پنجاب حکومت نے بسنت منانے کی اجازت دے دی
اشاعت کی تاریخ: 10th, December 2025 GMT
پنجاب حکومت نے بسنت منانے کی اجازت دے دی، بسنت فروری کی 6، 7 اور 8 تاریخ کو منائی جائے گی۔
سینئر وزیر پنجاب مریم اورنگزیب نے سماجی رابطے کی ویب سائٹ ایکس پر جاری بیان میں کہا کہ وزیر اعلیٰ مریم نواز نے 25 سال بعد 6 فروری 7 اور 8 فروری کو لاہور بھر میں منائے جانے والے ہمارے پیارے ہیریٹیج بسنت فیسٹیول کی بحالی کی منظوری دے دی ہے، یہ فیسٹیول تاریخ جڑی روایت ہے اور دنیا بھر میں اس کو پسند کیا جاتا ہے۔
انہوں نے مزید کہا کہ ’بسنت آرڈیننس 2025 کو مکمل طور پر نافذ اور نافذ کیا جائے گا، ہر پتنگ کی تار اور فروخت کنندہ رجسٹرڈ، QR کوڈڈ اور مانیٹر کیا جائے گا، بسنت عوام کا فیسٹیول ہے، اس کی کامیابی ہماری اجتماعی ذمہ داری ہے۔
انہوں نے کہا کہ ’وزیراعلیٰ پنجاب کی ہدایت پر تمام موٹر سائیکلوں پر حفاظتی اینٹینا لگانے کی شہر بھر میں مہم کل سے شروع ہو رہی ہے، بسنت سے پہلے اور اس کے دوران لاہور میں ہر موٹر سائیکل پر انٹینا لگے گا۔
مریم اورنگزیب نے کہا کہ ’حفاظت وزیراعلیٰ پنجاب کی اولین ترجیح ہے۔ ہر پتنگ اور ہر سواری کو محفوظ رہنے دو مل کر ہم لاہور کو تاریخی اور محفوظ بنائیں گے!
سینئر صوبائی وزیر نے کہا کہ ’ورثے اور تہواروں کے شہر میں بہار لوٹ آئی۔ لاہور کا آسمان پھر سے دنیا کے لیے اپنی شان بیان کرے گا‘۔
یاد رہے کہ گزشتہ دنوں پنجاب حکومت نے 25 برس بعد پتنگ بازی کی اجازت دی تھی اور بسنت منانے کی مشروط اجازت کا آرڈیننس جاری کیا تھا۔
آرڈیننس کے مطابق خلاف ورزی پر قید اور جرمانے کی سزائیں مقرر کی گئی ہیں، 18 سال سے کم عمر بچے پتنگ بازی نہیں کرسکیں گے، خلاف ورزی پر والد یا سرپرست ذمہ دار ہوگا۔
CM Punjab @MaryamNSharif has approved the revival of our beloved Heritage Basant Festival on February 6th 7th and 8th February celebrated across Lahore after 25 years a tradition rooted in history and admired worldwide.
The Basant Ordinance 2025 will be fully enforced and… pic.twitter.com/31TBgjYSfl — Marriyum Aurangzeb (@Marriyum_A) December 10, 2025
ذریعہ: Express News
کلیدی لفظ: کہا کہ
پڑھیں:
وزیر اعلیٰ پنجاب کا لاہور میں موٹرسائیکلوں پر سیفٹی انٹینا لگانے کا حکم
سٹی 42: وزیر اعلیٰ پنجاب مریم نواز نےلاہور میں چلنے والی تمام موٹرسائیکلوں پر سیفٹی انٹینا لگانے کا حکم دے دیا۔
وزیر اعلیٰ پنجاب مریم نواز کی زیرصدارت اجلاس ہوا،اس موقع پر مریم نواز نے گفتگوکرتے ہوئے کہا کہ لاہور میں 6، 7 اور 8 فروری کو بسنت منائی جائے گی ۔
ملک میں 25 سال کے بعد بسنت کا تاریخی تہوار منایا جائے گا۔انہوں نے کہا کہ بسنت آرڈیننس کے مطابق قانون پر عملدرآمد کرائیں گے اور موٹرسائیکلوں پر کل سے سیفٹی انٹینا لگانے کی مہم کا آغاز کر رہے ہیں، لاہور کے ہر موٹرسائیکل پر سیفٹی انٹینا لگانا لازمی ہو گا، بہار ثقافتی شہر لاہور میں واپس لوٹ رہی ہے۔
پنجاب نے تمام صوبوں سے زیادہ 16.5 ملین ایکڑ گندم کی ریکارڈ بوائی کر لی
انہوں نے کہا کہ پوری دنیا سے جشن منانے لوگ لاہور کا رخ کریں گے
پشاور پولیس نے بدنام زمانہ دہشتگرد گروہ لعلے گروپ کو انجام تک پہنچا دیا