کے پی ٹی کی 380 ایکڑ زمین 10 پیسے فی مربع گز میں دیے جانے کا انکشاف
اشاعت کی تاریخ: 21st, October 2025 GMT
پارلیمنٹ کی پبلک اکاؤنٹس کمیٹی (پی اے سی) نے کراچی پورٹ ٹرسٹ (کے پی ٹی) کی جانب سے 380 ایکڑ قیمتی زمین محض 10 پیسے فی مربع گز سالانہ کے حساب سے دو ہاؤسنگ سوسائٹیز کو دیے جانے پر تشویش کا اظہار کرتے ہوئے فیکٹ فائنڈنگ انکوائری کا حکم دے دیا ہے۔
یہ انکشاف وزارت میری ٹائم افیئرز سے متعلق2010-11 اور 2013-14 کے آڈٹ اعتراضات کا جائزہ لیتے ہوئے کیا گیا، جہاں آڈٹ حکام نے بتایا کہ یہ زمینیں 1996 اور 2006 میں الاٹ کی گئیں، جو دراصل شپنگ اور کارگو سرگرمیوں کے لیے مختص تھیں۔
کمیٹی کی رکن شاہدہ اختر علی نے برہمی کا اظہار کرتے ہوئے سوال کیا کہ اتنی بڑی زمین اتنے کم نرخ پر آخر کس قانون کے تحت دی گئی؟ انھوں نے کہا کہ 380 ایکڑ زمین کا الاٹ ہونا انتہائی سنگین اور تشویشناک معاملہ ہے۔
جواب میں سیکرٹری میری ٹائم افیئرز نے بتایا کہ معاملہ سپریم کورٹ میں زیر سماعت رہا، اور عدالت نے واضح کیا کہ کے پی ٹی ہاؤسنگ سوسائٹی کے لیے زمین الاٹ نہیں کر سکتی۔ تاہم، بعد میں اس فیصلے پر اسٹے آرڈر آ گیا۔ ان کا کہنا تھا کہ زمین اصل میں سی بیڈ (سمندری زمین) تھی جس پر بعد میں ترقیاتی کام ہوا۔
چیئرمین کے پی ٹی نے کہا کہ زمین ابتدائی طور پر موجود ہی نہیں تھی، بلکہ اسےڈیولپ کر کے قابل استعمال بنایا گیا۔ تاہم، اب تمام متعلقہ ریکارڈ آڈٹ حکام سے شیئر کر دیا گیا ہے۔
پی اے سی کی ذیلی کمیٹی نے مزید تحقیقات کے لیےانکوائری کی باقاعدہ ہدایت دے دی ہے تاکہ ذمہ داروں کا تعین کیا جا سکے۔
ذریعہ: Daily Mumtaz
کلیدی لفظ: کے پی ٹی
پڑھیں:
راولپنڈی ٹیسٹ کے پہلے روز پاکستان نے 5 وکٹوں پر 259 رنز بنالیے
راولپنڈی میں کھیلے جا رہے دوسرے ٹیسٹ میچ کے پہلے دن پاکستان نے محتاط اور ذمہ دارانہ بیٹنگ کا مظاہرہ کرتے ہوئے کھیل کے اختتام تک 5 وکٹوں کے نقصان پر 259 رنز بنالیے۔ کپتان شان مسعود نے ایک بار پھر عمدہ فارم کا مظاہرہ کرتے ہوئے 87 رنز کی شاندار اننگز کھیلی، جبکہ دن کے اختتام پر سعود شکیل 42 اور آغا سلمان 10 رنز کے ساتھ ناٹ آؤٹ پویلین لوٹے۔
ابتدائی بلے بازوں میں عبدﷲ شفیق نے 57 رنز کی اننگز کھیلی، امام الحق 17 رنز بنا کر آؤٹ ہوئے اور بابر اعظم محض 16 رنز کے مہمان ثابت ہوئے۔ چائے کے وقفے تک پاکستان نے تین وکٹوں کے نقصان پر 177 رنز بنائے تھے اور اس موقع پر شان مسعود 77 اور سعود شکیل 6 رنز کے ساتھ وکٹ پر موجود تھے۔
جنوبی افریقہ کی جانب سے کیشو مہاراج اور سائمن ہارمر نے دو، دو کھلاڑیوں کو آؤٹ کیا، جب کہ کگیسو ربادا نے ایک وکٹ حاصل کی۔
ٹاس کے موقع پر قومی ٹیم کے کپتان شان مسعود نے بتایا کہ ٹیم میں ایک تبدیلی کی گئی ہے اور حسن علی کی جگہ آصف آفریدی کو شامل کیا گیا ہے۔ انہوں نے کہا کہ پچ کو دیکھتے ہوئے ہم نے بیٹنگ کا فیصلہ کیا اور کوشش کریں گے کہ بڑا اسکور بورڈ پر لگائیں۔
جنوبی افریقہ کے کپتان ایڈن مارکرم نے ٹاس ہارنے کے بعد گفتگو کرتے ہوئے کہا کہ اگر ہمیں موقع ملتا تو ہم بھی بیٹنگ کا انتخاب کرتے۔ ان کا کہنا تھا کہ ہم نے بھی دو تبدیلیاں کی ہیں اور کیشو مہاراج کے مکمل فٹ ہونے پر انہیں دوبارہ ٹیم کا حصہ بنایا گیا ہے۔ ان کے مطابق ٹیم نے پنڈی میں بھرپور تیاری کی ہے اور سب کھلاڑی جیت کے لیے پُرعزم ہیں۔
ایڈن مارکرم نے تسلیم کیا کہ لاہور ٹیسٹ کی طرح راولپنڈی کی پچ بھی اسپنرز کو مدد دے سکتی ہے اور پاکستانی اسپنرز نعمان اور ساجد ایک بار پھر خطرناک ثابت ہو سکتے ہیں، تاہم ہم نے ان کے خلاف مکمل حکمت عملی تیار کر لی ہے۔ ان کا کہنا تھا کہ ہم اس ٹیسٹ کو جیت کر سیریز برابر کرنے کی بھرپور کوشش کریں گے اور شائقین کو ایک شاندار مقابلہ دیکھنے کو ملے گا۔
یاد رہے کہ لاہور میں کھیلے گئے پہلے ٹیسٹ میں پاکستان نے ورلڈ ٹیسٹ چیمپئن جنوبی افریقہ کو 93 رنز سے شکست دی تھی، اور اب قومی ٹیم کو سیریز جیتنے کا سنہری موقع حاصل ہے۔
ریموٹ کنٹرول کار کی مدد سے زیرِ زمین پھنسی بلی کو نکال لیا گیا