سست انٹرنیٹ، ناقص موبائل کنکٹیوٹی، برآمدی آرڈرز، کاروبای سودے خطرے میں پڑ گئے
اشاعت کی تاریخ: 28th, October 2025 GMT
data-id="863a0a8" data-element_type="widget" data-widget_type="theme-post-content.default">
251028-06-19
کراچی(بزنس رپورٹر)کراچی کے سب سے بڑے صنعتی علاقے سائٹ کے صنعتکاروں نے انٹرنیٹ کنیکٹویٹی میں مسلسل خلل، کمزور موبائل سگنلز اور موبائل کمپنیوں کی غیر معیاری سروسز پر شدید تشویش کا اظہار کیا ہے۔ سائٹ ایسوسی ایشن کے صدر احمد عظیم علوی کا کہنا ہے کہ گذشتہ کئی روز سے جاری سست انٹرنیٹ اور ناقص موبائل کنیکٹیوٹی کے باعث مقامی اور بین الاقوامی سطح پر کاروباری روابط شدید متاثر ہو رہے ہیں جس سے بزنس کمیونٹی کو بھاری مالی نقصانات کا اندیشہ ہے۔وزیراعظم شہباز شریف سے اپیل میں انہوں نے مذکورہ صورتحال کا نوٹس لینے کی درخواست کرتے ہوئے اس بات کی نشاندہی کی کہ غیر ملکی خریداروں سے بروقت رابطہ نہ ہونے کے باعث نئے برآمدی آرڈرز اور اہم کاروبای سودے خطرے میں پڑ گئے ہیں جس کی تمام تر ذمہ داری موبائل کمپنیوں اور انٹرنیٹ سروس پرووائیڈرز پر عائد ہوتی ہے۔صدر سائٹ ایسوسی ایشن کا یہ بھی کہنا تھا کہ کاروباری امور کے لیے رابطے انتہائی اہمیت کے حامل ہوتے ہیں اور موبائل، انٹرنیٹ کاروباری رابطوں کے لیے سب سے اہم ذریعہ ہیں لہذا سست انٹرنیٹ سروسز اور موبائل کنکٹیوٹی میں مسلسل خلل کی وجہ سے بزنس کمیونٹی کیسے ایک دوسرے سے رابطہ کرے اور کاروباری سودے اور برآمدی آرڈرز کے حصول کے لیے غیر ملکی خریداروں سے کیسے رابطے کیے جائی؟ اس صورتحال میں صنعتکار برادری کو بہت زیادہ پریشانی کا سامنا ہے کیونکہ سست انٹرنیٹ سروسز اور موبائل کنکٹیوٹی میں مسلسل رکاوٹ کے باعث برآمدی آرڈرز خطرے میں پڑ گئے ہیں۔احمد عظیم علوی نے وزیراعظم شہباز شریف سے اپیل کی ہے کہ وہ اس سنگین مسئلے کا فوری نوٹس لیں اور متعلقہ سروس پرووائیڈرز کو اپنی خدمات بہتر بنانے کی سخت ہدایات جاری کریں تاکہ ملکی برآمدات اور صنعتی سرگرمیاں متاثر نہ ہوں۔
ذریعہ: Jasarat News
کلیدی لفظ: سست انٹرنیٹ اور موبائل
پڑھیں:
سندھ فوڈ اتھارٹی کی ناقص کارکردگی نے شہریوں کی صحت کو دائوپر لگا دیا
data-id="863a0a8" data-element_type="widget" data-widget_type="theme-post-content.default">
251028-08-5
کراچی (رپورٹ :واجد حسین انصاری) حکومت سندھ کے دیگر اداروں کی طرح سندھ فوڈ اتھارٹی بھی اپنا کردار ادا کرنے میں ناکام ،شہر کے مختلف علاقوں میںپہلے سے ذبح شدہ مرغیوں کے گوشت کی فروخت، کیمیکل زدہ دودھ، فوڈ کلر، گلے سڑے فروٹ اور کھانے پینے کی دیگر غیر معیاری اشیاء کی کھلے عام فروخت کا سلسلہ جاری ہے۔ ذرائع کا کہنا ہے کہ سندھ فوڈ اتھارٹی نے شہریوں کی صحت کو دائو پر لگادیا ہے اور انہیں غیر معیاری اور مضر صحت اشیاء کی فروخت کرنے والوں کے رحم و کرم پر چھوڑ دیا گیا ہے۔ تفصیلات کے مطابق سندھ میں17برس سے برسر اقتدار پیپلز پارٹی کی سندھ حکومت کسی بھی شعبے میں بہتری نہیں لاسکی۔ذرائع کا کہنا ہے کہ سندھ حکومت کی جانب سے قائم کردہ سندھ فوڈ اتھارٹی اپنا کردار ادا کرنے میں ناکام ہوگئی، شہریوں کو مضر صحت اور غیر معیاری اشیاء فروخت کرنے والوں کے رحم و کرم پر چھوڑ دیا گیا ہے۔ اس صورتحال کے باعث کراچی کے شہریوں میں تشویش پائی جاتی ہے۔ ذرائع کا کہنا ہے کہ سندھ فوڈ اتھارٹی کا بنیادی کام شہریوں کو کھانے پینے کی معیاری اشیاء کی فراہمی اور اس سلسلے میں نظام کو بہتر بنانا ہے جس میں وہ ناکام رہی ہے، ذرائع کا مزید کہنا ہے کہ سندھ حکومت نے شہریوں کو معیاری اشیاء کی فراہمی کے لئے یہ ادارہ قائم کیا تھا لیکن یہ ادارہ مضر صحت اور غیر معیاری اشیاء کی فروخت کرنے والوں کے خلاف کارروائی اور عوام کو معیاری اشیاء کی فراہمی میں ناکام رہا ہے۔ ذرائع نے دعویٰ کیا ہے کہ سندھ فوڈ اتھارٹی جو انسانی صحت کی ضمانت سمجھی جاتی ہے اس ادارے کے افسران اور عملہ اپنے بیٹرز کے ذریعے اپنے ذاتی مفادات کے تحفظ میں مصروف ہے اس ضمن میں شہری حلقوں کا کہنا ہے کہ سندھ فوڈ اتھارٹی کی ناقص کارکردگی نے شہریوں کی صحت کو دا? پر لگا دیا ہے حکومت سندھ کی جانب سے اس ادارے کی کارکردگی جانچنے کے لئے چیک اینڈ بیلنس کا کوئی نظام موجود نہیں ، شہریوں کا حکومت سے مطالبہ ہے کہ سندھ فوڈ اتھارٹی کی ناقص کارکردگی کا نوٹس لیا جائے اور شہریوں کو کھانے پینے کی معیاری اشیاء کی فراہمی اور زندہ مرغیوں کو گاہک کے سامنے ذبح کرکے گوشت کی فروخت یقینی بنانے کے لئے فوری اور موثر اقدامات کئے جائیں۔واضح رہے کہ پنجاب حکومت نے پہلے سے ذبح شدہ مرغیوں کے گوشت کی فروخت پر پابندی عاید کر رکھی ہے۔
اورنگی ٹاؤن میں پانی کے ٹینکر کی ٹکر سے 10 سالہ بچہ جاں بحق