طالبان حکومت کا نیا ظالمانہ اقدام، پاکستان مخالف پروپیگنڈا سے انکار پر شمشاد ٹی وی کی نشریات بند
اشاعت کی تاریخ: 19th, October 2025 GMT
کابل (مانیٹرنگ ڈیسک) افغان طالبان حکومت نے پاکستان مخالف پروپیگنڈا سے انکار پر ملک کے دوسرے بڑے نجی نیوز چینل شمشاد ٹی وی کی نشریات معطل کر دی ہیں۔ ذرائع کے مطابق طالبان حکام نے چینل کی ٹی وی، ریڈیو اور سوشل میڈیا سروسز کو بیک وقت بند کر دیا ہے۔
اطلاعات کے مطابق شمشاد نیوز کی نشریات افغانستان کے تین صوبوں، قندھار، تخار اور بادغیس میں بند کر دی گئی ہیں۔ ذرائع کا کہنا ہے کہ اس بندش کی بنیادی وجہ چینل کی جانب سے پاکستان کے خلاف مہم میں حصہ نہ لینا اور طالبان حکومت کا موقف نشر کرنے سے انکار ہے۔
افغان میڈیا تنظیموں کے مطابق ملک میں آزادیِ اظہارِ رائے پر دباؤ تشویش ناک حد تک بڑھ گیا ہے اور صحافیوں کو کھلے عام دھمکیاں دی جا رہی ہیں۔ افغان جرنلسٹس سینٹر نے کہا ہے کہ طالبان حکومت کے اقدامات میڈیا پر براہِ راست حملہ ہیں اور یہ افغانستان میں آزادیِ صحافت کو مکمل طور پر ختم کرنے کے مترادف ہیں۔
رپورٹس کے مطابق طالبان حکومت مذہب کے نام پر بنائے گئے سخت گیر اور مبہم قوانین کے ذریعے میڈیا اداروں کو قابو میں رکھنا چاہتی ہے۔ ان قوانین نے افغان صحافیوں، خاص طور پر خواتین رپورٹرز کے لیے حالات مزید خطرناک بنا دیے ہیں۔
سیاسی تجزیہ کاروں کا کہنا ہے کہ پاکستان مخالف پروپیگنڈا سے انکار پر کسی چینل کو بند کرنا طالبان کی تنگ نظری اور غیر جمہوری سوچ کی عکاسی کرتا ہے۔ یہ اقدام نہ صرف افغانستان کے میڈیا کو مزید خاموش کرنے کی کوشش ہے بلکہ طالبان کے اندرونی انتشار اور غیر ذمہ دارانہ طرزِ حکمرانی کو بھی ظاہر کرتا ہے۔
.ذریعہ: Daily Mumtaz
کلیدی لفظ: طالبان حکومت سے انکار کے مطابق
پڑھیں:
بھارت اور افغان سرزمین سے پاکستان مخالف اکاؤنٹس کی نشاندہی
data-id="863a0a8" data-element_type="widget" data-widget_type="theme-post-content.default">
اسلام آباد:پاکستان میں سیکیورٹی اداروں نے بھارت اور افغان سرزمین سے چلنے والے درجنوں پاکستان مخالف سوشل میڈیا اکاؤنٹس کا انکشاف کیا ہے جو منظم طریقے سے نفرت اور اشتعال انگیزی پھیلا رہے تھے۔
عالمی میڈیا رپورٹس کےمطابق متعدد ایکس اکاؤنٹس بھارتی اور افغان پراپیگنڈا نیٹ ورک سے منسلک ہیں، جن کا مقصد پاکستان کے خلاف منفی بیانیہ تشکیل دینا اور ملک میں عدم استحکام پیدا کرنا ہے۔
سیکیورٹی اداروں نے بتایا کہ بھارت کی ریاستی سرپرستی والے اکاؤنٹس نے جعلی خبریں اور افواہیں پھیلا کر پاکستانی عوام میں خوف اور بے اعتمادی پیدا کرنے کی کوشش کی،پاکستان مخالف نیٹ ورکس کی سرگرمیوں کو روکا جانا ضروری ہے تاکہ ملک میں امن و استحکام اور عوام کے اعتماد کو محفوظ رکھا جا سکے۔
افغان طالبان کے نام سے چلنے والے جعلی اکاؤنٹس بھی پاکستان مخالف پراپیگنڈا میں سرگرم رہے اور سوشل میڈیا پر جھوٹ اور مبالغہ آمیز معلومات کے ذریعے عوامی جذبات کو بھڑکانے کی کوشش کی گئی، فتنہ الہندوستان کے نام سے چلنے والے بھارتی اکاؤنٹس خاص طور پر نفرت انگیز اور اشتعال انگیز مواد نشر کرنے میں سرگرم رہے۔
سیکیورٹی اداروں نے تصدیق کی کہ یہ اکاؤنٹس نہ صرف پاکستان کے عوام کے جذبات کو متاثر کرنے کے لیے سرگرم تھے بلکہ ان کا مقصد ملک میں سیاسی اور سماجی انتشار پیدا کرنا بھی تھا۔ اس ضمن میں کئی اکاؤنٹس کو فوری طور پر شناخت کرکے کارروائی کے لیے متعلقہ محکموں کو رپورٹ کیا جا چکا ہے۔
یہ انکشاف ایسے وقت میں ہوا ہے جب پاکستان میں سوشل میڈیا اور ڈیجیٹل پلیٹ فارمز پر بیرونی اثرورسوخ اور پراپیگنڈا کے خطرات بڑھتے جا رہے ہیں۔
آئی سی سی کا ورلڈ ٹیسٹ چیمپئن شپ میں بڑی تبدیلی پر غور