گلگت بلتستان میں ای پروکیورمنٹ کے نفاذ کے حوالے سے اسلام آباد میں اہم اجلاس
اشاعت کی تاریخ: 30th, October 2025 GMT
پیپرا کے ایم ڈی حسنات احمد قریشی نے اس موقع پر یقین دہائی کرائی کہ وفاقی پیپرا اس سلسلے میں ہر ممکن تعاون فراہم کرے گا۔ اسلام ٹائمز۔ گلگت بلتستان میں ای پروکیورمنٹ (E-procurement ) کے نفاذ کے حوالے سے سیکریٹری خزانہ گلگت بلتستان / منیجنگ ڈائریکٹر صوبائی پبلک پروکیورمنٹ ریگولرٹی اتھارٹی نجیب عالم کی وفاقی پیپرا کے مینجنگ ڈائریکٹر حسنات احمد قریشی اور پراجیکٹ ڈائیریکٹر EPADS شیخ افضال رضا سے اہم ملاقات ہوئی۔ ملاقات میں گلگت بلتستان میں ای پروکیورمنٹ کے جلد اور مؤثر نفاذ کے اقدامات پر تبادلہ خیال کیا گیا۔ پیپرا کے ایم ڈی حسنات احمد قریشی نے اس موقع پر یقین دہائی کرائی کہ وفاقی پیپرا اس سلسلے میں ہر ممکن تعاون فراہم کرے گا۔
.ذریعہ: Islam Times
کلیدی لفظ: گلگت بلتستان
پڑھیں:
گلگت بلتستان کے عوام ہمیشہ کشمیری عوام کے ساتھ کھڑے ہیں، مرکزی انجمن امامیہ
مرکزی انجمن امامیہ گلگت بلتستان کا ایک اہم اجلاس انجمن کے مرکزی آفس میں منعقد ہوا، جس میں یومِ استحصالِ کشمیر کے موقع پر کشمیر کے مظلوم عوام سے مکمل اظہارِ یکجہتی اور بھارتی جارحیت کی شدید مذمت کی گئی۔ اسلام ٹائمز۔ مرکزی انجمن امامیہ گلگت بلتستان کا ایک اہم اجلاس انجمن کے مرکزی آفس میں منعقد ہوا، جس میں یومِ استحصالِ کشمیر کے موقع پر کشمیر کے مظلوم عوام سے مکمل اظہارِ یکجہتی اور بھارتی جارحیت کی شدید مذمت کی گئی۔ اجلاس میں کہا گیا کہ 27 اکتوبر 1947ء وہ سیاہ دن ہے جب بھارتی افواج نے تمام بین الاقوامی اصولوں اور کشمیری عوام کی مرضی کے برخلاف ریاستِ جموں و کشمیر پر ناجائز قبضہ کیا، جو آج تک جاری ہے۔ یہ دن نہ صرف کشمیر کی آزادی کی جدوجہد کی یاد دلاتا ہے بلکہ عالمی ضمیر کو جھنجھوڑنے کا بھی دن ہے کہ وہ اقوامِ متحدہ کی قراردادوں پر عملدرآمد کو یقینی بنائے۔کشمیری عوام گزشتہ سات دہائیوں سے ظلم، جبر، محاصرے اور انسانی حقوق کی سنگین خلاف ورزیوں کا سامنا کر رہے ہیں۔ خاص طور پر 5 اگست 2019ء کے بعد بھارت نے یکطرفہ طور پر کشمیر کی خصوصی حیثیت ختم کر کے خطے میں استحصال، بربریت اور آبادیاتی تبدیلیوں کا خطرناک کھیل شروع کیا، جو ناقابلِ قبول اور بین الاقوامی قوانین کے صریح خلاف ہے۔
بیان کے مطابق مرکزی انجمن امامیہ گلگت بلتستان کشمیری بھائیوں اور بہنوں کی قربانیوں کو خراجِ عقیدت پیش کرتی ہے اور اس عزم کا اعادہ کرتی ہے کہ گلگت بلتستان کے عوام ہمیشہ کشمیری عوام کے ساتھ کھڑے ہیں۔ کشمیر کی آزادی، جنوبی ایشیا میں پائیدار امن کے قیام کی بنیاد ہے۔ مرکزی انجمن امامیہ نے اقوامِ متحدہ، او آئی سی، عالمی انسانی حقوق کے اداروں اور عالمی طاقتوں سے مطالبہ کیا کہ وہ بھارتی ریاستی دہشت گردی اور انسانی حقوق کی خلاف ورزیوں کا نوٹس لیں اور کشمیری عوام کو ان کا حقِ خود ارادیت دلوانے میں اپنا کردار ادا کریں۔ آخر میں انجمن امامیہ کے صدر سید شرف الدین کاظمی نے کہا کہ گلگت بلتستان کے عوام تاریخی، مذہبی اور اخلاقی بنیادوں پر کشمیری عوام کے ساتھ ہیں اور ہر سطح پر ان کی آزادی کی تحریک کی حمایت جاری رکھیں گے۔ یومِ استحصالِ کشمیر کے اس موقع پر انجمن کے تمام اراکین نے دعا کی کہ اللہ تعالیٰ کشمیری عوام کو آزادی، امن اور انصاف عطا فرمائے۔
ترکیہ کے مغربی ساحل کے قریب تارکینِ وطن کی کشتی ڈوبنے سے 17 افراد ہلاک