پاکستان ہر محاذ پر کشمیری عوام کی حمایت جاری رکھے گا،یوسف رضاگیلانی
اشاعت کی تاریخ: 5th, February 2025 GMT
اسلام آباد (نیوز ڈیسک) قائمقام صدر سید یوسف رضا گیلانی نے یومِ یکجہتی کشمیر کے موقع پر کشمیری عوام سے بھرپور یکجہتی کا اظہار کرتے ہوئے کہا کہ ان کی قربانیاں ہرگز رائیگاں نہیں جائیں گی۔ انہوں نے کہا کہ پاکستان ہر محاذ پر کشمیری عوام کی حمایت جاری رکھے گا اور عالمی برادری کو چاہیے کہ وہ کشمیریوں کو ان کا حقِ خودارادیت دلانے میں اپنا مؤثر کردار ادا کرے۔
انہوں نے مقبوضہ کشمیر میں جاری انسانی حقوق کی سنگین خلاف ورزیوں کی شدید مذمت کرتے ہوئے کہا کہ کشمیر پاکستان کی شہ رگ ہے اور کشمیری عوام کو کبھی تنہا نہیں چھوڑا جائے گا۔ قائمقام صدر نے مزید کہا کہ پوری پاکستانی قوم کشمیری بھائیوں کے ساتھ کھڑی ہے اور 5 فروری مظلوم کشمیری عوام سے عہدِ وفا کا دن ہے۔
سید یوسف رضا گیلانی نے کہا کہ کشمیری عوام کی جدوجہد آزادی دنیا کے ضمیر کا امتحان ہے جبکہ بھارت کی ریاستی دہشت گردی اور مظالم قابلِ مذمت ہیں۔ پاکستان سفارتی، اخلاقی اور سیاسی سطح پر کشمیری عوام کی حمایت جاری رکھے گا اور ہر فورم پر ان کی آواز بلند کرے گا۔
انہوں نے کہا کہ یومِ یکجہتی کشمیر قربانیوں، عزم اور حوصلے کی داستان ہے اور ظلم کی سیاہ رات ختم ہونے کو ہے۔ آزادی کشمیری عوام کا مقدر ہے اور ان کی قربانیوں کو سلام پیش کرتے ہیں۔ انہوں نے زور دیا کہ کشمیر کا مسئلہ اقوام متحدہ کی قراردادوں کے مطابق حل ہونا چاہیے۔
قائمقام صدر نے کہا کہ پاکستان اور کشمیر ایک روح کے دو جسم ہیں اور پوری پاکستانی قوم کا یک زبان پیغام ہے: “کشمیر بنے گا پاکستان!”
.ذریعہ: Daily Mumtaz
کلیدی لفظ: کشمیری عوام کی پر کشمیری عوام نے کہا کہ انہوں نے ہے اور
پڑھیں:
چینی صدر کا فوجی-سول اتحاد پر زور
چینی صدر کا فوجی-سول اتحاد پر زور WhatsAppFacebookTwitter 0 23 April, 2025 سب نیوز
بیجنگ :چین کے صدر شی جن پھنگ نے فوجی اور شہری شعبوں کی باہمی حمایت کےامور پر اہم ہدایات جاری کی ہیں اور کہا ہے کہ شہری شعبوں کی جانب سے فوج کی حمایت اور فوجیوں کے خاندانوں کی دیکھ بھال، فوج کی جانب سے علاقائی حکومت کی حمایت اور عوام سے محبت ہماری پارٹی، ہماری فوج اور ہمارے عوام کی عمدہ روایات اور ہماری منفرد سیاسی فوقیت ہیں ۔ نئے سفر پر، ہمیں اصلاحات اور اختراع کو گہرا کرنے، پالیسیوں اور طریقہ کار کو بہتر بنانے اور فوجی اور شہری شعبوں کی باہمی حمایت کے امور میں مسلسل پیش رفت کو فروغ دینا چاہیے۔
شی جن پھنگ نے مزید تاکید کی کہ تمام سطحوں کی پارٹی کمیٹیاں اور حکومتی ادارے فوج کی تعمیر اور اصلاحات کی حمایت کریں، دفاعی امور، فوج سے محبت، اور فوجیوں کے احترام کو فروغ دینے والے معاشرتی ماحول کو مزید بہتر بنائیں۔
انہوں نے کہا کہ فوج کو چاہیے کہ وہ مقامی ترقی میں فعال کردار ادا کرے، عوام کی فلاح و بہبود کے لیے عملی اقدامات کرے، فوجی اور مقامی حکومتیں گہرے تعاون کے ساتھ ایک مضبوط فوجی-سول اتحاد کو مستحکم کریں، اور “عوام سے محبت، اور فوج سے محبت” کے نئے دور کو آگے بڑھائیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرپاکستانی خلابازوں کے انتخاب کا عمل جاری ہے، چائنہ انسان بردار خلائی ادارہ بیجنگ میں خصوصی پروگرام “شی جن پھنگ کی اقتصادی سوچ کا مطالعہ ” کے موضوع پر سیمینار کا انعقاد ایف بی آر کا پاکستان کسٹمز کے گریڈ سولہ سے اوپر کے افسران کو مالی انعامات دینے کا فیصلہ آئی ایم ایف کا دباو، وفاق سے صوبائی نوعیت کے ترقیاتی منصوبے ختم کرنے کا مطالبہ سونے کی فی تولہ قیمت میں آج بھی ہوشرُبا اضافہ چائنا میڈیا گروپ کی جانب سے “گلوبل چائنیز کمیونیکیشن پارٹنرشپ”میکانزم کا قیام امریکہ کی جانب سے یکطرفہ غنڈہ گردی کی عالمی قیمتCopyright © 2025, All Rights Reserved
رابطہ کریں ہمارے بارے ہماری ٹیم
متحدہ عرب امارات کے وزیر خارجہ کا دورہ پاکستان