آزاد کشمیر میں حکومت سازی: وزیراعظم نے احسن اقبال کی سربراہی میں کمیٹی تشکیل دے دی
اشاعت کی تاریخ: 26th, October 2025 GMT
آزاد کشمیر میں حکومت سازی کے معاملے میں وزیراعظم شہباز شریف نے وفاقی وزیر احسن اقبال کی قیادت میں ایک کمیٹی تشکیل دے دی ہے۔
ذرائع کے مطابق، صدر مملکت آصف علی زرداری نے وزیر اعظم سے ٹیلی فون پر رابطہ کیا اور پیپلز پارٹی کی حکومت بنانے میں تعاون کی درخواست کی۔ اس پر وزیراعظم نے فیصلہ کیا کہ پیپلز پارٹی کی حمایت یا عدم حمایت کے معاملے کو احسن اقبال کی سربراہی میں بنائی گئی کمیٹی کے ذریعے دیکھا جائے۔
کمیٹی کا کام یہ ہوگا کہ وہ پیپلز پارٹی کی ٹیم کے ساتھ مذاکرات کرے اور ممکنہ حکومتی اتحاد کے حوالے سے سفارشات پیش کرے۔
واضح رہے کہ مسلم لیگ ن کی پارلیمانی پارٹی پہلے ہی اعلان کر چکی ہے کہ وہ آزاد کشمیر میں اپوزیشن میں رہے گی۔ اس کے باوجود، اگر مسلم لیگ ن تعاون نہ کرے تو پیپلز پارٹی 20 فارورڈ بلاک کے اراکین سے رابطہ کر کے حکومت بنانے کی کوشش کرے گی۔
یہ سلسلہ آزاد کشمیر میں سیاسی توازن اور اتحادی حکمت عملی کے حوالے سے اہم پیش رفت کے طور پر دیکھا جا رہا ہے۔
ذریعہ: Daily Mumtaz
کلیدی لفظ: پیپلز پارٹی
پڑھیں:
پیپلز پارٹی کے رہنما سید حسن مرتضی کے والد سید غلام مرتضیٰ شاہ انتقال کر گئے
مرحوم کی نمازِ جنازہ آج 8 دسمبر بروز پیر بعد نمازِ مغرب امام بارگاہ جاگیر علی اکبر، کربلا رجوعہ سادات، چنیوٹ میں ادا کی جائے گی۔ پیپلز پارٹی کے رہنماؤں، کارکنوں اور دیگر سیاسی قائدین نے سید حسن مرتضیٰ کیساتھ اظہار تعزیت کیا ہے۔ اسلام ٹائمز۔ پاکستان پیپلز پارٹی وسطی پنجاب کے جنرل سیکرٹری سید حسن مرتضی کے والد سید غلام مرتضیٰ شاہ انتقال کر گئے۔ مرحوم کی نمازِ جنازہ آج 8 دسمبر بروز پیر بعد نمازِ مغرب امام بارگاہ جاگیر علی اکبر، کربلا رجوعہ سادات، چنیوٹ میں ادا کی جائے گی۔ پیپلز پارٹی کے رہنماؤں، کارکنوں اور دیگر سیاسی قائدین نے سید حسن مرتضیٰ کیساتھ اظہار تعزیت کیا ہے اور مرحوم کی بلندی درجات کیلئے دعا کی ہے۔ مرحوم سید غلام مرتضیٰ شاہ کافی عرصہ سے لاہور کے ایک پرائیویٹ ہسپتال میں زیر علاج تھے۔ گزشتہ شب اپنے خالق حقیقی سے جا ملے۔
حیدرآباد: ایڈووکیٹ رسول بخش وکلاء کے ہمراہ پریس کانفرنس کررہے ہیں