ہانگ کانگ میں رہائشی عمارت میں شدید آگ، ہلاکتیں 65 تک پہنچ گئیں
اشاعت کی تاریخ: 27th, November 2025 GMT
data-id="863a0a8" data-element_type="widget" data-widget_type="theme-post-content.default">
گزشتہ روز ہانگ کانگ میں کثیرالمنزلہ رہائشی کمپلیکس میں بھیانک آگ لگنے سے ہلاکتوں کی تعداد 65 تک پہنچ گئی ہے۔
غیر ملکی میڈیا رپورٹس کے مطابق واقعہ گزشتہ روز ہانگ کانگ کے شمالی علاقے میں پیش آیا، جہاں 31 منزلہ رہائشی عمارت سمیت متعدد بلند و بالا ٹاورز پر مشتمل ایک بڑے کمپلیکس میں بھڑکنے والی آگ نے کئی عمارتوں کے بلاکس کو لپیٹ میں لے کر شدید نقصان پہنچایا تھا۔
بین الاقوامی خبر رساں اداروں کے مطابق 51 افراد موقع پر ہی جاں بحق ہوگئے جبکہ دیگر 14 افراد نے اسپتال میں دوران علاج دم توڑ دیا۔
حکام کے مطابق متاثرہ افراد کی تعداد اور زخمیوں کا تعین جاری ہے اور امدادی کارروائیاں تیزی سے جاری ہیں۔
ہانگ کانگ فائرسروس کے حکام کا کہنا ہے کہ رہائشی کمپلیکس کے 8 میں سے 4 بلاکس میں آگ پر قابو پا لیا گیا ہے جبکہ دیگر بلاکس میں آگ بجھانے کی کوششیں جاری ہیں۔ ایک رہائشی بلاک اس تباہی سے محفوظ رہا اور وہاں کوئی نقصان نہیں ہوا۔
حکام نے شہریوں سے اپیل کی ہے کہ وہ متاثرہ علاقے سے دور رہیں تاکہ ریسکیو ٹیمیں بغیر رکاوٹ کے امدادی کارروائیاں مکمل کر سکیں۔ یہ واقعہ ہانگ کانگ میں رہائشی سیکیورٹی اور آگ سے بچاؤ کے نظام پر سوالات اٹھا رہا ہے اور تحقیقات میں یہ بھی شامل ہے کہ آگ کیسے لگی اور اس کے پھیلاؤ کو روکنے کے لیے کیا انتظامات کیے گئے تھے۔
ذریعہ: Jasarat News
کلیدی لفظ: ہانگ کانگ
پڑھیں:
ہانگ کانگ کے رہائشی کمپلیکس میں خوفناک آگ، 13 افراد جاں بحق
data-id="863a0a8" data-element_type="widget" data-widget_type="theme-post-content.default">
ہانگ کانگ کے شمالی علاقے میں واقع ایک کثیرالمنزلہ رہائشی کمپلیکس میں خوفناک آگ بھڑک اٹھنے سے کم از کم 13 افراد جان کی بازی ہار گئے، جن میں ایک فائر فائٹر بھی شامل ہے جبکہ متعدد افراد زخمی ہوئے ہیں۔
غیر ملکی میڈیا رپورٹس کے مطابق آتشزدگی ایک بڑے رہائشی کمپلیکس میں لگی، جسے فائر ڈیپارٹمنٹ نے چوتھے درجے کی آگ قرار دیا، یہ ہانگ کانگ میں شدید ترین سطح کی آگوں میں شمار ہوتی ہے، جنہیں بجھانے کے لیے وسیع وسائل اور طویل وقت درکار ہوتا ہے، آگ پر قابو پانے کی کوششیں کئی گھنٹوں سے جاری ہیں، جبکہ فائر بریگیڈ کے کچھ اہلکار بھی کارروائی کے دوران زخمی ہوئے۔
پولیس نے بتایا کہ متعدد افراد اب بھی عمارت کے اندر پھنسے ہوئے ہیں اور انہیں نکالنے کے لیے امدادی کارروائیاں جاری ہیں، تقریباً 700 سے زائد افراد کو قریبی عارضی پناہ گاہوں میں منتقل کر دیا گیا ہے تاکہ محفوظ رہائش فراہم کی جا سکے۔
رپورٹس کے مطابق متاثرہ کمپلیکس 8 بلاکس پر مشتمل ہے، ہر بلاک 31 منزلوں پر محیط ہے، اور یہاں مجموعی طور پر 2 ہزار سے زائد اپارٹمنٹس ہیں جہاں تقریباً 5 ہزار کے قریب افراد رہائش پذیر ہیں۔
آگ کے باعث بڑے پیمانے پر جانی نقصان اور بے گھر ہونے والے خاندانوں کی تعداد میں اضافے کا خدشہ ظاہر کیا جا رہا ہے جبکہ حکام نے واقعے کی مکمل تحقیقات شروع کر دی ہیں۔
خیبر پختونخوا میں فورسز کی کارروائیاں، فتنہ الخوارج کے 13دہشتگرد ہلاک