نجی نوعیت کے سوال پر مریم نفیس مداح پر غصہ
اشاعت کی تاریخ: 6th, May 2025 GMT
پاکستانی اداکارہ اور معروف ٹیلی ویژن میزبان مریم نفیس اپنی بے باک شخصیت اور حاضر جوابی کے لیے جانی جاتی ہیں۔ حالیہ دنوں میں انہوں نے ایک سوشل میڈیا صارف کو نجی نوعیت کا سوال پوچھنے پر بھرپور جواب دیا۔
مریم نفیس نے حالیہ برسوں میں کئی مشہور ڈراموں میں اپنی فنی صلاحیتوں کا مظاہرہ کیا ہے۔ وہ ڈرامہ سیریل ’دیارِ دل‘ اور ’کچھ نہ کہو‘ میں اپنی عمدہ اداکاری کے لیے معروف ہیں۔
ان کے مداحوں کی بڑی تعداد ان کی کھری باتوں اور بہادری کو پسند کرتی ہے۔ ان کی سوشل میڈیا پر موجودگی بھی اتنی ہی متحرک اور متاثر کن ہے جتنی کہ ان کی اسکرین پر۔
مریم نفیس، نے اپنے انسٹاگرام اکاؤنٹ پر سوال و جواب کے سیشن کا انعقاد کیا۔ اس دوران ایک صارف نے ان سے پوچھا، ”دوسرا بچہ کب؟“ جس پر مریم نفیس آگ بگولہ ہوگئیں اور غصے سے فوراجواب دیا ، ”کیوں، کیا آپ دائی ہیں؟“
اداکارہ نے مزید اپنی برہمی کا اظہار کرتے ہوئے لکھا، ”یہ سوال اتنی بڑی تعداد میں پوچھا جا رہا ہے کہ یہ ناقابل یقین ہے۔ آخر کب لوگ سیکھیں گے کہ کسی سے اس طرح کے نجی سوالات کرنا انتہائی غیر مناسب ہے؟“
مریم نفیس نے اس موقع پر ایک نیا پیغام دیا کہ خواتین کی ذاتی زندگی اور فیصلوں کا احترام کرنا چاہیے اور ان سے اس طرح کے سوالات کرنے کی بجائے معاشرتی حدود کا خیال رکھا جائے۔
یار دہے کہ مریم نفیس نے 2022 میں امان احمد کے ساتھ شادی کے بندھن میں بندھ کر نئی زندگی کا آغاز کیا۔ یہ جوڑا خوشحال ازدواجی زندگی گزار رہا ہے اور مارچ میں ان کے گھر پہلے بیٹے، عیسیٰ کی ولادت ہوئی۔
Post Views: 1.ذریعہ: Daily Mumtaz
کلیدی لفظ: مریم نفیس
پڑھیں:
برطانیہ طوفان فلورِس کی لپیٹ میں، انسانی زندگی کے لیے خطرے کی وارننگ جاری
برطانیہ طوفان فلورِس کی لپیٹ میں، انسانی زندگی کے لیے خطرے کی وارننگ جاری
برطانیہ میں طوفان فلورِس کے باعث محکمہ موسمیات نے 90 میل فی گھنٹہ کی تیز ہواؤں اورعوام کے لیے ’زندگی کو خطرہ‘ لاحق ہونے کی وارننگ جاری کردی ہے۔
یہ بھی پڑھیں: ڈیلٹا ایئر لائنز کے طیارے کو شدید طوفانی جھکڑ کا سامنا، 25 مسافر زخمی، ہنگامی لینڈنگ
برطانوی محکمہ موسمیات کے مطابق، غیرموسمی طور پر شدید ہوائیں سفری نظام کو سخت متاثر کریں گی، کئی ٹرینیں پہلے ہی منسوخ کی جا چکی ہیں جبکہ بعض علاقوں میں ڈرائیورز کو خبردار کیا گیا ہے کہ وہ سفر کرنے سے قبل اچھی طرح سوچ لیں۔
ساحلی علاقوں میں رہنے والے افراد کو تنبیہ کی گئی ہے کہ وہ تیز لہروں سے ہوشیار رہیں، جو انہیں اپنے پیروں سے اٹھا کر سمندر میں لے جا سکتی ہیں۔ مغربی ساحلی پٹی پر طوفان کی شدت زیادہ محسوس کی جائے گی۔
ہواؤں کے ضمن میں یہ وارننگ شمالی برطانیہ میں آج صبح 6 بجے سے فعال ہو چکی ہے جو منگل کی صبح 6 بجے تک برقرار رہے گی، اس وارننگ کا مطلب ہے کہ کچھ عمارتوں کو نقصان پہنچ سکتا ہے، چھتوں کی ٹائلز اڑ سکتی ہیں، اور لوگ ہوا میں اڑنے والے ملبے سے زخمی ہو سکتے ہیں۔
اسکاٹ لینڈ کے لیے نارنجی وارننگ جاریاسکاٹ لینڈ کے بیشتر علاقوں کے لیے ہواؤں کی ایمبریعنی نارنجی وارننگ آج صبح 10 بجے سے رات 10 بجے تک نافذ ہے۔ وارننگ میں کہا گیا ہے کہ تیز لہروں اور ساحلی علاقوں سے اڑنے والے مواد کے باعث چوٹ لگنے اور جان کو خطرہ لاحق ہو سکتا ہے۔ یہ چیزیں سمندر کے کناروں، ساحلی سڑکوں اور گھروں تک پہنچ سکتی ہیں۔
اسکاٹ لینڈ کے بیشتر حصوں میں 50 سے 70 میل فی گھنٹہ کی رفتار سے جھکڑ چلنے کی توقع ہے، جبکہ کچھ کھلے ساحلی علاقوں، پہاڑیوں اور پلوں پر یہ رفتار 80 سے 90 میل فی گھنٹہ تک جا سکتی ہے۔
مزید پڑھیں:سکھ مظاہرین نے بھارتی ہائی کمشنر کو گلاسگو کے گردوارے میں کیوں داخل نہیں ہونے دیا؟
ملک بھر کے عوام کو خبردار کیا گیا ہے کہ وہ گاڑی چلانے سے پہلے موسم کی صورتحال ضرور دیکھ لیں، پیلی وارننگ میں مزید کہا گیا ہے کہ اگر آپ ساحل پر ہیں تو طوفانی موسم میں محفوظ رہنے کے لیے بڑی لہروں سے باخبر رہیں۔ یہاں تک کہ ساحل سے بھی ٹکرانے والی بڑی لہریں آپ کو بہا کر سمندر میں لے جا سکتی ہیں۔
’اگر آپ چٹانوں کے قریب پیدل چل رہے ہیں تو احتیاط کریں، راستے سے باخبر رہیں اور کتوں کو پٹے میں رکھیں، ہنگامی صورتحال میں 999 پر کال کریں اور کوسٹ گارڈ کو طلب کریں۔‘
طوفانی انتشارمحکمہ موسمیات نے خبردار کیا ہے کہ طوفان فلورِس تیزی سے شدت اختیار کر رہا ہے اور برطانیہ کی طرف بڑھ رہا ہے۔ فیری سروس فراہم کرنے والی کمپنی کال میک نے طوفان کے پیشِ نظر کئی سروسز منسوخ کر دی ہیں۔
میڈیا محکمہ موسمیات کے چیف ماہرِ موسمیات میتھیو لینرٹ کا کہنا تھا کہ متاثرہ علاقوں میں اندرونی حصوں میں بھی 40 سے 50 میل فی گھنٹہ کی ہوائیں چلنے کی توقع ہے، جبکہ بلند علاقوں اور اسکاٹ لینڈ کے ساحلی مقامات پر یہ رفتار 60 سے 70 میل فی گھنٹہ ہو سکتی ہے۔
مزید پڑھیں:برطانوی کرکٹر ابتہیٰ مقصود کو حجاب پہن کر کھیلنا کیسا لگتا ہے؟
انہوں نے مزید بتایا کہ کچھ مقامات پر ہواؤں کی شدت 85 میل فی گھنٹہ تک بھی جا سکتی ہے، سب سے زیادہ شدید ہوائیں پیر کی دوپہراوررات کو اسکاٹ لینڈ میں محسوس کی جائیں گی، تاہم طوفان فلورِس کی شدت اور سمت کے بارے میں ابھی کچھ غیر یقینی صورتحال باقی ہے۔
برطانوی محکمہ موسمیات کے مطابق پیر کی شام کو مغربی علاقوں میں ہوائیں کچھ کم ہوں گی لیکن مشرقی علاقوں میں منگل کی صبح تک یہ بہت زیادہ شدید رہیں گی۔ ’طوفان کے ساتھ ساتھ کہیں کہیں شدید بارش بھی ممکنہ طور پر خلل کا باعث بنے گی۔‘
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسکاٹ لینڈ برطانیہ پیلی وارننگ فیری سروس کوسٹ گارڈ ماہر موسمیات محکمہ موسمیات میل فی گھنٹہ نارنجی جھینگا
این ڈی ایم اے کا ممکنہ موسمی صورتحال پر الرٹ جاری