خیبرپختونخوا اسمبلی: سہیل آفریدی کی عمران خان سے ملاقات اور اسرائیل مخالف قراردادیں منظور
اشاعت کی تاریخ: 20th, October 2025 GMT
خیبرپختونخوا اسمبلی میں وزیراعلیٰ سہیل آفریدی کی عمران خان سے ملاقات اور اسرائیل مخالف قراردادیں منظور کرلی گئیں۔
یہ بھی پڑھیں: عمران خان کی ‘ہاں’، سہیل آفریدی کی ‘نہ’، کیا بیرسٹر سیف خیبر پختونخوا کی نئی کابینہ میں جگہ بنا سکیں گے؟
پشاور سے موصولہ تفصیلات کے مطابق اسرائیل مخالف قرارداد حکومتی رکن اسمبلی عبدالسلام آفریدی نے ایوان میں پیش کی۔
قرارداد کے متن میں کہا گیا کہ یہ ایوان اسرائیل کو تسلیم نہیں کرتا، اسرائیل مسلسل بنیادی انسانی حقوق کی خلاف ورزی کر رہا ہے۔
مزید کہا گیا کہ شہباز شریف عوام کی نمائندگی کا حق نہیں رکھتے کیونکہ وہ کسی اور کے مینڈیٹ پر وزیر اعظم بنے ہیں۔ ایوان نے مذکورہ قرارداد کو منظور کر لیا۔
دوسری جانب خیبرپختونخوا اسمبلی نے وزیر اعلیٰ کی بانی پی ٹی آئی عمران خان سے ملاقات سے متعلق قرارداد بھی منظور کر لی۔
یہ قرارداد حکومتی رکن عبید الرحمان نے ایوان میں پیش کی۔ جس کے متن میں کہا گیا کہ وزیراعلیٰ سہیل آفریدی صوبے کی فلاح و بہبود کے لیے بانی پی ٹی آئی سے ملاقات چاہتے ہیں، تاہم منتخب وزیر اعلیٰ خیبر پختونخوا کو بانی پی ٹی آئی سے ملاقات کی اجازت نہیں دی جا رہی۔
یہ بھی پڑھیں: عوام کا نمائندہ ہوں، عمران خان سے ملنے دیا جائے، سہیل آفریدی کا چیف جسٹس کو خط
ایوان نے سفارش کی کہ وزیر اعلیٰ کو بانی پی ٹی آئی عمران خان سے ملاقات کا موقع دیا جائے۔ خیبرپختونخوا اسمبلی نے یہ قرارداد بھی منظور کرلی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews خیبرپختونخوا اسمبلی سہیل آفریدی عمران خان ملاقات قراردادیں منظور وزیراعلی وی نیوز.ذریعہ: WE News
کلیدی لفظ: خیبرپختونخوا اسمبلی سہیل ا فریدی عمران خان ملاقات وزیراعلی وی نیوز خیبرپختونخوا اسمبلی عمران خان سے ملاقات بانی پی ٹی آئی سہیل ا فریدی
پڑھیں:
اسرائیلی افواج فلسطینی علاقوں سے نکل جائے، اقوام متحدہ کی جنرل اسمبلی میں قرارداد بھاری اکثریت سے منظور
اقوام متحدہ کی جنرل اسمبلی نے منگل کو ایک قرارداد منظور کی ہے جس میں مقبوضہ فلسطینی علاقوں سے اسرائیلی افواج کے انخلا کا مطالبہ کیا گیا ہے۔
قرارداد ’’فلسطین کے سوال کے پرامن حل‘‘ کے عنوان سے پیش کی گئی، جس کے حق میں 151 ممالک نے ووٹ دیا، 11 نے مخالفت کی اور 11 نے ووٹنگ سے اجتناب کیا۔
قرارداد میں مشرقِ وسطیٰ امن عمل کے تمام اہم معاملات پر قابلِ اعتماد مذاکرات فوری طور پر شروع کرنے اور ماسکو میں ایک بین الاقوامی امن کانفرنس بلانے کی ضرورت پر زور دیا گیا۔
جنرل اسمبلی نے اسرائیل سے مطالبہ کیا کہ وہ بین الاقوامی قوانین کی مکمل پاسداری کرے، غیر قانونی قبضہ ختم کرے، نئی آبادکاری روکے اور مقبوضہ فلسطینی علاقوں سے تمام یہودی آبادکاروں کو نکالے۔
✅ Adopted#UNGA resolution on the Peaceful settlement of the question of #Palestine
Read the full text here ???? https://t.co/rHuOqwucVa
The resolution was adopted by recorded vote: 151 in favour-11 against-11 abstentions ⤵️ pic.twitter.com/TgHGtqC2YT
قرارداد میں کہا گیا کہ غزہ میں کسی بھی قسم کی آبادیاتی یا جغرافیائی تبدیلی کو مسترد کیا جاتا ہے، اور غزہ اور مغربی کنارے کو فلسطینی اتھارٹی کے تحت متحد کیا جانا چاہیے۔
مزید کہا گیا کہ اسرائیل کو 1967 سے قبضے میں لیے گئے تمام فلسطینی علاقوں سے انخلا کرنا ہوگا تاکہ فلسطینی عوام اپنے بنیادی حق—حقِ خود ارادیت—کا استعمال کر سکیں۔
پاکستان کے مستقل مندوب برائے اقوام متحدہ اسامہ افتخار احمد نے بحث کے دوران کہا کہ دنیا کو اپنے وعدوں کو عمل میں تبدیل کرنا ہوگا۔ انہوں نے کہا کہ پاکستان فلسطینی عوام کی جدوجہدِ آزادی، خود مختاری، امن اور انصاف کے مطالبے کی مکمل حمایت کرتا ہے۔
انہوں نے زور دیا کہ غزہ میں سیزفائر کا مکمل نفاذ، اسرائیلی فوج کا انخلا، انسانی امداد کی بلا تعطل فراہمی اور غزہ کی فوری تعمیرِ نو ناگزیر ہیں۔
Statement by Ambassador Asim Iftikhar Ahmad
Permanent Representative of Pakistan to the UN
At the General Assembly Debate on the Question of Palestine and Adoption of the Resolution on the “Peaceful Settlement of the Question of Palestine”
(2nd December 2025)
******
Madam… pic.twitter.com/FWFnGbSswe
پاکستانی مندوب نے کہا کہ مقبوضہ علاقوں کی کوئی جبری تبدیلی، تقسیم، الحاق یا جبری بے دخلی قابلِ قبول نہیں۔
انہوں نے اس بات پر بھی زور دیا کہ صرف ایک سیاسی راستہ ہی پائیدار امن لا سکتا ہے — یعنی 1967 کی سرحدوں پر ایک خودمختار، مکمل، آزاد اور جغرافیائی طور پر متصل فلسطینی ریاست کا قیام جس کا دارالحکومت مشرقی یروشلم (القدس الشریف) ہو۔
سندھ ہائیکورٹ بار ایسوسی ایشن کے انتخابات آج، 8478 وکلاء ووٹ ڈالیں گے