الیکشن کمیشن میں وزیراعلیٰ خیبر پختونخوا کیخلاف سماعت: سہیل آفریدی پیش نہ ہوئے
اشاعت کی تاریخ: 21st, November 2025 GMT
---فائل فوٹو
وزیرِ اعلیٰ خیبرپختونخوا سہیل آفریدی این اے 96 ہری پور میں ضمنی الیکشن میں ضابطۂ اخلاق کی خلاف ورزی پر الیکشن کمیشن کے سامنے پیش نہیں ہوئے۔
الیکشن کمیشن نے این اے 96 ہری پور میں ضمنی الیکشن میں ضابطۂ اخلاق کی خلاف ورزی پر وزیرِ اعلیٰ کے پی کو ذاتی حیثیت میں طلب کر رکھا تھا۔
چیف الیکشن کمشنر سکندر سلطان راجا کی سربراہی میں 4 رکنی بینچ نے وزیرِ اعلیٰ کےپی سہیل آفریدی کے خلاف کیس پر سماعت کی۔
پی ٹی آئی کے وکیل علی بخاری اور حلقے سے مسلم لیگ ن کے امیدوار بابر نواز کمیشن کے سامنے پیش ہوئے۔
علی بخاری نے الیکشن کمیشن کو بتایا کہ میں وزیرِ اعلیٰ خیبرپختونخوا کا وکیل ہوں۔
اسلام آبادالیکشن کمیشن نے دھمکی آمیز بیانات کا.
چیف الیکشن کمشنر نے کہا کہ ہم نے سہیل آفریدی کو ذاتی حیثیت میں بلایا تھا۔
وزیرِ اعلیٰ کےپی کے وکیل نے کمیشن کو بتایا کہ سہیل آفریدی جنوبی کےپی سے متعلق اجلاس کی صدارت کر رہے ہیں، وزیرِ اعلیٰ کو ڈی آر او نے بھی اسی کیس میں ہری پور طلب کیا ہے۔
ممبر الیکشن کمیشن نے کہا کہ وہ یہاں پیش نہیں ہوئے تو ڈی آر او کے پاس کیا پیش ہوں گے۔
ڈی جی لاء نے کہا کہ کمیشن ایک شخص کو ذاتی حیثیت میں بلا سکتا ہے، وزیرِ اعلیٰ نے الیکشن کمیشن کو نوٹس پر وضاحت دینی ہے۔
پی ٹی آئی کے وکیل علی بخاری نے کہا کہ کیا میں یہاں پیش نہیں ہوا ہوں، یا تو آپ کہہ دیں کہ وکیل پیش نہ ہوں، ممبر کا ایسا رویہ ہوگا تو کیس کیا چلے گا۔
چیف الیکشن کمشنر نے کہا کہ چیزیں تو ویسے بھی ٹھیک نہیں چل رہیں۔
الیکشن کمیشن کے سیکریٹری عمر حمید نے اپنے ریمارکس میں کہا کہ وزیرِ اعلیٰ نے بیان میں واضح اُکسایا ہے، ریلی اور جلسے اجازت کے بغیر ممنوع ہیں، وزیرِ اعلیٰ کے پی نے خلاف ورزی کرتے ہوئے ریلی میں شرکت کی، وزیرِ اعلیٰ کے پی نے الیکشن کمیشن، الیکشن عملے کے خلاف الفاظ استعمال کیے، وزیرِ اعلیٰ کے پی کی تقریر سے الیکشن حکام پر ہراسگی اور ذہنی دباؤ آیا، جلسہ ہری پور ایبٹ آباد کی سرحد پر ہوا، واضح ہے کہ امیدوار نے وزیرِ اعلیٰ کے پی کو جلسے میں مدعو کیا، امیدوار شہر ناز الیکشن قوانین کی خلاف ورزی میں برابری کی قصور وار ہیں، کمیشن نے وزیرِ اعلیٰ اور امیدوار کو نوٹس جاری کیا۔
پی ٹی آئی کے وکیل نے الیکشن کمیشن کے سامنے کہا کہ نوٹسز میں نے پڑھے، کیا یہ نوٹس سماعت برقرار رکھنےکے قابل ہیں؟ نوٹس میں تحصیل حویلیاں لکھا گیا ہے، الیکشن ہری پور میں ہے، حویلیاں میں نہیں۔
طلال چوہدری کو 11 نومبر اور 16نومبر کو دو بارانتخابی ضابطہ اخلاق کی خلاف ورزی پر نوٹس دیا گیا۔
چیف الیکشن کمشنر سکندر سلطان راجا نے کہا کہ وزیرِاعلیٰ کےپی اور امیدوار کا واضح ذکر ہوا ہے، ہم نے وزیرِ مملکت داخلہ طلال چوہدری کو بھی اس سے سخت نوٹس دیا ہے، ڈی جی خان میں بھی وزراء کو نوٹس دیا ہے۔
چیف الیکشن کمشنر نے حکم دیا کہ تمام دستاویزات وکیل علی بخاری کو فراہم کیے جائیں، وکیل پہلے ٹینس تھے اب ریلیکس ہو گئے ہیں۔
مسلم لیگ ن کے رہنما بابر نواز نے اپنے مؤقف میں کہا کہ ووٹرز کو بھی دھمکی دی گئی۔ اس پر چیف الیکشن کمشنر سکندر سلطان راجا کا کہنا تھا کہ یہ باتیں آپ دلائل میں کہہ دیجیے گا۔
پی ٹی آئی کے وکیل علی بخاری کا کہنا تھا کہ صوبے کے حالات اچھے ہوں تو آپ وزیرِ اعلیٰ کو بلا کر بٹھالیں، ہم کمیشن کے سامنے پیش ہوں گے۔
چیف الیکشن کمشنر نے کہا کہ کمیشن آج عبوری آرڈر جاری کرے گا، آپ وہ پڑھ لیجیےگا، ہری پور میں ڈی آر او میں شاید کیس ختم کر دیا جائے۔
چیف الیکشن کمشنر سکندر سلطان راجا نے کہا کہ کیس کی سماعت کی تاریخ دیتے ہیں۔ بعد ازاں کیس کی سماعت ملتوی کر دی گئی۔
ذریعہ: Jang News
کلیدی لفظ: چیف الیکشن کمشنر سکندر سلطان راجا چیف الیکشن کمشنر نے اخلاق کی خلاف ورزی نے الیکشن کمیشن الیکشن کمیشن نے کمیشن کے سامنے وکیل علی بخاری سہیل آفریدی ہری پور میں نے کہا کہ کے وکیل
پڑھیں:
ضابطہ اخلاق کی خلاف ورزی: الیکشن کمیشن نے وزیراعلیٰ سہیل آفریدی کو طلب کرلیا
وزیر اعلیٰ خیبر پختونخوا کے حویلیاں جلسے میں دیے گئے متنازع بیان کا نوٹس لیتے ہوئے الیکشن کمیشن نے انہیں اور شہرناز عمر ایوب کو طلب کرلیا ہے۔
اپنے خطاب کے دوران انہوں نے ضلعی انتظامیہ، پولیس اور الیکشن میں تعینات عملے کو دھمکیاں دیں اور جلسے میں موجود عوام کو اکسانے کی کوشش کی۔
الیکشن کمیشن کے مطابق اس موقع پر ان کے ساتھ ایک مفرور مجرم بھی موجود تھا جس کی اہلیہ ضمنی انتخاب میں حصہ لے رہی ہیں۔
الیکشن کمیشن کا کہنا ہے کہ صوبے کے چیف ایگزیکٹو کے اس غیر ذمہ دارانہ رویے سے این اے 18 ہری پور میں پُرامن ضمنی انتخاب کا انعقاد شدید متاثر ہوا ہے۔
الیکشن کمیشن نے سہیل آفریدی اور امیدوار شہرناز عمر ایوب کو الیکشنز ایکٹ 2017 اور ضابطۂ اخلاق کی خلاف ورزی پر ہفتے کو طلب کرتے ہوئے نوٹس جاری کر دیے ہیں۔
الیکشن کمیشن نے الیکشن کمشنر خیبر پختونخوا کو ہدایت کی ہے کہ وہ فوری طور پر چیف سیکریٹری اور آئی جی سے ملاقات کرکے ضروری سیکیورٹی اقدامات یقینی بنائیں اور اس بارے میں رپورٹ الیکشن کمیشن کو پیش کریں۔
الیکشن کمیشن نے یہ بھی فیصلہ کیا ہے کہ وزارتِ داخلہ کے سیکریٹری کو فوری طور پر خط ارسال کیا جائے، تاکہ حلقے میں وفاقی سیکیورٹی اداروں کی مدد سے فول پروف سیکیورٹی انتظامات کیے جائیں اور ڈسٹرکٹ ریٹرننگ آفیسر، ریٹرننگ افسران، انتخابی عملے، ووٹرز اور عام عوام کے تحفظ کو یقینی بنایا جا سکے۔
اس کے ساتھ ساتھ پریزائیڈنگ افسران کی پولنگ اسٹیشنز تک اور الیکشن کے بعد آر او دفتر تک محفوظ نقل و حرکت بھی یقینی بنانے کی ہدایات دی گئی ہیں۔
کمیشن نے واضح کیا کہ ضمنی انتخابات کے دوران کسی بھی فرد، شخصیت یا عوامی عہدے دار نے انتخابی عمل میں مداخلت یا خلل ڈالنے کی کوشش کی تو اس کے خلاف سخت قانونی کارروائی کی جائے گی۔
علاوہ ازیں، صوبائی الیکشن کمشنر پنجاب کو بھی ہدایت کی گئی ہے کہ اگر وفاقی یا صوبائی حکومت کا کوئی بھی عہدیدار ضابطۂ اخلاق کی خلاف ورزی کرے یا انتخابی عمل کو متاثر کرنے کی کوشش کرے تو آئین اور قانون کے مطابق سخت کارروائی کی جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
الیکشن کمیشن خیبرپختونخوا سہیل آفریدی شہرناز ضمنی انتخابات عمر ایوب وزیر اعلی
کراچی؛ لائٹ ہاؤس لُنڈا بازار میں آگ لگ گئی، کئی پتھارے جل کر خاک