مسٹر پرفیکشنسٹ عامر خان فلمی سین کو پرفیکٹ بنانے کےلیے زندگی داؤ پر لگا بیٹھے
اشاعت کی تاریخ: 20th, March 2025 GMT
بالی ووڈ میں مسٹر پرفیکشنسٹ کے نام سے مشہور عامر خان نے اپنی ایک فلم میں فلمی سین کو پرفیکٹ بنانے کے لیے اپنی جان پر کھیلنے سے بھی دریغ نہیں کیا تھا۔
بھارت کے مشہور ہدایت کار وکرم بھٹ نے اپنے ایک حالیہ انٹرویو میں اس بات کا انکشاف کیا ہے کہ عامر خان نے ان کی فلم ’’غلام‘‘ کے ایک سنسنی خیز منظر کی شوٹنگ کے دوران اپنی جان ہتھیلی پر رکھ دی تھی۔
1998 میں ریلیز ہونے والی اس فلم میں رانی مکھرجی کے ساتھ مرکزی کردار ادا کرنے والے عامر خان نے ٹرین کے ایک خطرناک ایکشن سین کی شوٹنگ کے دوران موت کو بہت قریب سے دیکھا۔
وکرم بھٹ نے انکشاف کیا کہ یہ منظر اتنا خطرناک تھا کہ انہوں نے اسے وی ایف ایکس کے ذریعے بنانے کا مشورہ دیا تھا، لیکن عامر خان نے خود ہی اس خطرناک اسٹنٹ کو کرنے کا فیصلہ کیا۔
ہدایت کار نے بتایا کہ عامر خان نے ٹرین کے ڈرائیور سے بات کی اور اسے پہلے 20 کلومیٹر فی گھنٹہ کی رفتار سے آنے کو کہا، لیکن پھر رفتار بڑھا کر 40 کلومیٹر فی گھنٹہ تک کرنے کی فرمائش کی۔ ہدایت کار نے اس پر تشویش کا اظہار کیا لیکن عامر خان کے پرجوش جذبے کے سامنے ہار مان لی۔
انہوں نے مزید بتایا کہ شوٹنگ کے دوران ایک ایسا لمحہ آیا جب ٹرین 40-45 کلومیٹر فی گھنٹہ کی رفتار سے عامر خان کی طرف بڑھ رہی تھی اور اسے روکنے کا کوئی امکان نہیں تھا۔ وکرم بھٹ نے انکشاف کیا کہ عامر خان محض ایک سیکنڈ کے فرق سے ایک بڑے ٹرین حادثے سے بال بال بچے تھے۔ انہوں نے فوٹیج کا تجزیہ کرکے اس بات کی تصدیق کی کہ عامر خان کا سایہ جب ایک کھمبے پر پڑا تو ٹرین کا سایہ ٹھیک 24 فریم بعد نظر آیا۔
وکرم بھٹ نے اس واقعے کو یاد کرتے ہوئے کہا کہ وہ اس وقت بہت پریشان ہوگئے تھے۔ انہوں نے بتایا کہ شوٹنگ ختم ہونے کے بعد جب وہ گھر جا رہے تھے تو عامر خان نے ان سے مذاق میں کہا کہ ’’وکی، اگر میں ہدایت کار ہوتا تو میں کسی اداکار کو یہ اسٹنٹ کرنے نہیں دیتا!‘‘ اس بات پر وکرم بھٹ حیران رہ گئے اور انہوں نے سوچا کہ عامر خان کس قسم کے انسان ہیں۔
وکرم بھٹ کی آنے والی فلم ’’تم کو میری قسم‘‘ 21 مارچ 2025 کو سنیما گھروں میں ریلیز ہونے والی ہے۔ اس فلم میں ایشا دیول، ادا شرما، انوپم کھیر اور اشوک سنگھ اہم کرداروں میں نظر آئیں گے۔
.ذریعہ: Express News
کلیدی لفظ: کہ عامر خان ہدایت کار انہوں نے
پڑھیں:
راولپنڈی پولیس کا عامر ڈوگر پر مبینہ تشدد
اڈیالہ جیل راولپنڈی کے قریب پولیس نے تحریک انصاف کے رکن قومی اسمبلی عامر ڈوگر پر مبینہ تشدد کیا ہے۔
میڈیا سے گفتگو میں عامر ڈوگر نے الزام لگایا کہ پولیس نے ان کے کپڑے پھاڑے اور ڈنڈے مارے۔
اپوزیشن لیڈر قومی اسمبلی عمر ایوب اور ایس پی نبیل کھوکھر کے درمیان تلخ جملوں کا تبادلہ ہوگیا۔
انہوں نے کہا کہ بتایا جائے اڈیالہ جیل کے قریب بیٹھنا جرم ہے کیا؟ یہ پولیس گردی اور غنڈا گردی کی انتہا ہے۔
پی ٹی آئی ایم این اے نے مزید کہا کہ صبح سے ہی ہمیں ہراساں کیا جا رہا تھا، آج اڈیالہ کے باہر پہنچے تو پولیس نے جگہ جگہ ناکے لگا رکھے تھے۔
اُن کا یہ بھی کہنا تھا کہ ہم وہاں بانی پی ٹی آئی کی بہنوں سے اظہار یکجہتی کےلیے موجود تھے، ایک پولیس والے نے میرا گریبان پکڑ کر گھسیٹا اور لاٹھیاں برسانی شروع کردیں۔
عامر ڈوگر نے یہ بھی کہا کہ باقی ایم این ایز بیچ بچاؤ کروانے لگے تو ان پر بھی لاٹھیاں برسائی گئیں، آج قومی اسمبلی کے باہر زمین پر بیٹھے ہیں۔
بھارت کا پاکستانی پروازوں کے لیے فضائی حدود بند کرنے کا فیصلہ