آزاد کشمیراسمبلی میں ان ہائوس تبدیلی لانے کا فیصلہ
اشاعت کی تاریخ: 25th, October 2025 GMT
data-id="863a0a8" data-element_type="widget" data-widget_type="theme-post-content.default">
لاہور: پاکستان پیپلزپارٹی نے آزاد کشمیر قانون ساز اسمبلی میں ان ہائوس تبدیلی لانے کا فیصلہ کرلیا ہے۔
سیکرٹری اطلاعات پیپلزپارٹی آزاد کشمیر کا کہنا ہے کہ آزاد کشمیر میں پیپلزپارٹی اپنی حکومت بنانے جارہی ہے، آصف زرداری نے آزاد کشمیر میں حکومت بنانے کی منظوری دے دی ، بلاول زرداری پیر کے روز حکومت سازی کا باقاعدہ اعلان کریں گے۔
اس سے قبل صدر مملکت آصف علی زرداری سے آزاد جموں و کشمیر پیپلز پارٹی سے تعلق رکھنے والے پارلیمانی رہنمائوں نے ایوانِ صدر میں ملاقات کی۔
ہفتہ کو ایوان صدر کے میڈیا ونگ سے جاری بیان کے مطابق ملاقات کے دوران آزاد جموں و کشمیر کی قانون ساز اسمبلی میں پیپلز پارٹی کے کردار اور سیاسی امور پر تبادلہ خیال کیا گیا۔
ملاقات کے دوران پاکستان پیپلز پارٹی کے چیئرمین بلاول زرداری، پیپلز پارٹی خواتین وِنگ کی صدر فریال تالپور اور پارٹی کے دیگر سینئر رہنما بھی موجود تھے۔
پیپلزپارٹی آزاد جموں کشمیر کی پارلیمانی پارٹی کے اجلاس کے بعد رہنماءپیپلزپارٹی قمر زمان کائرہ نے میڈیا سے گفتگو میں کہا کہ اجلاس میں آزاد کشمیر کی سیاسی صورتحال اور عوامی ایشوز پر بات چیت کی گئی۔
اجلاس میں تمام ممبران نے کھل کر چیئرمین بلاول کو آگاہ کیا، اب صدر مملکت آصف زرداری سے مشاورت کریں گے، ن لیگ کا فیصلہ ہم نے سنا ہے کہ ن لیگ نے اپوزیشن میں بیٹھنے کا فیصلہ کیا ہے لیکن ہمیں ن لیگ نے باضابطہ آگاہ نہیں کیا۔
جب کسی جماعت کے پاس نمبرز پورے ہیں تو پھر ہی حکومت بنائی جاتی ہے۔ مزید برآں ن لیگ آزاد کشمیر کے صدر غلام قادر نے کہا تھا کہ اگر پیپلز پارٹی تحریک عدم اعتماد لاتی ہے تو یہ ان کا جمہوری حق ہے، تاہم ن لیگ کسی غیر فطری حکومت سازی کا حصہ نہیں بنے گی۔
غلام قادر نے مزید کہا تھا کہ ن لیگ اب اپوزیشن میں بیٹھے گی ، پارٹی پالیسی سے انحراف کرنے والوں کے خلاف کارروائی ہوگی، اور نئی حکومت صرف شفاف عام انتخابات کے ذریعے ہی ممکن ہے۔
ویب ڈیسک
Faiz alam babar
ذریعہ
ذریعہ: Jasarat News
کلیدی لفظ: پیپلز پارٹی کا فیصلہ پارٹی کے
پڑھیں:
اسلام آباد، بلاول بھٹو سے وزیر اعلیٰ گلگت بلتستان امجد حسین کی ملاقات
وزیر اعلیٰ نے انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ اسلام ٹائمز۔ پاکستان پیپلزپارٹی کے چیئرمین بلاول بھٹو زرداری سے گلگت بلتستان کے وزیر اعلیٰ امجد حسین ایڈووکیٹ نے زرداری ہاؤس اسلام آباد میں ملاقات کی اور انہیں وزیراعظم پاکستان میاں محمد شہباز شریف سے ہونے والی ملاقات اور گلگت بلتستان کو عبوری صوبہ بنانے کے حوالے سے اسمبلی قرارداد سے متعلق تفصیلات سے آگاہ کیا۔ پارٹی ذرائع کے مطابق ملاقات میں جی بی میں حکومت سازی، خطے کے مسائل اور پارٹی امور پر تبادلہ خیال کیا گیا۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا