چیئرمین پی سی بی کا پاکستان ٹیسٹ کرکٹ ٹیم کے اعزاز میں عشائیہ
اشاعت کی تاریخ: 18th, October 2025 GMT
چیئرمین پی سی بی محسن نقوی کی جانب سے پاکستان ٹیسٹ کرکٹ ٹیم کے اعزاز میں عشائیہ دیا گیا۔
محسن نقوی کا کہنا تھا کہ کھلاڑیوں نے بہترین کارکردگی دکھا کر قوم کا سر فخر سے بلند کیا، چیئرمین پی سی بی نے کھلاڑیوں کی محنت، جذبے اور ٹیم ورک کو سراہا۔
انہوں نے کہا کہ اسی جوش و جذبے سے کھیلیں۔انشاءاللہ مزید کامیابیاں ملیں گی۔ان کا کہنا تھا کہ میرا یقین کامل ہے کہ مستقل مزاجی اور اتحاد سے مزید کامرانیاں حاصل ہوتی ہیں، امید ہے کہ ٹیم آئندہ بھی ملک و قوم کا نام روشن کرتی رہے گی۔
چیئرمین پی سی بی محسن نقوی نے مزید کہا کہ کرکٹ محض کھیل نہیں بلکہ دوستی اور باہمی احترام کا پل ہے، امید ہے پاکستانی ٹیم کرکٹ کی درخشاں روایات کی ہمیشہ پاسداری کرے گی۔
.ذریعہ: Express News
کلیدی لفظ: چیئرمین پی سی بی
پڑھیں:
پاکستان کی ساکھ مقدم، جعلی دستاویزات والوں کو سفر کی اجازت نہیں، وزیر داخلہ محسن نقوی
وفاقی وزیرِ داخلہ و نارکوٹکس کنٹرول محسن نقوی نے لاہور ایئرپورٹ کا اچانک دورہ کیا جہاں انہوں نے امیگریشن سسٹم، مسافروں کی سہولت اور ایف آئی اے کی کارکردگی کا تفصیلی جائزہ لیا۔
محسن نقوی نے امیگریشن کاؤنٹرز پر قائم تیز رفتار نظام کا معائنہ کیا، جس کے تحت مسافروں کی ٹریول ہسٹری کو ان کے شناختی کارڈز اور پاسپورٹس کے ساتھ منسلک کرکے جانچ کے عمل کو تیز اور شفاف بنایا جا رہا ہے۔
یہ بھی پڑھیں: وزیرِ داخلہ کا ایئرپورٹ کا اچانک دورہ: امیگریشن کارکردگی کا جائزہ، ویزا ایجنٹ مافیا کے خلاف کریک ڈاؤن کا حکم
وزیر داخلہ نے ڈائریکٹر ایف آئی اے علی ضیا اور ان کی ٹیم کی کارکردگی کو سراہتے ہوئے کہا کہ جدید سسٹم نے امیگریشن کے وقت اور سہولت میں نمایاں بہتری پیدا کی ہے۔
وزیر داخلہ نے بیرون ملک روانہ ہونے والے مسافروں سے ملاقات کی اور ان سے امیگریشن پراسیس کے بارے میں دریافت کیا۔
مزید پڑھیں: انسانی اسمگلنگ روکنے اور امیگریشن آسان بنانے کے لیے ایف آئی اے نے اہم فیصلہ کرلیا
محسن نقوی نے بیرون ملک سے واپس آنے والے مسافروں کے کاؤنٹرز کا بھی دورہ کیا اور عملے کی کارکردگی کا براہِ راست جائزہ لیا۔
مسافروں نے بتایا کہ امیگریشن کا عمل انتہائی تیزی سے، محض 2 منٹ میں مکمل ہو رہا ہے، جو پہلے کے مقابلے میں واضح بہتری ہے۔
مزید پڑھیں: ایف آئی اے کی جدید تنظیم نو کا فیصلہ، محسن نقوی نے جامع پلان طلب کرلیا
مسافروں نے وزیر داخلہ سے گفتگو میں اطمینان کا اظہار کرتے ہوئے کہا کہ ان کے مسلسل دوروں اور اقدامات کے باعث امیگریشن پروسیس پہلے سے زیادہ مؤثر اور عوام دوست ہو چکا ہے۔
اس موقع پر محسن نقوی کا کہنا تھا کہ مکمل سفری دستاویزات کے حامل کسی مسافر کو سفر سے نہ روکا جا رہا ہے اور نہ ہی روکا جائے گا۔
مزید پڑھیں: محسن نقوی کی واشنگٹن میں ایف بی آئی ڈائریکٹر سے ملاقات
تاہم انہوں نے واضح کیا کہ نامکمل یا بوگس دستاویزات والے افراد کو ہرگز سفر کی اجازت نہیں دی جائے گی۔
انہوں نے مزید کہا کہ پاکستان کی عزت ہم سب کی عزت ہے، وطن کی بدنامی کا باعث بننے والے کسی مسافر کو سفر کی اجازت نہیں دی جا سکتی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امیگریشن ایئرپورٹ ایف آئی اے پاسپورٹس ٹریول ہسٹری شناختی کارڈز علی ضیا کاؤنٹرز لاہور محسن نقوی وزیر داخلہ
اداکارہ سجل علی ایک بار پھر دلہن بن گئیں؟