پاکستان کے ساتھ بڑھتے تعلقات بھارت سے دوستی کی قیمت پر نہیں، مارکو روبیو
اشاعت کی تاریخ: 26th, October 2025 GMT
امریکا کے وزیر خارجہ مارکو روبیو نے واضح کیا ہے کہ امریکا کے پاکستان کے ساتھ مضبوط ہوتے تعلقات بھارت یا کسی دوسرے ملک کے ساتھ دوستی کی قیمت پر نہیں ہیں۔
کوالا لمپور میں ایسٹ ایشیا سمٹ کے موقع پر بھارتی وزیرِ خارجہ ایس جے شنکر سے ملاقات سے ایک روز قبل امریکی وزیرِ خارجہ مارکو روبیو نے کہا ہے کہ امریکہ اور پاکستان کے درمیان بڑھتے ہوئے اسٹریٹجک تعلقات بھارت کے ساتھ دوستی یا تعلقات پر اثرانداز نہیں ہوں گے۔
یہ بھی پڑھیں: نریندر مودی امریکی صدر ڈونلڈ ٹرمپ کا سامنا کرنے سے ہچکچانے لگے
بھارتی وزیرِ خارجہ ایس جے شنکر اتوار کو کوالا لمپور پہنچے ہیں، جہاں وہ وزیرِ اعظم نریندر مودی کی نمائندگی کرتے ہوئے ایسٹ ایشیا سمٹ میں شرکت کریں گے۔ پیر کو ان کی ملاقات امریکی وزیرِ خارجہ مارکو روبیو سے متوقع ہے، جس میں دوطرفہ تجارت اور روسی تیل کی بھارتی درآمدات پر بات چیت کی جائے گی۔
دوسری جانب دوحہ روانگی کے موقع پر صحافیوں سے گفتگو کرتے ہوئے امریکی وزیر خارجہ مارکو روبیو نے کہا کہ بھارت کی فکرمندی فطری ہے کیونکہ پاکستان اور بھارت کے درمیان تاریخی طور پر کشیدگی رہی ہے۔
یہ بھی پڑھیں: امریکا کے پاکستان بھارت تعلقات سے متعلق بیان کا خیرمقدم کرتے ہیں، پاکستان
مارکو روبیو کا کہنا تھا کہ بھارت کو یہ سمجھنا چاہیے کہ امریکا مختلف ممالک کے ساتھ اپنے تعلقات برقرار رکھتا ہے۔ ان کے مطابق واشنگٹن، اسلام آباد کے ساتھ اپنے اسٹریٹجک تعلقات کو وسعت دینے کا خواہاں ہے اور ایسے تمام ممالک کے ساتھ شراکت داری چاہتا ہے جہاں مشترکہ مفادات موجود ہیں۔
انہوں نے کہا کہ بھارت کی خارجہ پالیسی حقیقت پسندانہ ہے اور وہ خود بھی ایسے ممالک کے ساتھ تعلقات رکھتا ہے جن کے ساتھ امریکا کے روابط نہیں ہیں، دوسری جانب پاکستان کے ساتھ تعاون، بھارت کے ساتھ گہرے اور تاریخی تعلقات کا متبادل نہیں بلکہ علاقائی استحکام کے لیے ایک الگ نوعیت کی شراکت داری ہے۔
یہ بھی پڑھیں: جنوبی ایشیا میں امریکا بھارت اتحاد ہمارے مفادات کیخلاف ہے، سابق سفیر مسعود خالد
امریکی وزیر خارجہ نے کہا کہ پاکستان کے ساتھ انسداد دہشتگردی سمیت مختلف شعبوں میں طویل تعاون رہا ہے اور واشنگٹن چاہتا ہے کہ اس دائرہ کار کو مزید وسعت دی جائے۔ انہوں نے تسلیم کیا کہ بعض چیلنجز موجود ہیں لیکن مجموعی طور پر تعلقات کا مثبت انداز حوصلہ افزا ہے۔
مارکو روبیو نے بتایا کہ انہوں نے حالیہ تنازع سے قبل ہی پاکستانی قیادت سے رابطہ کیا تھا تاکہ ایک نئی اسٹریٹجک شراکت داری کی بنیاد رکھی جاسکے۔ ان کے مطابق امریکا کا مقصد ایسے مواقع پیدا کرنا ہے جہاں تعاون ممکن ہو۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسٹریٹیجک تعلقات امریکا بھارت پاکستان جے شنکر مارکوروبیو وزیرخارجہ.
ذریعہ
ذریعہ: WE News
کلیدی لفظ: اسٹریٹیجک تعلقات امریکا بھارت پاکستان مارکوروبیو خارجہ مارکو روبیو پاکستان کے ساتھ مارکو روبیو نے امریکی وزیر امریکا کے نے کہا
پڑھیں:
سعودی توانائی معاہدہ ابراہیمی معاہدوں سے مشروط، وائٹ ہاؤس نے ٹرمپ کا مؤقف دہرا دیا
نیوز بریفنگ کے دوران وائٹ ہاؤس کی ترجمان کا کہنا تھا کہ امریکی صدر کی سعودی قیادت سے مجوزہ جوہری معاہدے کی شرائط پر ابھی تک براہِ راست بات نہیں ہوئی، تاہم امریکا سعودی عرب کے ساتھ مذاکرات کا سلسلہ جاری رکھے گا۔ اسلام ٹائمز۔ وائٹ ہاؤس کی ترجمان کیرولین لیویٹ نے کہا ہے کہ امریکا اور سعودی عرب کے درمیان مجوزہ توانائی اور سول جوہری تعاون کا معاہدہ سعودی عرب کی ابراہیمی معاہدوں میں شمولیت سے مشروط ہے۔ نیوز بریفنگ کے دوران کیرولین لیویٹ نے بتایا کہ صدر ڈونلڈ ٹرمپ کی سعودی قیادت سے مجوزہ جوہری معاہدے کی شرائط پر ابھی تک براہِ راست بات نہیں ہوئی، تاہم امریکا سعودی عرب کے ساتھ مذاکرات کا سلسلہ جاری رکھے گا۔ انہوں نے کہا کہ صدر ٹرمپ ماضی میں بھی سعودی عرب کے ساتھ مختلف معاہدوں کے حوالے سے بات چیت کر چکے ہیں اور وہ چاہتے ہیں کہ سعودی عرب ابراہیم اکارڈز پر دستخط کرے۔
وائٹ ہاؤس کی ترجمان نے ایک سوال کے جواب میں کہا کہ صدر ٹرمپ اور چینی صدر شی جن پنگ کے درمیان متوقع ملاقات میں مصنوعی ذہانت (اے آئی) ٹیکنالوجی کی مبینہ چوری کا معاملہ بھی زیرِ بحث آنے کا امکان ہے۔ کیرولین لیویٹ نے اس بات کا اعادہ کیا کہ امریکا سعودی عرب کے ساتھ توانائی اور سول جوہری تعاون سے متعلق مذاکرات جاری رکھے گا، تاہم کسی بھی حتمی معاہدے کے لیے متعلقہ شرائط پوری ہونا ضروری ہوں گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار