نے پورے علاقے کو ماحولیاتی اور ساختی طور پر تباہ کر دیا ہے۔ غزہ میں 65 سے 70 ملین ٹن ملبہ پھیل چکا ہے، جس میں گھر، اسکول، اسپتال اور دیگر اہم سہولتیں شامل ہیں جو اسرائیلی فوج کے حملوں میں تباہ ہوئی ہیں۔ ان تباہیوں کے باعث پورا علاقہ ایک ویران میدان کی مانند دکھائی دے رہا ہے، اور اس ملبے کو صاف کرنے کے عمل میں شدید رکاوٹیں آ رہی ہیں۔
غزہ میڈیا آفس نے واضح کیا کہ ملبہ ہٹانے کے لیے بھاری مشینری کی ضرورت ہے، لیکن اسرائیل نے ان مشینریوں اور آلات کے غزہ میں داخلے پر پابندی عائد کر رکھی ہے۔ سرحدی گزرگاہوں کی بندش اور امدادی سامان کی روک تھام کے سبب ملبہ ہٹانے کا عمل شدید متاثر ہو رہا ہے۔ اس صورتحال کے باعث تعمیر نو کا عمل بھی ممکن نہیں ہو پا رہا۔
غزہ کے حکام نے اسرائیل سے مطالبہ کیا ہے کہ وہ فوری طور پر گزرگاہیں کھولے اور ملبے کی صفائی کا عمل شروع کرے۔ حکام نے خبردار کیا کہ غزہ میں موجود نہ پھٹنے والے بم شہریوں اور فیلڈ ورکرز کی زندگیوں کے لیے سنگین خطرہ بن چکے ہیں۔ ان بموں کی صفائی کے لیے خصوصی انجینئرنگ اور احتیاطی تدابیر درکار ہیں۔
عرب نیوز کے مطابق، ہینڈی کیپ انٹرنیشنل، جو بارودی سرنگوں کی صفائی اور ان کے متاثرین کی مدد میں مہارت رکھتی ہے، نے غزہ میں موجود غیر پھٹے بموں کے بارے میں خبردار کیا ہے۔
تنظیم نے کہا کہ جنگ بندی کے بعد جب فلسطینی اپنے گھروں کو واپس جا رہے ہیں، تو ان بموں نے ان کے لیے “بہت زیادہ” خطرات پیدا کر دیے ہیں۔ اس تنظیم نے غزہ میں بم ناکارہ بنانے والے آلات کے داخلے کی درخواست کی ہے، تاکہ مزید انسانی نقصانات سے بچا جا سکے۔
رواں سال کے آغاز میں، اقوامِ متحدہ کی مائن ایکشن سروس (یو این ایم اے ایس) نے بھی رپورٹ کیا تھا کہ غزہ پر داغے گئے گولہ بارود میں سے پانچ سے 10 فیصد حصہ پھٹنے سے رہ گیا ہے، جو اب علاقے میں ایک بڑا خطرہ بن چکا ہے۔
.
ذریعہ
ذریعہ: Daily Mumtaz
کلیدی لفظ: نہ پھٹنے والے بم کے لیے
پڑھیں:
کوہستان مالیاتی اسکینڈل، عدالت کا 21 کروڑ 13 لاکھ سے زائد ضبط کرنے کا حکم
پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ اسلام ٹائمز۔ پشاور کی احتساب عدالت نے اپر کوہستان مالیاتی اسکینڈل سے 21 کروڑ 13 لاکھ 76 ہزار 685 روپے بحق سرکار ضبط کرنے کا حکم جاری کردیا۔ پشاور کی احتساب عدالت کے جج محمد ظفر نے اپرکوہستان مالیاتی اسکینڈل میں کروڑوں روپے کی ضبطگی سے متعلق درخواست پر تحریری فیصلہ جاری کر دیا۔ احتساب عدالت نے ملزم دوراج خان کی جانب سے دائر پلی بارگین درخواست کے تناظر میں 21 کروڑ 13 لاکھ 76 ہزار 685 روپے بحق سرکار ضبط کرنے کے احکامات جاری کردیے ہیں۔ فیصلے کے مطابق نیب خیبر پختونخوا اپر کوہستان میں جعلی بلوں اور بوگس دعوؤں کے ذریعے سرکاری فنڈز میں کرپشن کی تحقیقات کر رہا ہے، ملزم کے قریبی رشتہ داروں کے نام پر کھولے گئے بینک اکاؤنٹس میں موجود 21 کروڑ 13 لاکھ 76 ہزار 685 روپے ضبط کرنے کا حکم دیا گیا ہے۔
عدالت نے فیصلے میں کہا ہے کہ ملزم دوراج خان اس مقدمے میں گرفتار ہے اور جوڈیشل ریمانڈ پر جیل میں ہے اور دوران تفتیش انکشاف ہوا کہ ملزم نے مبینہ کرپشن کی رقم چھپانے کےلیے بیشام کے نجی بینک میں قریبی رشتہ داروں کے نام پر اکاؤنٹس کھلوائے۔ فیصلے میں کہا گیا کہ ملزم کے رشتہ داروں محمد اقبال، محمد ایاز، محمد عمر، کریم داد اور سربلند نے عدالت میں رضاکارانہ بیانات قلم بند کرائے اورمؤقف اختیار کیا کہ انہیں اپنے نام پر موجود اکاؤنٹس میں جرائم سے حاصل شدہ رقم کا علم نہیں تھا۔ احتساب عدالت نے کہا ہے کہ ملزم کے رشتہ داروں نے تمام رقوم بحق سرکار ضبط کرنے پر رضامندی ظاہر کی اور رقم پر کسی قسم کا دعویٰ نہ کرنے کا بیان دیا۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی