تنازعہ کشمیر کا اب تک حل نہ ہونا اقوام متحدہ کے وجود پر ایک بڑا سوالیہ نشان
اشاعت کی تاریخ: 25th, October 2025 GMT
رپورٹ میں کہا گیا کہ اقوام متحدہ کی قراردادیں کشمیریوں کے آزادانہ اور منصفانہ استصواب رائے کے حق کی توثیق کرتی ہیں اور اقوام متحدہ کشمیریوں کے حق خودارادیت کے حوالے سے اپنی ذمہ داریاں پوری کرنے کا پابند ہے۔ اسلام ٹائمز۔ آج جب دنیا بھر میں اقوام متحدہ کا دن منایا جا رہا ہے، کشمیری اپنے پیدائشی حق، حق خودارادیت سے متعلق عالمی ادارے کی قراردادوں پر عملدرآمد کے منتظر ہیں۔ آج اقوام متحدہ کے قیام کے 80 برس پورے ہونے پر جاری کی گئی ایک رپورٹ میں کہا گیا ہے کہ بھارت جموں و کشمیر سے متعلق سلامتی کونسل کی قراردادوں کی مسلسل خلاف ورزی کر رہا ہے۔ اقوام متحدہ کا دن ہمیں اس بات کی یاد دہانی کراتا ہے کہ 7 دہائیوں سے زائد عرصے سے اقوام متحدہ کے ایجنڈے پر موجود ہونے کے باوجود تنازعہ کشمیر آج بھی حل طلب ہے۔ رپورٹ میں کہا گیا کہ اقوام متحدہ کی قراردادیں کشمیریوں کے آزادانہ اور منصفانہ استصواب رائے کے حق کی توثیق کرتی ہیں اور اقوام متحدہ کشمیریوں کے حق خودارادیت کے حوالے سے اپنی ذمہ داریاں پوری کرنے کا پابند ہے۔کشمیر کا تنازعہ اقوام متحدہ کے ایجنڈے پر سب سے پرانا مسئلہ ہے۔ رپورٹ میں کہا گیا کہ بی جے پی کی زیر قیادت بھارتی حکومت کے 5 اگست 2019ء کے غیر جمہوری، غیر قانونی اور غیر آئینی اقدامات مقبوضہ جموں و کشمیر پر اقوام متحدہ کی قراردادوں کی خلاف ورزی ہیں۔
رپورٹ میں کہا گیا ہے کہ جنوبی ایشیا میں امن و استحکام کا انحصار تنازعہ کشمیر کے اقوام متحدہ کی قراردادوں کے مطابق حل پر ہے، عالمی برادری کو چاہیے کہ وہ اقوام متحدہ کی طرف سے تسلیم شدہ حق خودارادیت کے لیے کشمیری عوام کی جائز جدوجہد میں ان کے ساتھ کھڑے ہوں۔ رپورٹ میں کہا گیا کہ تنازعہ کشمیر کا اب تک حل نہ ہونا اور کشمیریوں کی حق خودارادیت سے مسلسل محرومی اقوام متحدہ کے وجود پر ایک بڑا سوالیہ نشان ہے۔ بھارتی فورسز نے 1947ء سے اب تک ساڑھے چار لاکھ سے زائد کشمیریوں کو بھارت کے تسلط سے آزادی کے مطالبے کی پاداش میں شہید کیا ہے۔
دریں اثناء کل جماعتی حریت کانفرنس نے سری نگر سے جاری ایک بیان میں بھارت کی جانب سے کشمیر پر اقوام متحدہ کی سلامتی کونسل کی قراردادوں کی مسلسل خلاف ورزی پر افسوس کا اظہار کرتے ہوئے عالمی ادارے سے مطالبہ کیا کہ وہ مقبوضہ علاقے میں جاری بھارتی ریاستی دہشت گردی کا نوٹس لے اور تنازعہ کشمیرکو اپنی پاس کردہ قراردادوں کے مطابق حل کرانے کیلئے کردار ادا کرے۔
ذریعہ: Islam Times
کلیدی لفظ: رپورٹ میں کہا گیا کہ اقوام متحدہ کے اقوام متحدہ کی حق خودارادیت کی قراردادوں کشمیریوں کے
پڑھیں:
اقوام متحدہ کی 80ویں سالگرہ پر پاکستان کا عالمی تعاون، انصاف اور پائیدار ترقی کا عزم
پاکستان نے اقوام متحدہ کے منشور کے اصولوں اور مقاصد سے اپنی گہری وابستگی کا اعادہ کرتے ہوئے پیچیدہ عالمی چیلنجز سے نمٹنے کے لیے ایک زیادہ جامع، نمائندہ اور اصلاح شدہ کثیرالجہتی نظام کو وقت کی اہم ضرورت قرار دیا ہے۔
یہ بھی پڑھیں: اقوام متحدہ کے صدر کی اسحاق ڈار سے ملاقات، اسلاموفوبیا کیخلاف پاکستان کے کردار کی تعریف
اقوام متحدہ کے قیام کی 80ویں سالگرہ کے موقع پر جمعرات کی شام اسلام آباد میں منعقدہ تقریب سے خطاب کرتے ہوئے نائب وزیرِاعظم و وزیرِخارجہ اسحاق ڈار نے کہا کہ دنیا اس وقت بڑھتی ہوئی عدم استحکام، وسیع تر عدم مساوات، اور عالمی اداروں پر اعتماد کے فقدان جیسے مسائل سے دوچار ہے، حالانکہ یہ ادارے عالمی امن و خوشحالی کے تحفظ کے لیے قائم کیے گئے تھے۔
For eight decades, the @UN has been working to advance peace, dignity and equality for all on a healthy planet.
From feeding the hungry and vaccinating children to defending human rights and responding to crises, the #UN saves lives and supports communities. pic.twitter.com/IkB8Z7Avkp
— UN Fiji, Solomon Islands, Tonga, Tuvalu & Vanuatu (@UNinFiji) October 23, 2025
انہوں نے کہا کہ جموں و کشمیر اور فلسطین جیسے حل طلب تنازعات اب بھی لاکھوں انسانوں کو ان کے حقِ خودارادیت سے محروم کر رہے ہیں، جب کہ ماحولیاتی تبدیلیوں اور عالمی مالیاتی ڈھانچے کی خامیوں نے ترقی پذیر ممالک میں عدم مساوات اور قرض کے بحران کو مزید گہرا کر دیا ہے۔
’پاکستان اقوام متحدہ کے منشور کے اصولوں اور مقاصد سے گہری وابستگی رکھتا ہے، ہمارا یقین ہے کہ ایک جامع، نمائندہ اور اصلاح شدہ کثیرالجہتی نظام ہی مشترکہ سلامتی اور خوشحالی کی ضمانت ہے۔‘
مزید پڑھین: پاکستان خواتین کے شانہ بشانہ ترقی کے عزم پر قائم ہے، وزیر خارجہ اسحاق ڈار کا اقوام متحدہ اجلاس سے خطاب
وزیرِخارجہ نے وضاحت کی کہ کثیرالجہتی نظام میں اصلاح اقوام متحدہ کی نفی نہیں بلکہ اسے مضبوط بنانے اور مؤثر بنانے کا واحد راستہ ہے۔
’اقوام متحدہ کو خود کو مسلسل ارتقا پذیر رکھنا چاہیے، ساختی کمزوریوں کو دور کرنا چاہیے، ترقی پذیر ممالک کو زیادہ مضبوط آواز دینا چاہیے، اور تمام ممالک کے لیے منصفانہ نتائج فراہم کرنا چاہییں۔
اسحاق ڈار نے کہا کہ پاکستان نے ہمیشہ بین الاقوامی تعلقات میں اقوام متحدہ کے مرکزی کردار کو تسلیم کیا ہے اور امن مشنز، انسانی امداد، ترقیاتی تعاون اور ماحولیاتی استحکام کے شعبوں میں ایک فعال اور مثبت شراکت دار کے طور پر کردار ادا کیا ہے۔
’پاکستان اقوام متحدہ کے امن مشنز میں سب سے زیادہ فوجی دستے فراہم کرنے والے ممالک میں شامل ہے اور اقوام متحدہ کے قدیم ترین مشن کا میزبان ہونے کے ناطے، ہم عالمی استحکام کے لیے اقوام متحدہ کے امن مشن کو ایک کلیدی ذریعہ سمجھتے ہیں۔‘
مزید پڑھیں: اقوام متحدہ میں پاکستان کی حالیہ اہم تقرریوں کا سہرا قوم کے سر جاتا ہے، اسحاق ڈار
وزیر خارجہ نے پاکستان کے 2025-26 کے لیے غیر مستقل رکن کی حیثیت سے سلامتی کونسل میں موجودہ دور کی نشاندہی کرتے ہوئے کہا کہ اسلام آباد امن، انصاف اور بین الاقوامی تعاون کے فروغ کے لیے تمام رکن ممالک کے ساتھ مل کر کام کرنے کے لیے پرعزم ہے۔
اسحاق ڈار نے مزید بتایا کہ رواں سال جولائی میں سلامتی کونسل کی پاکستان کی صدارت کے دوران قرارداد 2788 کی متفقہ منظوری اس امر کی عکاسی کرتی ہے کہ پاکستان تنازعات کے پرامن حل کے لیے اقوام متحدہ کے چارٹر کے اصولوں کو عالمی سفارت کاری کا محور بنانا چاہتا ہے۔
انہوں نے اقوام متحدہ کے سیکریٹری جنرل کی جانب سے شروع کی گئی یواین80 انیشی ایٹو کو ایک بروقت اقدام قرار دیتے ہوئے کہا کہ یہ ادارے کو جدید خطوط پر استوار کرنے اور اسے موجودہ عالمی حقائق کے مطابق زیادہ جواب دہ اور نمائندہ بنانے کی ایک اہم کوشش ہے۔
انہوں نے زور دیا کہ ترقی پذیر ممالک کی ترجیحات اور بنیادی مفادات اقوام متحدہ کے ایجنڈے کے مرکز میں رہنے چاہییں، خصوصاً 2030 کے پائیدار ترقیاتی اہداف کے حصول کے تناظر میں۔
مزید پڑھیں: عالمی سطح پر مؤثر کردار کا پھر اعتراف، پاکستان اقوام متحدہ میں انسانی حقوق کونسل کا رکن منتخب
انہوں نے خبردار کیا کہ اخراجات میں کمی کے نام پر اقوام متحدہ کے ترقیاتی اور انسانی کردار کو کمزور نہیں کیا جانا چاہیے۔
’یومِ اقوامِ متحدہ کے موقع پر پاکستان کثیرالجہتی نظام اور امن، ترقی اور انسانی وقار جیسے اقوام متحدہ کے منشور کے ان اعلیٰ مقاصد کے لیے اپنی پائیدار وابستگی کا اعادہ کرتا ہے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسحاق ڈار اسلام اباد اقوام متحدہ وزیر خارجہ
عمران خان کی سابق خوشدامن و جمائما کی والدہ اینا بیل گولڈ سمتھ انتقال کر گئیں