پنجاب حکومت کے مسلسل اقدامات سے اسموگ کنٹرول ہوئی: مریم اورنگزیب
اشاعت کی تاریخ: 19th, October 2025 GMT
مریم اورنگزیب—فائل فوٹو
پنجاب کی صوبائی وزیر مریم اورنگزیب نے کہا ہے کہ پنجاب حکومت کے 9 ڈپارٹمنٹس کا اسموگ کے خلاف گرینڈ آپریشن جاری ہے، وزیرِ اعلیٰ پنجاب نے تمام اداروں کے افسران اور عملے کو شاباش دی ہے۔
لاہور سے جاری کیے گئے بیان میں مریم اورنگزیب نے کہا کہ پنجاب حکومت کے مسلسل اقدامات اور عوامی تعاون نے اے کیو آئی کو کنٹرول کیا، ڈرونز کے ذریعے بھٹوں کی نگرانی جاری ہے۔
انہوں نے کہا کہ اسموگ گنز اور ایئر کوالٹی مونیٹرز فیلڈ میں موجود ہیں، پہلی بار ایئر کوالٹی انڈیکس کی فورکاسٹنگ کی مدد سے بروقت اے کیو آئی کو کنٹرول کیا۔
مریم اورنگزیب نے کہا کہ اسموگ کے ہاٹ اسپاٹس میں اسموگ گنز سے کارروائی کی، کھلی جگہوں پر تعمیراتی مواد کا بروقت ڈھانپنا یقینی بنایا گیا۔
مریم اورنگزیب کے مطابق ٹریفک پولیس کی جانب سے ٹرکوں اور ٹرالیوں کی نقل وحرکت پر پاپندی لگائی گئی ہے۔
ان کا کہنا ہے کہ سیف سٹی کیمروں کے ذریعے ٹریفک کی مانٹیرنگ کی جا رہی ہے، فصل کی باقیات نہ جلانے پر قابو پانے کے لیے ایگریکلچر ڈپارٹمنٹ کا گرینڈ آپریشن جاری ہے۔
سینئر صوبائی وزیر کا کہنا ہے کہ فصل کی باقیات نہ جلانے کی مہم میں کسان بھرپور طور پر شریک ہیں اور عوام کا بھی ہیلتھ ایڈوائیزری کے مطابق تعاون پرشکریہ ادا کرتے ہیں۔
.ذریعہ: Jang News
کلیدی لفظ: مریم اورنگزیب نے کہا
پڑھیں:
سندھ بلڈنگ، گلشن اقبال میں خلافِ ضابطہ کمرشل تعمیرات کا دھڑا دھڑ جاری
بلاک 13ڈی کے پلاٹ نمبر اے 1اور اے 2مشترکہ پلاٹوں پر غیرقانونی تعمیرات
ڈائریکٹر شاہد خشک کی پشت پناہی حاصل،انتظامیہ کی شرمناک خاموشی پر شہری ناراض
شہرِ قائد کے معروف رہائشی علاقے گلشن اقبال کے بلاک 13ڈی میں واقع پلاٹ نمبر اے 1اور اے 2پر واضح طور پر خلافِ ضابطہ اور غیر قانونی کمرشل تعمیرات کا کام تیزی سے جاری ہے ،جس پر سندھ بلڈنگ کنٹرول اتھارٹی کے ڈائریکٹر شاہد خشک کی پشت پناہی کے گہرے شبہات پیدا ہوئے ہیں۔جرأت سروے ٹیم سے بات کرتے ہوئے مقامی رہائشیوں کا کہنا ہے ، کہ یہ پلاٹ مکمل طور پر رہائشی زون میں واقع ہیں،جہاں کسی بھی قسم کی بڑی کمرشل تعمیر کی اجازت نہیں ہے ۔ تاہم، مذکورہ پلاٹوں پر تیز رفتاری سے تجارتی مقاصد کے لیے وسیع و عریض تعمیراتی کام جاری ہے ، جس سے نہ صرف علاقے کا روایتی پُرسکون ماحول برباد ہو رہا ہے بلکہ بنیادی ڈھانچے ، نکاسی آب اور پارکنگ پر بھی غیر معمولی دباؤ پڑ رہا ہے ۔مقامیوں کا الزام ہے کہ سندھ بلڈنگ کنٹرول اتھارٹی کے متعلقہ افسران اور فیلڈا سٹاف کو متعدد بار اطلاع دینے کے باوجود کوئی کارروائی نہیں ہوئی۔بلکہ، تعمیراتی کام بلا روک ٹوک جاری ہے ۔ یہ صورتحال اس خدشے کو تقویت دے رہی ہے کہ تعمیراتی مافیا کو متعلقہ محکمے کے اندرونی لوگوں کی حمایت حاصل ہے ،جو نہ صرف قوانین کی خلاف ورزی پر چشم پوشی اختیار کر رہے ہیں بلکہ ان غیر قانونی کاموں میں ملوث بھی ہو سکتے ہیں۔رہائشیوں نے سندھ بلڈنگ کنٹرول اتھارٹی کے سربراہان سے فوری اور سخت کارروائی کا مطالبہ کیا ہے ۔ان کا کہنا ہے کہ اگر فوری طور پر تعمیراتی کام نہ روکا گیا اور غیر قانونی ڈھانچے گرائے نہ گئے ، تو وہ اعلیٰ عدلیہ کا دروازہ کھٹکھٹانے پر مجبور ہوں گے ۔سندھ بلڈنگ کنٹرول اتھارٹی کے ترجمان سے جب اس معاملے پر رائے طلب کی گئی تو انہوں نے کہا کہ ’’معاملہ ہماری نظر میں ہے اور متعلقہ فائل کا جائزہ لیا جا رہا ہے ۔ قانون کی خلاف ورزی ثابت ہونے پر مناسب کارروائی کی جائے گی‘‘۔ تاہم، رہائشیوں کا کہنا ہے کہ یہ ’’جائزے ‘‘ محض حربے ہیں، جن کے پیچھے چھپ کر غیر قانونی تعمیرات کو پایہ تکمیل تک پہنچایا جا رہا ہے۔ شہری حلقوں کا ماننا ہے کہ اگر کراچی میں تعمیراتی انارکی اور مافیا کا خاتمہ کرنا ہے تو سب سے پہلے ان محکموں کے اندر موجود ‘‘سرپرستوں’’ کی شناخت کر کے ان کے خلاف سخت ترین کارروائی کرنی ہوگی، جن کی چھتری تلے یہ سب کچھ ہو رہا ہے ۔
پاکستانیوں کیلئے امارات کے ویزوں کی بندش کی خبریں غلط ہیں، قونصل جنرل یو اے ای