پولیس کی کچے کے علاقے میں کامیاب کارروائی، مغوی بازیاب، دو اغوا کار گرفتار
اشاعت کی تاریخ: 21st, October 2025 GMT
پولیس نے کارروائی کے دوران کچے کے علاقے سے اغوا کار موٹا کوش اور فاروق عباسی کو گرفتار کر لیا۔ ترجمان پنجاب پولیس کے مطابق وقار سومرو نامی شہری کو چند روز قبل مسلح ملزمان نے چوک چدھڑ سے اغوا کیا تھا۔ اسلام ٹائمز۔ پنجاب پولیس نے رحیم یار خان کے کچے کے علاقے میں انٹیلی جنس آپریشن کر کے مغوی شہری کو بحفاظت بازیاب کرالیا۔ تفصیلات کے مطابق رحیم یار خان پولیس نے تھانہ احمد پور لمہ کی حدود میں مصدقہ اطلاع پر آپریشن کر کے مغوی شہری وقار سومرو کو بحفاظت بازیاب کروا لیا۔ پولیس نے کارروائی کے دوران کچے کے علاقے سے اغوا کار موٹا کوش اور فاروق عباسی کو گرفتار کر لیا۔ ترجمان پنجاب پولیس کے مطابق وقار سومرو نامی شہری کو چند روز قبل مسلح ملزمان نے چوک چدھڑ سے اغوا کیا تھا، جس کا مقدمہ تھانہ احمد پور لمہ میں درج تھا۔ آئی جی پنجاب ڈاکٹر عثمان انور نے مغوی شہری کی بحفاظت بازیابی اور اغوا کاروں کی گرفتاری پر رحیم یار خان پولیس کو شاباش دی ہے۔
.ذریعہ: Islam Times
کلیدی لفظ: کچے کے علاقے پولیس نے سے اغوا
پڑھیں:
پنجاب میں شہری علاقوں میں طلاق کی شرح نئی بلند ترین سطح پر
پنجاب میں طلاق کے کیسز میں تشویشناک اضافہ دیکھنے میں آیا ہے، جہاں صرف ایک سال کے دوران پونے 2 لاکھ سے زائد طلاق کے سرٹیفکیٹس جاری کیے گئے۔
سرکاری رپورٹ کے مطابق شہری علاقوں میں طلاق کی شرح دیہی علاقوں کے مقابلے میں کہیں زیادہ ریکارڈ کی گئی ہے۔
رپورٹ کے مطابق، طلاق اور خلع کے ضمن میں لاہور صوبے بھر میں سر فہرست رہا، جہاں 21 ہزار سے زائد طلاق کے سرٹیفکیٹس جاری کیے گئے۔
یہ بھی پڑھیں: اداکارہ میرا سیٹھی کی طویل خاموشی کے بعد طلاق کی تصدیق، وجہ کیا بتائی؟
اسی طرح فیصل آباد میں 14 ہزار سے زائد، شیخوپورہ میں 11 ہزار سے زائد اور راولپنڈی میں 10 ہزار سے زائد کیسز رپورٹ ہوئے۔
سرکاری دستاویزات کے مطابق گوجرانوالہ، گجرات اور سیالکوٹ میں بھی طلاق کے کیسز کی تعداد 8 ہزار سے زائد رہی۔
قصور میں 5 ہزار سے زیادہ جبکہ ساہیوال اور اوکاڑہ میں 4 ہزار سے زائد طلاقوں کے سرٹیفکیٹس جاری کیے گئے۔
مزید پڑھیں: مصنوعی ذہانت سے جذباتی تعلقات طلاقوں کی نئی وجہ بنتے جا رہے ہیں، انتباہ
مزید برآں، خانیوال، منڈی بہاؤالدین اور وہاڑی میں بھی ہزاروں کی تعداد میں طلاق کیسز سامنے آئے، جبکہ ننکانہ صاحب اور خوشاب میں بھی اسی طرح تشویشناک اضافہ ریکارڈ کیا گیا۔
چنیوٹ، بھکر اور مظفرگڑھ میں بھی سینکڑوں جوڑوں نے علیحدگی کا راستہ اختیار کیا۔
اعدادوشمار ظاہر کرتے ہیں کہ نہ صرف شہری بلکہ پنجاب کے دیہی اضلاع میں بھی طلاق کی شرح سال بہ سال نمایاں اضافہ دکھا رہی ہے، جو معاشرتی ماہرین کے مطابق سماجی رویّوں، معاشی دباؤ اور خاندانی نظام میں تبدیلیوں کا نتیجہ ہو سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پنجاب خانیوال سرٹیفیکٹس سیالکوٹ طلاق گجرات لاہور منڈی بہاؤالدین ننکانہ صاحب وہاڑی
بی جے پی حکومت "ایس آئی آر" کے بہانے ووٹ کا حق چھین رہی ہے، اکھلیش یادو