یہ سیز فائر ہماری کمزوری نہیں بلکہ کامیاب حکمت عملی کا ثبوت ہے : وزیر اطلاعات
اشاعت کی تاریخ: 13th, May 2025 GMT
وفاقی وزیر اطلاعات عطاء اللہ تارڑ نے اسکائی نیوز کو دیے گئے ایک اہم انٹرویو میں پاکستان اور بھارت کے درمیان حالیہ سیز فائر سے متعلق اہم حقائق بیان کیے عطاء تارڑ نے بتایا کہ یہ جنگ بندی مختلف ممالک کی سفارتی کوششوں کا نتیجہ ہے جس میں امریکا، چین، سعودی عرب، متحدہ عرب امارات، ترکیہ اور قطر نے اہم کردار ادا کیا انہوں نے خاص طور پر وزیر اعظم کی جانب سے امریکی صدر ڈونلڈ ٹرمپ کا شکریہ ادا کیے جانے کا بھی ذکر کیا انہوں نے کہا پاکستان نے بھارتی فوجی تنصیبات اور اسلحہ ڈپوؤں کو مؤثر انداز میں نشانہ بنایا جس کے بعد بھارت مزید کشیدگی جھیلنے کی پوزیشن میں نہیں رہا۔ یہ سیز فائر ہماری کمزوری نہیں بلکہ کامیاب حکمت عملی کا ثبوت ہے وزیر اطلاعات نے انکشاف کیا کہ سیز فائر کے بعد دونوں ممالک کے ڈی جی ایم اوز کے درمیان پہلا رابطہ ہو چکا ہے، جبکہ امریکی صدر کی دوسری ٹویٹ میں مسئلہ کشمیر کے حل کی خواہش کا اظہار بھی شامل تھا پانی کے مسئلے پر گفتگو کرتے ہوئے انہوں نے کہا بھارت نے تاحال پاکستان کو پانی کی فراہمی بند نہیں کی اور حقیقت یہ ہے کہ بھارت کے پاس پانی روکنے کی صلاحیت موجود بھی نہیں اس وقت پانی کی فراہمی معمول کے مطابق جاری ہے پہلگام واقعے پر بات کرتے ہوئے عطاء تارڑ نے کہا کہ پاکستان نے نہ صرف افسوس اور ہمدردی کا اظہار کیا بلکہ شفاف تحقیقات میں تعاون کی پیشکش بھی کی تاہم بھارت نے بغیر ثبوت الزامات عائد کیے اور تاحال ایک بھی ثبوت پیش نہیں کیا ان کا کہنا تھا 7 لاکھ بھارتی فوج کی موجودگی میں پہلگام واقعہ رونما ہونا بھارت کی سیکیورٹی اور انٹیلی جنس کی ناکامی ہے۔ بھارت اس واقعے کو پاکستان سے جوڑنے میں بری طرح ناکام ہوا ہے وزیر اطلاعات نے زور دیا کہ پاکستان دہشت گردی کے خلاف جنگ میں سب سے آگے ہے اور مغربی سرحدوں پر دہشت گردوں کے خلاف کارروائیاں جاری ہیں۔ انہوں نے کہا کہ قوم، افواج پاکستان کے ساتھ کھڑی ہے اور پاکستان کی فتح روزِ روشن کی طرح عیاں ہے
.ذریعہ: Nawaiwaqt
کلیدی لفظ: وزیر اطلاعات سیز فائر انہوں نے نے کہا
پڑھیں:
آئینی ترامیم مثبت اور وقت کی ضرورت کے پیشِ نظر کی جا رہی ہیں، وفاقی وزیر اطلاعات عطا تارڑ
وفاقی وزیر اطلاعات و نشریات عطا تارڑ نے کہا ہے کہ آئینی ترامیم پر کسی قسم کا ڈیڈلاک نہیں ہے اور وزیراعظم کا استثنیٰ نہ لینے کا فیصلہ ایک احسن قدم تھا۔ انہوں نے واضح کیا کہ وزیراعظم کی ہدایت پر متعلقہ شق کمیٹی سے واپس کر دی گئی، کیونکہ وزیراعظم عوام کے سامنے جواب دہ ہیں۔
پارلیمنٹ آمد پر گفتگو کرتے ہوئے عطا تارڑ نے کہا کہ تمام ترامیم گڈ گورننس، وفاق اور صوبوں کے تعلقات کی مضبوطی اور دفاعی امور کو مدنظر رکھتے ہوئے کی جا رہی ہیں۔
مزید پڑھیں: بلاول بھٹو کا آئینی ترامیم کے لیے کردار، پاکستان کی روایتی سیاست یا سیاسی چال؟
انہوں نے مزید کہا کہ پوری دنیا میں سربراہان ریاست کو استثنیٰ حاصل ہوتا ہے اور آئینی عدالتیں بھی عالمی سطح پر موجود ہیں۔
وفاقی وزیر نے بتایا کہ پی پی پی، مسلم لیگ (ن) اور اے این پی نے مشترکہ طور پر آئینی عدالتوں کے قیام کا مطالبہ کیا تھا اور یہ بحث دہائیوں کے بعد منطقی انجام تک پہنچی ہے۔
مزید پڑھیں: پی ٹی آئی اقتدار میں آکر متنازعہ غیرآئینی ترامیم کا خاتمہ کریگی، بیرسٹر سیف
انہوں نے کہا کہ 26ویں ترمیم کے بعد کیسز کا بوجھ کم ہوا اور انصاف کی فراہمی میں وقت کی بچت ہوئی۔
عطا تارڑ نے زور دیا کہ موجودہ ترامیم موجودہ حالات کے پیشِ نظر مثبت اور آئین کی ارتقاء پذیر فطرت کے مطابق کی جا رہی ہیں، اور اس میں کسی قسم کا ابہام یا اختلاف نہیں ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
27ویں آئینی ترمیم آئینی ترامیم وفاقی وزیر اطلاعات و نشریات عطا تارڑ
عورتوں کو بس بچے پیدا کرنے والی شے سمجھا جاتا ہے؛ ثانیہ سعید