ایم ایل ون کا سن رہے ہیں لیکن گرائونڈ پر کچھ نہیں، جام سیف اللہ
اشاعت کی تاریخ: 28th, October 2025 GMT
data-id="863a0a8" data-element_type="widget" data-widget_type="theme-post-content.default">
251028-01-5
اسلام آباد (صباح نیوز)چیئرمین قائمہ کمیٹی برائے ریلوے جام سیف اللہ خان نے کہاہے کہ وزارت ریلوے کا غیر سنجیدہ رویہ ہے،کافی عرصے سے ایم ایل ون کا سن رہی ہیں لیکن گرائونڈ پر کچھ نہیں ہے، منسٹر آئیں،وہ کابینہ میں بیٹھتے ہیں وہ بتائیں سہی کیا ہو رہا ہے، وزیر ریلوے حنیف عباسی کی عدم موجودگی پر ایجنڈا آئندہ کے لئے موخر کردیا گیا۔ سینیٹ کی قائمہ کمیٹی برائے ریلوے کا چیئرمین جام سیف اللہ خان کی زیر صدارت اجلاس ہوا۔ اجلاس میں ریلوے میں کرپشن کو کنٹرول کرنے کے لئے اٹھائے گئیحکومتی اقدامات سے متعلق معاملہ زیر بحث آیا ۔ وزیر ریلوے حنیف عباسی کے کمیٹی اجلاس میں نہ آنے پر کمیٹی ارکان نے اعتراض کیا ۔سینیٹر شہادت اعوان نے کمیٹی کو غلط ریکارڈ دیئے جانے کا معاملہ اٹھاتے ہوئے کہاکہ منسٹر کو کمیٹی میں آنا تھا۔انہوں نے کہاکہ 15 دن کاوقت دیں میں خود میٹنگ بلائوں گا، سابقہ آئی جی نے ہمیں متضاد ریکارڈ دیا، ریلوے نے اپنے ملازمین کو شوکاز گیا، ثابت ہوا کہ کمیٹی کو غلط ریکارڈ دیا گیا،جب ریکارڈ غلط دیا گیا تو یہ معاملہ استحقاق کمیٹی کو ریفر کیا گیا، اس کمیٹی کو غلط ریکارڈ دیا گیا مس گائیڈ کیا گیا،وزیر وعدہ کر کے گئے تھے کہ میں میٹنگ بلائوں گا۔سیکرٹری ریلوے نے بتایا کہ وزیرصاحب کی طبعیت ٹھیک نہیں تھی، سینیٹر ناصر بٹ نے کہاکہ سب اس کمیٹی کو سنجیدہ لیتے ہیں تو منسٹرز کو بھی آنا چاہئے، منسٹر جب آتا ہے تو سب سنجیدہ لیتے ہیں، سینیٹر دوست علی نے کمیٹی میں انکشاف کیا کہ رات وہ(وزیر)کسی ٹی وی پروگرام میں تھے۔ چیئرمین کمیٹی نے کہاکہ یہ بہت سنجیدہ معاملہ ہے، تین دفعہ ہم نے میٹنگ کو موخر کیا،وزیراعظم کو لکھیں کہ وزارت کمیٹی کے ساتھ تعاون نہیں کررہی، وزارت کا غیر سنجیدہ رویہ ہے،کافی عرصے سے ایم ایل ون کا سن رہی ہیں لیکن گرائونڈ پر کچھ نہیں ہے، وزیر آئیں،وہ کابینہ میں بیٹھتے ہیں وہ بتائیںتو سہی کیا ہو رہا ہے۔
ذریعہ: Jasarat News
پڑھیں:
وزیر ریلوے حنیف عباسی کا تہران استنبول ٹرین سروس 31 دسمبر کو دوبارہ بحال کرنے کا اعلان
وزیر ریلوے حنیف عباسی کا تہران استنبول ٹرین سروس 31 دسمبر کو دوبارہ بحال کرنے کا اعلان WhatsAppFacebookTwitter 0 26 October, 2025 سب نیوز
لاہور(آئی پی ایس )وفاقی وزیر ریلوے حنیف عباسی نے کہا ہے کہ تہران-استنبول ٹرین سروس 31 دسمبر کو دوبارہ بحال کی جا رہی ہے۔ صوبائی دارالحکومت میں ریلوے ہیڈ کوارٹر میں پریس کانفرنس کرتے ہوئے حنیف عباسی کا کہنا تھا کہ ریلوے مسافروں کو ہر ممکن سہولت فراہم کریں گے، ریلوے سٹیشنز کی صفائی کے نظام کو مزید بہتر بنایا جارہا ہے،ریلوے نظام میں جدت لانے کے لیے بھرپور کوشش کر رہے ہیں، ریلوے سٹیشنز پر کیفے ٹیریا اور انٹرنیٹ کی سہولت فراہم کر رہے ہیں۔
انہوں نے اعلان کیا ہے کہ اسلام آباد-تہران-استنبول ٹرین سروس 31 دسمبر کو دوبارہ بحال کی جا رہی ہے، ریکوڈک منصوبے کے لیے چار سو کلومیٹر تک نیا ٹریک بچھایا جا رہا ہے۔وفاقی وزیر ریلوے کا کہنا تھا کہ ٹریک کی موجودہ کل لمبائی آٹھ سو چوراسی کلومیٹر ہے، روہڑی تا کراچی ٹریک کی بہتری کے لیے ورلڈ ایشین بینک سے دو ارب ڈالر کے معاہدے پر بات چیت جاری ہے اور یہ منصوبہ جولائی 2026 تک مکمل ہونے کی توقع ہے۔حنیف عباسی کا کہنا تھا کہ ایم ایل ٹو منصوبے پر بھی غور و خوض ہو رہا ہے، جبکہ کراچی سٹیشن کی توسیع لاہور سٹیشن سے کئی گنا بڑھ چکی ہے، شالیمار ایکسپریس کے افتتاح کے لیے وزیرِ اعظم سے سات نومبر کی تاریخ مانگی گئی ہے جب کہ رحمان بابا ایکسپریس کو اپ گریڈ کیا جا رہا ہے۔ان کا کہنا تھا کہ پاکستان ریلوے کی کارگو ایکسپریس سروس سے اب تک 3.5 ارب روپے سے زائد آمدنی حاصل ہوئی ہے، 23 مارچ 2026 تک 160 نئی ویگنز نظام میں شامل کر لی جائیں گی جو مقامی سطح پر تیار کی جا رہی ہیں۔وفاقی وزیر ریلوے نے کہا کہ سیمنٹ انڈسٹری کو بھی ریلوے نیٹ ورک کا حصہ بنایا جا رہا ہے، لاہور تا راولپنڈی ٹرین کے تیسرا ریک 31 اکتوبر تک اور چوتھا ریک 19 نومبر تک مکمل ہو جائے گا، اس کے علاوہ 26 ریلوے پلاٹس کی اوپن آکشن اور 48 گوداموں کو آوٹ سورس کرنے کا بھی فیصلہ کیا گیا ہے۔
حنیف عباسی کا کہنا تھا کہ ریلوے کے انفراسٹرکچر میں بہتری کے لیے متعدد اقدامات کا اعلان کرتے ہوئے کہا کہ ڈرائیونگ اور گارڈز کے رومز کی حالت بہتر بنائی جا رہی ہے اور 10 رننگ رومز کی رینوویشن فروری 2026 تک مکمل کر لی جائے گی، اسی طرح ملازمین کے کوارٹرز کی چھتوں کی مرمت اور سکھر روہڑی سٹیشن کی اپ گریڈیشن پر 80 کروڑ روپے لاگت آئے گی۔انہوں نے کہا کہ راولپنڈی ریلوے سٹیشن پر 180 سکیورٹی کیمرے نصب کیے جا رہے ہیں جبکہ محکمہ ویجیلنس کو کرپشن، چوری، بوگس الاٹمنٹس، ڈیزل چوری، گوسٹ ملازمین اور زمینوں کے غلط استعمال کے خلاف متحرک کیا گیا ہے۔وفاقی وزیر ریلوے نے بتایا کہ ریلوے پولیس میں 1500 اہلکاروں کی بھرتی شفاف انداز میں کی گئی ہے، جس میں کسی قسم کی سفارش شامل نہیں تھی، انہوں نے اعلان کیا کہ 4 نومبر کو ان اہلکاروں کی پاسنگ آوٹ تقریب میں خود شرکت کرینگے۔حنیف عباسی کا کہنا تھا کہ بھارت کا ریلوے بجٹ 700 ارب روپے جبکہ پاکستان ریلوے کا صرف 17 ارب روپے ہے، تاہم ان کی کوشش ہے کہ نئے منصوبوں کے ذریعے ریلوے کو خود کفیل بنایا جائے۔آخر میں انہوں نے بلوچستان کے ریلوے ملازمین، پولیس شہدا اور فوجی جوانوں کو خراجِ تحسین پیش کیا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرڈیرہ غازی خان میں دہشتگردوں کے متعدد ٹھکانے تباہ ، اسلحہ اور گولہ بارود برآمد ڈیرہ غازی خان میں دہشتگردوں کے متعدد ٹھکانے تباہ ، اسلحہ اور گولہ بارود برآمد ملک بھر کے میڈیکل اور ڈینٹل کالجوں میں داخلے کیلئے ایک لاکھ 40 ہزار امیدوار، ٹیسٹ کا آغاز سوشل میڈیا پر بے بنیاد اور پروپیگنڈا کرنے والا ٹی ایل پی کا رہنما گرفتار پاک سعودی دفاعی معاہدے سے متعلق بھارتی میڈیا کا من گھڑت بیانیہ بے نقاب غزہ میں امن معاہدے کے باوجود اسرائیلی جارحیت جاری، مزید 6فلسطینی زخمی مسلم لیگ ن نے آئندہ ضمنی انتخابات کیلئے امیدواروں کا اعلان کردیاCopyright © 2025, All Rights Reserved
رابطہ کریں ہماری ٹیم
اورنگی ٹاؤن میں پانی کے ٹینکر کی ٹکر سے 10 سالہ بچہ جاں بحق