ویمنز ورلڈ کپ: پاکستان کے لیے جیتنا ناگزیر، جنوبی افریقہ نے 313 رنز کا ہدف دے دیا
اشاعت کی تاریخ: 21st, October 2025 GMT
آئی سی سی ویمنز ورلڈ کپ کے ایک اہم میچ میں جنوبی افریقہ نے پاکستان کو جیت کے لیے 313 رنز کا ہدف دے دیا۔
یہ بھی پڑھیں: ویمنز ورلڈ کپ 2025، آسٹریلیا نے پاکستان کو ہرا کر پوائنٹ ٹیبل پر پہلی پوزیشن حاصل کرلی
کولمبو کے آر پریماداس اسٹیڈیم میں کھیلے جانے والے بارش کے باعث کھیل کے 2 گھنٹے ضائع ہوئے جس کے نتیجے میں میچ 50 کی بجائے 40 اوورز کا کردیا گیا۔
کھیل پاکستانی وقت کے مطابق شام 5 بجے دوبارہ شروع ہوا۔
میچ کے آغاز کے فوری بعد ہی بارش نے میدان میں مداخلت کی جب صرف 2 اوورز کا کھیل ہی ممکن ہو سکا تھا۔ پاکستانی کپتان فاطمہ ثنا نے ٹاس جیت کر پہلے فیلڈنگ کا فیصلہ کیا تھا لیکن جلد ہی بارش نے کھلاڑیوں کو واپس ڈریسنگ روم بھیج دیا۔
بارش سے قبل ہی پاکستان کو ایک شاندار کامیابی حاصل ہوئی تھی جب فاطمہ نے جنوبی افریقہ کی اوپنر تسمین برِٹس کو صفر پر آؤٹ کر دیا تھا۔ برٹس، فاطمہ کی آؤٹ سوئنگ گیند پر نتالیا پرویز کے ہاتھوں پہلی سلپ میں کیچ ہوئیں۔ اس وقت جنوبی افریقہ کا اسکور صرف 6 رنز پر ایک وکٹ تھا۔
تاہم بعد میں جنوبی افریقہ کی ٹیم نے بہت اچھی بیٹنگ کا مظاہرہ کیا اور صرف 40 اوورز میں وکٹوں پر رنز بناکر پاکستان کے لیے ایک مشکل ٹارگٹ سیٹ کیا۔
ورلڈ کپ میں پاکستان کی مشکلات اور بارش کا اثریہ میچ پاکستان کے لیے نہایت اہمیت کا حامل ہے کیونکہ گزشتہ دونوں میچز انگلینڈ اور نیوزی لینڈ کے خلاف بارش کی نذر ہو چکے ہیں جس کے باعث قومی ٹیم پوائنٹس حاصل نہ کر سکی۔
اب سیمی فائنل میں پہنچنے کے لیے اس میچ میں فتح ناگزیر ہے اگرچہ اب بھی امکانات کم ہیں۔
مزید پڑھیے: بھارتی ہٹ دھرمی برقرار: ویمنز ورلڈ کپ کے میچ میں بھی بھارتی کپتان کا پاکستانی کپتان سے ہاتھ ملانے سے گریز
فاطمہ ثنا کی بولنگ فارم پاکستان کے لیے ایک روشن پہلو ہے جو اب تک ٹورنامنٹ میں 9 وکٹیں حاصل کر چکی ہیں اور اوسط محض 16 ہے۔
بارش کے باعث پاکستان کو میچ سے قبل اپنی پریکٹس سیشن بھی انڈور وینیو پر منتقل کرنا پڑا جو کولمبو کے سنہالی اسپورٹس کلب کے قریب واقع تھا۔
پہلے بھی آمنا سامنا ہوچکاورلڈ کپ سے قبل کولمبو میں کھیلے گئے ایک وارم اپ میچ میں جنوبی افریقہ نے پاکستان کو 4 وکٹوں سے شکست دی تھی۔ اس سے قبل ستمبر میں لاہور میں کھیلی گئی ہوم سیریز میں بھی پاکستان نے 3 میچوں کی سیریز 1-2 سے گنوائی تھی۔
مزید پڑھیں: ویمنز ورلڈ کپ: جنوبی افریقی اوپننگ بیٹر نے اہم ریکارڈ اپنے نام کرلیا
جنوبی افریقی ٹیم نے کولمبو میں اپنے آخری بارش سے متاثرہ میچ میں سری لنکا کو 10 وکٹوں سے شکست دی تھی جو کہ صرف 20 اوورز پر مشتمل تھا۔
جنوبی افریقہ کی فاسٹ بولر ماساباتا کلاس نے میچ سے قبل کہا کہ پاکستان ایک مضبوط ٹیم ہے اور انہیں تر نوالہ نہیں سمجھا جاسکتا۔
انہوں نے کہا کہ ہمیں میدان میں جا کر یہ نہیں سوچنا کہ یہ آسان میچ ہے بلکہک ہمیں اپنے بنیادی اصولوں پر قائم رہنا ہوگا جیسا کہ ہم شروع سے کرتے آئے ہیں۔
پاکستان ویمن ٹیمعمیمہ سہیل، منیبہ علی، سدرہ آمین، عالیہ ریاض، نتالیہ پرویز، فاطمہ ثنا (کپتان)، سدرہ نواز (وکٹ کیپر)، رمین شمیم، ڈیانا بیگ، نشرا سندھو، سعدیہ اقبال۔
جنوبی افریقہ ویمن ٹیملورا وولفارڈٹ (کپتان)، تسمین برٹس، سونے لیوس، میریزان کیپ، اینری ڈرکسن، کلوی ٹرایون، نادین ڈی کلرک، کارابو میسو (وکٹ کیپر)، نونڈومیسو شانگاسی، آیابونگا کھاکا، نونکولولیکو ملابا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پاکستان خواتین بمقابلہ جنوبی افریقہ پاکستان ویمنز ٹیم ویمنز ورلڈ کپ 2025.
ذریعہ
ذریعہ: WE News
کلیدی لفظ: پاکستان ویمنز ٹیم ویمنز ورلڈ کپ 2025 جنوبی افریقہ کی پاکستان کے لیے ویمنز ورلڈ کپ پاکستان کو میچ میں
پڑھیں:
لاہور ڈی ایچ اے میں بارش کے بعد پانی بھرگیا، رابی پیرزادہ کا مریم نواز سے شکوہ
پنجاب میں بارشوں کے بعد لاہور کے ڈی ایچ اے میں بھی گھٹنوں گھٹنوں پانی کھڑا ہوگیا۔ رابی پیرزادہ نے بھی اپنے گھر کے قریب کھڑے پانی کی ویڈیو بناتے ہوئے وزیراعلیٰ پنجاب مریم نواز سے شکوہ کر ڈالا۔
رابی پیرزادہ نے اپنے فیس بک پیج پر بارش کے بعد کھڑے ہوئے پانی کی ایک ویڈیو شیئر کی ہے جس کا کیپشن ’’بارش کے بعد لاہور کی صورت حال اور مریم نواز کا ستھرا پنجاب‘‘ دیا ہے۔ اور ویڈیو پر لکھا ہے ’’مریم نواز صاحبہ، دیکھیں لاہور کے ساتھ کیا ہورہا ہے‘‘۔
رابی پیرزادہ نے وزیراعلیٰ پنجاب کو مخاطب کرتے ہوئے کہا ’’مریم نواز صاحبہ! یہ میں اپنے گھر میں کھڑی ہوں، جو کہ لاہور کے مہنگے ترین علاقے میں آتا ہے، یہ ڈی ایچ اے فیز ون ہے۔ میرے آفس ، میرے اسکول کے اندر بہت نقصان ہوا ہے۔ وہ شعیب صاحب جن سے آپ ساری انفارمیشن لیتی ہیں وہ پتا نہیں کس علاقے میں رہتے ہیں۔ ڈی ایچ اے کا حال بہت خراب ہے۔ مجھے نہیں پتا وہ 960 گاڑیاں کہاں کام کررہی ہیں۔‘‘
https://www.facebook.com/RabiPirzadaMusic/videos/%D8%A8%D8%A7%D8%B1%D8%B4-%DA%A9%DB%92-%D8%A8%D8%B9%D8%AF-%D9%84%D8%A7%DB%81%D9%88%D8%B1-%DA%A9%DB%8C-%D8%B5%D9%88%D8%B1%D8%AA-%D8%AD%D8%A7%D9%84-%D8%A7%D9%88%D8%B1-%D9%85%D8%B1%DB%8C%D9%85-%D9%86%D9%88%D8%A7%D8%B2-%DA%A9%D8%A7-%D8%B3%D8%AA%DA%BE%D8%B1%D8%A7-%D9%BE%D9%86%D8%AC%D8%A7%D8%A8lahore-rain-suthrapunj/1344354571218376/رابی پیرزادہ نے بارش کے بعد علاقے کی زبوں حالی کا شکوہ کیا۔ بعد ازاں ویڈیو کے کمنٹس میں لکھا ’’یہ ویڈیو ڈی ایچ اے میں ضرور ریکارڈ ہوئی ہے، مگر بارش کے بعد تقریباً پورے لاہور کا یہی حال ہے۔ اس ویڈیو کا مقصد کسی مخصوص علاقے یا ادارے پر تنقید کرنا نہیں، بلکہ اربابِ اختیار تک عوام کی مشکلات پہنچانا ہے تاکہ بروقت اور مؤثر اقدامات کیے جا سکیں۔‘‘
رابی پیرزادہ کی یہ ویڈیو سوشل میڈیا پر وائرل ہوگئی۔ تاہم کئی صارفین نے کمنٹ کیا کہ شدید بارش کے بعد پانی کا کھڑا ہونا عام بات ہے، جو کہ فوری نہیں نکالا جاسکتا۔ لیکن چند گھنٹوں بعد پانی کی نکاسی کردی گئی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار