وزیراعلیٰ کی غیرملکی سفراء سے ملاقات‘ مختلف منصوبوں پر گفتگو
اشاعت کی تاریخ: 15th, November 2025 GMT
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) وزیراعلیٰ ہاؤس میں جمعہ کے روز اعلیٰ سطح کی سفارتی ملاقاتوں کا سلسلہ جاری رہا جہاں وزیراعلیٰ سندھ سید مراد علی شاہ نے ہنگری، فرانس، ہالینڈ اور یورپی یونین کے سفراء سے ملاقاتیں کیں۔ ملاقاتوں میں باہمی تعاون، سرمایہ کاری کے مواقع، ورثے کے تحفظ اور صوبے میں سماجی ترقی کے مختلف منصوبوں پر گفتگو ہوئی۔ ملاقاتوں میں وزیراعلیٰ کے معاونِ خصوصی برائے سرمایہ کاری سید قاسم نوید، سیکرٹری وزیراعلیٰ عبدالرحیم شیخ، سینئر سفارت کار، قونصل جنرل اور متعلقہ محکموں کے افسران نے شرکت کی۔ وزیراعلیٰ سندھ سید مراد علی شاہ نے ہنگری کے سفیر ڈاکٹر زولتان ورگا سے پانی کی صفائی، ٹھوس فضلہ ٹھکانے لگانے، ماحولیات اور ٹیکنالوجی میں تعاون پر بات چیت کی۔ ڈپٹی ہیڈ آف مشن ڈورا گنزبرگر اور اعزازی قونصل جنرل مخدوم عمر شہریار بھی موجود تھے۔ دونوں جانب قدیم آثار اور ثقافتی ورثے کے فروغ پر تفصیلی گفتگو ہوئی جن میں موئن جو دڑو، مکلی، چوکنڈی کے قبرستان اور وادی سندھ کے دیگر قدیم تہذیبی مقامات شامل تھے۔ وزیراعلیٰ نے کہا کہ سندھ کے لوگ پانچ ہزار سالہ قدیم وادی سندھ کی تہذیب کے وارث ہیں۔ ہمارا ورثہ انسانی تاریخ کی جڑوں کی عکاسی کرتا ہے۔ انہوں نے سندھ کی شناخت کو امن کی سرزمین قرار دیا جو صوفی بزرگوں کی تعلیمات سے تشکیل پائی جنہوں نے محبت، ہم آہنگی اور بین المذاہب رواداری کا پیغام دیا۔ انہوں نے کہا کہ سندھ میں مختلف مذاہب کے لوگ صدیوں سے احترام اور بھائی چارے کے ساتھ رہتے آئے ہیں۔ دونوں جانب سے سرمایہ کاری کے مواقع بڑھانے پر بات چیت ہوئی اور تعلیم، ٹیکنالوجی اور ماحولیاتی تعاون میں مشترکہ ورکنگ گروپس بنانے پر غور کیا گیا۔ ہنگری کے سفیر نے باہمی تعلقات کو مزید مضبوط بنانے میں دلچسپی کا اظہار کیا۔
ذریعہ
ذریعہ: Jasarat News
پڑھیں:
’ابھی ہو گیا، بس‘، سونو نگم نے نیٹ احتجاج پر تبصرہ کرنے سے انکار کر دیا
معروف بھارتی گلوکار سونو نگم نے نیٹ احتجاج پر تبصرہ کرنے سے انکار کرتے ہوئے میڈیا نمائندوں سے کہا کہ اس معاملے پر ان سے مزید سوال نہ کیے جائیں۔
سونو نگم سے ایک حالیہ میڈیا گفتگو کے دوران مبینہ نیٹ پرچہ لیک اور تعلیمی اصلاحات کے مطالبے پر جاری احتجاج کے حوالے سے سوال کیا گیا، تاہم انہوں نے اس موضوع پر اپنی رائے دینے سے گریز کیا۔
رپورٹرز کی جانب سے مسلسل سوالات کیے جانے پر سونو نگم نے واضح کیا کہ وہ اس معاملے پر بات نہیں کرنا چاہتے۔ بار بار سوالات کیے جانے پر وہ کچھ برہم دکھائی دیے اور مختصراً کہا، ’’ابھی ہو گیا، بس۔‘‘ اس جملے کے ذریعے انہوں نے اشارہ دیا کہ وہ اس موضوع پر مزید گفتگو نہیں کرنا چاہتے۔
رپورٹس کے مطابق، یہ میڈیا گفتگو کہاں اور کس موقع پر ہوئی، اس حوالے سے کوئی تفصیلات سامنے نہیں آئیں۔
View this post on Instagram
نیٹ احتجاج پر متعدد شوبز شخصیات کا ردِعمل
سونو نگم کی خاموشی ایسے وقت میں سامنے آئی ہے جب بھارتی فلم انڈسٹری کی کئی معروف شخصیات نیٹ احتجاج پر اپنے خیالات کا اظہار کر رہی ہیں۔
اداکار سلمان خان، عالیہ بھٹ، دُلکر سلمان، وجے ورما، نصیرالدین شاہ، انوپم کھیر، ہیما مالنی، پریتی زنٹا اور عمران خان سمیت متعدد فنکار اس معاملے پر مختلف رائے کا اظہار کر چکے ہیں۔ بعض نے طلبہ کی حمایت کرتے ہوئے مذاکرات اور تعلیمی اصلاحات کا مطالبہ کیا جبکہ دیگر نے مختلف مؤقف اختیار کیا۔
واضح رہے کہ نیٹ امتحان میں مبینہ پرچہ لیک کے بعد ملک بھر میں طلبہ کی جانب سے احتجاج جاری ہے۔ مظاہرین امتحانی نظام میں شفافیت، ذمہ دار عناصر کے خلاف کارروائی اور احتساب کا مطالبہ کر رہے ہیں۔
بھارت سے جنگ اور افغانستان میں کارروائی خارج ازامکان نہیں، وزیردفاع