’دوڑ پیچھے کی طرف اے گردش ایام تو‘، نیدرلینڈ میں گھڑیاں ایک گھنٹہ پیچھے کر دی گئیں
اشاعت کی تاریخ: 26th, October 2025 GMT
اتوار کی صبح نیدرلینڈز میں دن کی روشنی کے وقت (Daylight Saving Time) کا اختتام ہو گیا، جس کے تحت ملک بھر میں گھڑیاں رات 3 بجے ایک گھنٹہ پیچھے کر دی گئیں۔
یہ بھی پڑھیں:موت کا وقت بتانے والی قدرتی گھڑیاں: ریڈیوکاربن ڈیٹنگ کی حیران کن دنیا
یہ تبدیلی سال میں 2 مرتبہ کی جانے والی معمول کی کارروائی ہے، مگر اب اس پر یورپ بھر میں بحث جاری ہے کہ آیا یہ نظام برقرار رہنا چاہیے یا ختم کر دیا جائے۔
یورپی یونین نے 2018 میں اس وقت کی تبدیلی کے خاتمے کی تجویز پیش کی تھی تاکہ ہر ملک اپنی پسند کے مطابق یا تو مستقل گرمیوں کا وقت رکھے یا سردیوں کا، تاہم یہ تجویز رکن ممالک کی اکثریت کی حمایت حاصل نہ کر سکی۔
یہ بھی پڑھیں:انسانی دماغ میں فاصلہ ناپنے کا نظام دریافت، یہ قدرتی گھڑی کیسے کام کرتی ہے؟
ڈچ حکومت کے مطابق تاحال دن کی روشنی کے وقت کو ختم کرنے کے فوائد اور نقصانات پر مکمل وضاحت نہیں ہے۔ حکام کا کہنا ہے کہ یورپی کمیشن کی جانب سے جامع جائزے کے بعد ہی حتمی فیصلہ کیا جا سکتا ہے۔
یورپی سطح پر اس معاملے پر رکن ممالک کی آرا منقسم ہیں۔ اسپین کے وزیرِاعظم پیڈرو سانچیز نے حال ہی میں کہا کہ دن کی روشنی کا نظام پرانا ہو چکا ہے اور اب اسے ختم کر دینا چاہیے۔
یہ بھی پڑھیں:کیا آپ کو معلوم ہے پاکستان کی پہلی تربیت یافتہ خاتون گھڑی ساز کون ہیں؟
تاہم کسی بھی تبدیلی کے لیے یورپی یونین کے کم از کم 15 ممالک یا 65 فیصد آبادی کی نمائندگی رکھنے والے ممالک کی حمایت ضروری ہوگی۔
اب دیکھنا یہ ہے کہ نیدرلینڈز سمیت دیگر یورپی ممالک اگلے برسوں میں دن کی روشنی کے اس پرانے نظام کو برقرار رکھتے ہیں یا ہمیشہ کے لیے گھڑیوں کی یہ سالانہ تبدیلی ختم کر دیتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
دن کی روشنی کا وقت روشنی نیدر لینڈ یورپ یورپی یونین.ذریعہ: WE News
کلیدی لفظ: دن کی روشنی کا وقت نیدر لینڈ یورپ یورپی یونین دن کی روشنی
پڑھیں:
یورپی یونین کا یوکرین کی مالی ضروریات پوری کرنے کا اعلان
data-id="863a0a8" data-element_type="widget" data-widget_type="theme-post-content.default">
یورپی یونین نے یوکرین کی اقتصادی اور دفاعی ضروریات پوری کرنے کے لیے ایک جامع مالی معاونت پروگرام جاری رکھنے کا اعلان کیا ہے، جسے ایک اہم سفارتی پیش رفت قرار دیا جا رہا ہے۔
غیر ملکی خبر رساں ادارے کے مطابق، یورپی رہنماؤں نے اتفاق کیا ہے کہ یوکرین کو آئندہ دو برسوں کے دوران مسلسل مالی امداد فراہم کی جائے گی تاکہ وہ جنگ سے متاثرہ معیشت کو مستحکم کر سکے اور اپنے دفاعی ڈھانچے کو مضبوط بنائے۔ اجلاس میں شریک رہنماؤں نے اس بات پر زور دیا کہ یوکرین کی مالی اور فوجی مدد نہ صرف انسانی ہمدردی کا تقاضا ہے بلکہ یورپ کے امن و استحکام کے لیے بھی ناگزیر ہے۔
میڈیا رپورٹس کے مطابق، امداد کے حجم، تقسیم کے طریقہ کار اور فنڈنگ کے ذرائع سے متعلق حتمی فیصلہ دسمبر میں متوقع ہے۔ اس پیکیج میں ممکنہ طور پر گرانٹس، قرضے اور تکنیکی معاونت شامل ہوگی تاکہ یوکرینی حکومت اپنے بجٹ خسارے پر قابو پا سکے اور جنگ کے دوران بنیادی خدمات برقرار رکھ سکے۔
صدرِ یورپی کونسل انتونیو کوسٹا نے اس موقع پر کہا کہ یورپی یونین یوکرین کو دفاعی ضروریات کے لیے تمام ممکنہ وسائل فراہم کرے گی۔ ان کے بقول، “یہ وقت یوکرین کے ساتھ کھڑے ہونے کا ہے کیونکہ اس کا دفاع پورے یورپ کے مستقبل سے جڑا ہوا ہے۔”
یورپی یونین کے اس فیصلے پر یوکرین کے صدر وولودیمیر زیلنسکی نے فوری ردعمل دیتے ہوئے یورپی رہنماؤں کا شکریہ ادا کیا اور کہا کہ یہ حمایت یوکرینی عوام کے حوصلے کو مزید مضبوط کرے گی۔ انہوں نے اسے “یورپی اتحاد اور جمہوری اقدار کی فتح” قرار دیا۔
انصار اللہ نے اقوام متحدہ کے 20 ملازمین کو حراست میں لے لیا