زرافوں کا جوڑا جنوبی افریقا سے لاہور چڑیا گھر پہنچ گیا: وزیرِ اعلیٰ پنجاب
اشاعت کی تاریخ: 18th, October 2025 GMT
—تصاویر بشکریہ سوشل میڈیا
وزیرِ اعلیٰ پنجاب مریم نواز نے کہا ہے کہ آج پنجاب کے بچوں اور خاندانوں کے لیے خوشی کا دن ہے۔
سوشل میڈیا پر جاری بیان میں مریم نواز نے کہا ہے کہ 8 سال بعد زرافے آ گئے، زرافوں کا جوڑا جنوبی افریقا سے لاہور چڑیا گھر پہنچا ہے۔
انہوں نے کہا ہے کہ پہلی بار لاہور سفاری پارک میں بھی زرافے رکھے گئے ہیں، الحمد للّٰہ! شاندار پنجاب ایک بار پھر زندگی اور خوشیوں سے روشن ہے۔
وزیرِ اعلیٰ پنجاب نے کہا کہ 2 سالہ درآمدی پابندی ختم ہونےکے بعد جانوروں کی آمد کا آغاز ہو گیا، نئے زرافے پنجاب کے وائلڈ لائف سسٹم پر بین الاقوامی اعتماد کی علامت ہیں۔
اُن کا کہنا ہے کہ پنجاب میں جنگلی حیات کے قوانین اور نظام میں تاریخی اصلاحات لائی گئی ہیں۔
مریم نواز نے یہ بھی کہا ہے کہ پنجاب کا جنگلی حیات کا نظام اب بین الاقوامی معیار کے مطابق بنایا گیا ہے، پنجاب میں جانوروں کی فلاح و بہبود کا نیا دور شروع ہو گیا ہے۔
.
ذریعہ
ذریعہ: Jang News
پڑھیں:
کیا فواد خان نے بھی سرجری کروالی؟ نئی تصاویر پر سوشل میڈیا پر بحث
پاکستانی شوبز انڈسٹری کے معروف اداکار اور گلوکار فواد خان ایک بار پھر اپنے منفرد انداز کی وجہ سے سوشل میڈیا پر توجہ کا مرکز بن گئے ہیں۔ حال ہی میں ان کی نئی تصاویر سامنے آئیں، جن میں ان کی شخصیت اور چہرے کے خدوخال پہلے کے مقابلے میں کچھ مختلف دکھائی دیے، جس کے بعد مداحوں کے درمیان دلچسپ بحث چھڑ گئی۔
سوشل میڈیا پر وائرل ہونے والی ان تصاویر نے چند ہی لمحوں میں صارفین کی توجہ حاصل کرلی۔ متعدد افراد نے فواد خان کے نئے انداز پر اپنے خیالات کا اظہار کیا، جبکہ تصاویر مختلف پلیٹ فارمز پر تیزی سے گردش کرنے لگیں۔
بعض مداحوں کا کہنا ہے کہ فواد خان ہر روپ میں پرکشش دکھائی دیتے ہیں اور ان کی شخصیت ہمیشہ کی طرح متاثر کن ہے۔ کچھ صارفین نے رائے دی کہ اداکار کے نئے چہرے کے نقوش معروف ترک اداکاروں سے کافی حد تک مشابہت رکھتے ہیں، جس کی وجہ سے ان کا انداز مزید منفرد محسوس ہو رہا ہے۔
View this post on Instagramدوسری جانب کچھ سوشل میڈیا صارفین نے اس نئے لک پر تنقید بھی کی۔ ان کا دعویٰ تھا کہ فواد خان نے کم عمر دکھائی دینے کے لیے ممکنہ طور پر مختلف کاسمیٹک یا سرجیکل طریقۂ کار اختیار کیے ہیں، تاہم اداکار کی جانب سے ان قیاس آرائیوں پر کوئی ردعمل سامنے نہیں آیا۔
اگرچہ تصاویر پر مختلف آرا سامنے آرہی ہیں، لیکن فواد خان کا نیا انداز ایک بار پھر ثابت کر گیا کہ وہ جہاں بھی نظر آئیں، مداحوں اور سوشل میڈیا صارفین کی توجہ اپنی جانب مبذول کر ہی لیتے ہیں۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار