بھارت میں آسٹریلیا کی ویمنز کرکٹ ٹیم کی کھلاڑیوں کی ہراسانی کے بعد ملزم کو سخت دینے کا مطالبہ
اشاعت کی تاریخ: 26th, October 2025 GMT
بھارت کے صاف ستھرے اور محفوظ ترین شہر کہلانے والے اندور میں آسٹریلوی ویمنز کرکٹ ٹیم کی 2 کھلاڑیوں سے نازیبا سلوک اور تعاقب کا واقعہ پیش آیا، جس کے بعد واقعے کے ملزم کو سخت سزا دینے کا مطالبہ کیا جارہا ہے۔
واقعہ جمعرات کی صبح اس وقت پیش آیا جب دونوں کھلاڑی ہوٹل ریڈیسن بلو سے ایک کیفے کی جانب جا رہی تھیں۔ راستے میں ایک موٹرسائیکل سوار شخص نے ان کا پیچھا کیا اور ایک کھلاڑی کو چھونے کی کوشش کی، بعد میں دوسری کے ساتھ بھی نازیبا حرکت کی اور فرار ہوگیا۔
یہ بھی پڑھیے: بھارت میں آسٹریلوی خواتین کرکٹرز کے ساتھ نازیبا حرکت کا مرتکب شخص گرفتار
ٹیم کے سیکیورٹی منیجر ڈینی سیمونز کے مطابق کھلاڑیوں نے فوری طور پر ’لائیو لوکیشن‘ اور ایس او ایس پیغام بھیجا۔ پولیس کو اطلاع ملنے کے بعد کارروائی کی گئی اور مقامی شہری کی مدد سے ملزم عقیل، 6 گھنٹے میں گرفتار کر لیا گیا۔ پولیس کے مطابق عقیل کے خلاف چوری اور ڈکیتی سمیت 10 مقدمات پہلے سے درج ہیں۔
واقعے کے بعد آسٹریلوی ٹیم انتظامیہ اور بھارتی کرکٹ بورڈ کے نمائندوں نے اندور پولیس سے تفصیلی بریفنگ لی۔ حکام کا کہنا ہے کہ تمام سیکیورٹی پروٹوکول کے باوجود یہ افسوسناک واقعہ پیش آیا اور مستقبل میں ایسی غفلت برداشت نہیں کی جائے گی۔
سابق بھارتی کپتان سنیل گاوسکر نے اندور میں آسٹریلوی ویمن کرکٹرز کے ساتھ پیش آنے والے واقعے پر شدید افسوس کا اظہار کرتے ہوئے کہا ہے کہ مجرم کو طویل عرصے کے لیے جیل بھیجا جانا چاہیے۔
یہ بھی پڑھیے: دہلی، سوامی بابا پر جنسی ہراسانی کا الزام، جعلی سفارتی نمبر پلیٹ والی کار بھی برآمد
انہوں نے کہا، ’یہ واقعی افسوسناک واقعہ ہے اور ملک کی بدنامی کا باعث بنا ہے۔ ہم ’اتتھی دیوو بھو‘ (مہمان ہمارا دیوتا ہے) کے اصول پر یقین رکھتے ہیں، اس لیے ایسی خبریں سننا بہت دکھ دیتا ہے۔‘
گاوسکر نے مزید کہا کہ ’یہ ایک انتہائی گھناونا واقعہ ہے، قانون کو اپنا راستہ اختیار کرنے دینا چاہیے، مگر میری امید ہے کہ مجرم کو سخت سے سخت سزا ملے — اسے قید کر کے چابی پھینک دی جائے۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آسٹریلیا خواتین کرکٹ کھلاڑی ہراسانی.
ذریعہ
ذریعہ: WE News
کلیدی لفظ: آسٹریلیا خواتین کرکٹ کھلاڑی کے بعد
پڑھیں:
ایران کے ساتھ مذاکرات جاری ہیں، ڈونلڈ ٹرمپ
امریکا کے صدر ڈونلڈ ٹرمپ نے ایران کے ساتھ مذاکرات معطلی کی رپورٹس کو بے بنیاد قرار دیتے ہوئے کہا ہے کہ ہمارے درمیان مذاکرات جاری ہیں۔
سوشل میڈیا پلیٹ فارم ٹرتھ سوشل پر جاری بیان میں ڈونلڈ ٹرمپ نے کہا کہ یہ جعلی خبریں کہ ایران اور امریکا کے درمیان چند روز قبل بات چیت بند ہوئی ہے، یہ سب غلط اور بے بنیاد خبریں ہیں۔
انہوں نے کہا کہ ہمارے درمیان بات چیت مسلسل جاری ہے جو چار دن پہلے، تین دن پہلے، دو دن پہلے، ایک دن پہلے اور آج بھی جاری رہے ہیں۔
ڈونلڈ ٹرمپ نے مذاکرات کے حوالے سے کہا کہ یہ کہاں تک پہنچتے ہیں کوئی نہیں جانتا لیکن میں نے ایران کو کہا ہے کہ کسی نہ کسی صورت آپ معاہدہ کریں، آپ گزشتہ 47 سال سے یہی کر رہے ہیں اور اس کو کسی صورت مزید جاری رکھنے کی اجازت نہیں دی جاسکتی ہے۔
https://truthsocial.com/@realDonaldTrump/posts/116681581361115247قبل ازیں امریکی سیکریٹری اسٹیٹ مارکو روبیو نے سینیٹ کی خارجہ کمیٹی کو بتایا ہے کہ ایران کے جوہری پروگرام پر مذاکرات میں چند ماہ کا عرصہ لگ سکتا ہے اور اس کے لیے ماہرین کی ٹیم درکار ہوگی جو معاملات طے کرے گی۔
انہوں نے کہا کہ ایران کے ساتھ معاہدے کے لیے بغیر ٹول کے آبنائے ہرمز بحال کرنے کی ضرورت ہے جبکہ امریکا نے آبنائے ہرمز کی بحالی کے لیے ایران کو پابندیوں میں نرمی کی پیش کش نہیں کی ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ