روہت شرما کی شاندار سنچری، بھارت نے آخری ون ڈے جیت کر ریکارڈ قائم کر دیا
اشاعت کی تاریخ: 26th, October 2025 GMT
آسٹریلیا کے خلاف سیریز کے آخری ایک روزہ میچ میں بھارت کے سابق کپتان اور اسٹار بیٹر روہت شرما نے شاندار سنچری بناتے ہوئے نہ صرف اپنی فارم کا بھرپور جواب دیا بلکہ ایک نیا ریکارڈ بھی قائم کر دیا۔ سڈنی کرکٹ گراؤنڈ میں کھیلے گئے میچ میں آسٹریلیا نے بھارت کے لیے 237 رنز کا ہدف مقرر کیا، جس کے جواب میں بھارت کی شروعات کچھ کمزور رہی، تاہم روہت شرما اور ویرات کوہلی کی مضبوط شراکت داری نے ٹیم کو 9 وکٹوں سے فتح دلوائی۔
38 سالہ روہت شرما نے 33 اوورز میں ایڈم زیمپا کی آخری گیند پر اپنی ون ڈے کیریئر کی 33 ویں سنچری مکمل کی، جو ان کے بین الاقوامی کیریئر کی 50 ویں سنچری بھی ہے۔ اس کارنامے کے ساتھ وہ آسٹریلیا میں ایک روزہ میچوں میں سب سے زیادہ سنچری بنانے والے غیرملکی کھلاڑی بن گئے، اور اس سے پہلے ویرات کوہلی نے پانچ سنچریاں بنا کر یہ ریکارڈ اپنے نام کیا تھا۔
یہ روہت کی آسٹریلیا کے خلاف نویں سنچری بھی ہے۔ سیریز کے پہلے میچ میں صرف 8 رنز پر آؤٹ ہونے کے بعد ان پر چہ مگوئیاں ہو رہی تھیں، لیکن دوسرے میچ میں 73 رنز کی اننگز کے ذریعے انہوں نے اپنی بہترین واپسی کی۔ ویرات کوہلی نے بھی آخری میچ میں ذمہ دارانہ بیٹنگ کرتے ہوئے 74 رنز کی اننگز کھیل کر فارم دوبارہ حاصل کی۔
اگرچہ آسٹریلیا نے پہلے دو میچ جیت کر سیریز اپنے نام کر لی تھی، بھارت نے آخری میچ میں فتح حاصل کر کے کلین سوئپ سے بچاؤ کر لیا اور اپنے مداحوں کے لیے خوشی کا موقع فراہم کیا۔
ذریعہ
ذریعہ: Daily Mumtaz
کلیدی لفظ: ا سٹریلیا روہت شرما میچ میں
پڑھیں:
دوسرا ون ڈے: آسٹریلیا کی پاکستان کے خلاف بیٹنگ جاری
پاکستان نے آسٹریلیا کے خلاف 3 ایک روزہ میچوں پر مشتمل سیریز کے دوسرے میچ میں بھی ٹاس جیت کر پہلے فیلڈنگ کا فیصلہ کرلیا، جس کے بعد مہمان ٹیم کی بیٹنگ جاری ہے۔
لاہور کے قذافی اسٹیڈیم میں پاکستان اور آسٹریلیا کے درمیان جاری 3 ایک روزہ میچوں کی سیریز کے دوسرے میچ میں قومی ٹیم نے ایک بار پھر ٹاس اپنے نام کرلیا۔
پاکستان نے ٹاس جیت کر پہلے فیلڈنگ کا فیصلہ کیا۔ دوسرے ون ڈے کے لیے ٹیم میں کوئی تبدیلی نہیں کی گئی۔ pic.twitter.com/YEk2H1aXuB
— Zeeshu Bhatti (@zeeshu_bhatti) June 2, 2026
پاکستانی کپتان شاہین شاہ آفریدی نے ٹاس جیتنے کے بعد پہلے فیلڈنگ کا فیصلہ کرتے ہوئے آسٹریلوی ٹیم کو بیٹنگ کی دعوت دی۔
ٹاس کے موقع پر گفتگو کرتے ہوئے شاہین آفریدی نے کہاکہ پہلے ون ڈے میں کامیابی حاصل کرنے والی قومی ٹیم میں کوئی تبدیلی نہیں کی گئی اور اسی کمبی نیشن کو برقرار رکھا گیا ہے۔
واضح رہے کہ سیریز کے ابتدائی ایک روزہ میچ میں پاکستان نے آسٹریلیا کو 5 وکٹوں سے شکست دے کر 3 میچوں کی سیریز میں 0-1 کی برتری حاصل کر رکھی ہے۔
دوسرے میچ میں قومی ٹیم کی کوشش ہوگی کہ کامیابی حاصل کرکے سیریز اپنے نام کرے، جبکہ آسٹریلیا سیریز میں واپسی کے لیے میدان میں اترا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آسٹریلیا ایک روزہ سیریز پاکستان ون ڈے میچ وی نیوز
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ