18 اکتوبر 2007ء کا دن قوم کی روح پر ہمیشہ کیلئے نقش ہوچکا ہے، بلاول بھٹو زرداری
اشاعت کی تاریخ: 17th, October 2025 GMT
ایک بیان میں چیئرمین پیپلز پارٹی نے اس عزم کا اظہار کیا کہ وہ شہید محترمہ بینظیر بھٹو اور کارساز کے شہدا کے مشن کو آگے بڑھائیں گے تاکہ ایک ایسا پاکستان تعمیر ہو جہاں جمہوریت، مساوات اور انصاف کی حکمرانی ہو۔ اسلام ٹائمز۔ پاکستان پیپلز پارٹی کے چیئرمین بلاول بھٹو زرداری نے سانحہ کارساز کے شہدا کو ان کی 18ویں یوم شہادت کے موقع پر خراج عقیدت پیش کرتے ہوئے شہدا کے ناقابلِ شکست حوصلے، غیر متزلزل وفاداری اور پاکستان کے جمہور و جمہوریت کے لیے ان کی عظیم قربانیوں کو سلام پیش کیا ہے۔ میڈیا سیل بلاول ہاؤس کی جانب سے جاری کردہ پریس ریلیز کے مطابق پی پی پی چیئرمین نے کہا کہ 18 اکتوبر 2007ء کا دن قوم کی روح پر ہمیشہ کے لیے نقش ہو چکا کہ یہ وہ دن تھا جب 30 لاکھ سے زائد لوگوں نے شہید محترمہ بینظیر بھٹو کا وطن واپسی پر تاریخی استقبال کیا اور 180 بہادر جیالوں نے جمہوری پاکستان کے خواب کی خاطر اپنی جانوں کا نذرانہ پیش کیا تھا۔
انہوں نے کہا کہ آمریت اور دہشت گردی نے گٹھ جوڑ کرکے شہید محترمہ بینظیر بھٹو کے کارواں پر ہولناک حملہ کیا، اس کاروانِ بینظیر پر حملہ کرنے والے جمہوریت کی روشنی کو بجھانا چاہتے تھے، مگر ہمارے شہدا کے لہو نے اسے مزید جلا بخش دی۔ چیئرمین بلاول بھٹو زرداری نے اس عزم کا اظہار کیا کہ وہ شہید محترمہ بینظیر بھٹو اور کارساز کے شہدا کے مشن کو آگے بڑھائیں گے تاکہ ایک ایسا پاکستان تعمیر ہو جہاں جمہوریت، مساوات اور انصاف کی حکمرانی ہو۔ انہوں نے مزید کہا کہ ہمارے شہدا کا لہو آج بھی ایک پرامن، جمہوری اور خوشحال پاکستان کی جانب ہمارے سفر کو روشن کر رہا ہے۔
ذریعہ: Islam Times
کلیدی لفظ: شہید محترمہ بینظیر بھٹو شہدا کے
پڑھیں:
پیپلز پارٹی کا یوم تاسیس : پاکستان کا بین الاقوامی سطح پر مقام بنا چکے ہیں؛ بلاول بھٹو زرداری
سٹی 42: پیپلز پارٹی کا یوم تاسیس پر بلاول بھٹو زرداری نے ویڈیو لنک کے ذریعے جیالوں سے خطاب کیا انہوں نے کہا پاکستان کا بین الاقوامی سطح پر مقام بنا چکے ہیں۔آپس میں سیاسی اختلاف ضرور رکھیں لیکن پاکستان کی بات آئے ہم سب ایک ہوکر ہم مخالفین کا مقابلہ کریں.
بلاول بھٹو زرداری نے کہا آج پورے پاکستان کے جیالوں سے مخاطب ہوں۔قائد عوام شہید ذوالفقار علی بھٹو نے جمہوریت اور 1973 کے آئین کی بنیاد رکھی۔شہید بھٹوکا عدالتی قتل ہوا تو اس فلسفے کو بینظیر بھٹو لیکر آگے بڑھیں ۔دو آمروں سے محترمہ نے مقابلہ کیا اور ان کو لیاقت باغ میں شہید کیا گیا۔بلوچستان کے عوام کو حق دلوائے۔خیبر پختون خواہ کے عوام کو ہم نے شناخت دی۔پاکستان کا بین الاقوامی سطح پر مقام بنا چکے ہیں۔
بلاول بھٹو نے کہا ایک طرف بھارت اور دوسری طرف افغانستان پاکستان کی طرف دیکھ رہا ہے۔آپس میں سیاسی اختلاف ضرور رکھیں لیکن پاکستان کی بات آئے ہم سب ایک ہوکر ہم مخالفین کا مقابلہ کریں ۔ہم واحد سیاسی جماعت ہیں جو مثبت سیاست کر رہے ہیں ۔موجودہ بحران سے ملک کو ہم نکال سکتے ہیں۔پاکستان پیپلز پارٹی خود انقلابی آئین سازی کرکے آئے ہیں جس کی کوئی مثال نہیں ملتی۔آئین کی بحالی کیلئے محترمہ بینظیر بھٹو نے جدودجہد کی۔1973 کے بعد سب سے بڑی آئین ترامیم کی جس کو سب مانتے ہیں۔جو ترامیم میں نہیں کرسکے وہ اب کی ہیں۔
بلاول بھٹو نے خطاب میں کہا شہبازشریف نے وفدبھیجا تھا۔صوبوں کو آئینی تحفظ دلایا۔صوبوں کا جو شیئر تھا اس کو پاکستان پیپلز پارٹی نے دلایا ۔اگر صوبوں کو آئینی تحفظ نا دلواتے تو سب سے زائد نقصان پنجاب کا ہوتا ،آئینی ترامیم میں عدالتی اصلاحات لائے ۔آئینی عدالت بنالی اورچارٹرڈ آف ڈیموکریسی کے تحت شق ڈال دی ۔آئینی عدالت میں تمام صوبوں کو برابر کی بنیاد پر نمائندگی دلوائی ۔ملک کے سب سے بڑے مسائل آئینی اور سیاسی ہیں ۔آئینی عدالت کے ججوں کے کندھوں پر بڑا وزن ہے۔ماضی میں ہماری عدالتوں پر اعتماد تھا وہ ختم ہوچکا تھا ۔آئینی عدالت عوام کا اعتماد بحال کرے گی ۔ہمارامستقبل آئینی عدالت بہتر کرے گی
پیٹرولیم مصنوعات کی قیمتوں میں 6 روپے 35 پیسے تک کمی کا امکان
مرحوم ماں کا روپ دھار کر اسی کی پنشن وصول کرنے والا بہروپیا پکڑا گیا