ملٹی ایئر ٹیرف میں کمی سے کراچی کے صارفین متاثر ہوسکتے ہیں، مونس علوی
اشاعت کی تاریخ: 23rd, October 2025 GMT
ایک بیان میں مونس علوی نے کہا کہ نیپرا نے کے الیکٹرک کے ملٹی ایئر ٹیرف میں نمایاں تبدیلیاں اور کمی کی ہیں، جس کے نتیجے میں صارفین پر اثر پڑنے کا امکان ہے۔ ان کے مطابق، جون میں جاری کیا گیا ٹیرف تفصیلی مشاورت، تحقیق اور اعداد و شمار کی جانچ کے بعد منظور کیا گیا تھا، لیکن اسے محض چند ماہ میں تبدیل کر دیا گیا۔
مونس علوی نے مزید کہا کہ کمپنی نئی صورتحال کا جائزہ لے رہی ہے تاکہ آپریشنز جاری رکھنے کے بہترین طریقے تلاش کیے جا سکیں۔ انہوں نے یقین دہانی کرائی کہ کے الیکٹرک کی پوری کوشش ہوگی کہ صارفین پر اثرات کم سے کم ہوں، تاہم کسی نہ کسی حد تک اثر ضرور پڑے گا۔
دوسری جانب کورنگی ایسوسی ایشن آف ٹریڈ اینڈ انڈسٹری (کاٹی) نے نیپرا کے فیصلے پر ردعمل دیتے ہوئے کہا ہے کہ ملٹی ایئر ٹیرف میں کمی کے باوجود کراچی کے صارفین کے بجلی کے بلوں میں کمی نہیں ہوگی۔
کاٹی کی توانائی کمیٹی کے کنوینر ریحان جاوید کا کہنا ہے کہ کے الیکٹرک کو گزشتہ سال صارفین کو دیا گیا منفی ایف سی اے واپس لینا ہوگا، جس کے نتیجے میں شہریوں کو مالی سال 2023 اور 2024 کے دوران 30 سے 40 ارب روپے اضافی ادا کرنا پڑ سکتے ہیں۔
انہوں نے بتایا کہ نیپرا نے کے الیکٹرک کا ٹیرف 39.
ریحان جاوید کے مطابق، ڈسکوز کے نقصانات عام طور پر حکومتی سرکلر ڈیٹ کا حصہ بنتے ہیں، جبکہ کے الیکٹرک کا خسارہ براہِ راست سرمایہ کاروں کو برداشت کرنا پڑتا ہے۔ اگر کمپنی مسلسل نقصان میں رہی تو اس کی مرمت اور دیکھ بھال کے کام متاثر ہوسکتے ہیں، جس سے شہر اور صنعتوں کو بجلی کی فراہمی میں مشکلات پیدا ہوں گی۔
ذریعہ: Daily Mumtaz
کلیدی لفظ: کے الیکٹرک
پڑھیں:
شہرِقائد میں ٹرک ڈرائیور کو بھی دوسرا بڑا ای چالان موصول، ویڈیو سوشل میڈیا پر وائرل
شہرِقائد میں ڈی ایچ اے کے علاقے میں کم عمر بچے کے بس چلانے پر حکام نے ایکشن لیتے ہوئے بس مالک کو کراچی کا دوسرا بڑا 50 ہزار روپے کا ای چالان بھیج دیا۔کراچی کے علاقے ڈیفنس میں کم عمر بچے کی جانب سے بس چلانے کا واقعہ پیش آیا تھا جس کی ویڈیوز بھی وائرل ہوئی تھی۔ٹریفک پولیس حکام نے کم عمر بچے کے بس چلانے کی تصاویر میڈیا پر چلنے کے بعد نوٹس لیتے ہوئے بس مالک کو 50 ہزار روپے کا ای چالان بھیج دیا گیا۔بس مالک کو کراچی کا دوسرا بڑا چالان جاری کیا گیا ہے، وائرل ہونے والی ویڈیو میں 11 سے 12 سالہ بچہ ڈیفنس کی سڑک پر مسافر بس چلارہا تھا،ٹریفک پولیس نے تصاویر کی مدد سے بس کا نمبر نکال کرجرمانہ کیا۔واضح رہے کراچی میں اس سے قبل ڈمپر مالک کو ایک لاکھ روپے کا بڑا جرمانہ کیا گیا تھا۔
یو اے ای کیساتھ تجارت، سرمایہ کاری اور دفاع میں تعاون مزید بڑھنے کا یقین ہے: صدر مملکت