آئی ایم ایف اور حکومت میں اہداف پر اتفاق نہ ہوسکا، بجٹ دس جون کو پیش کیا جائےگا
اشاعت کی تاریخ: 23rd, May 2025 GMT
اسلام آباد:
پاکستان اور عالمی مالیاتی ادارہ (آئی ایم ایف) کے درمیان اگلے مالی سال 26-2025 کے بجٹ تخمینی جات اور اہداف پر مذاکرات مکمل ہوگئے ہیں تاہم بجٹ اہداف پر اتفاق نہیں ہوسکا، جس کے نتیجے میں وفاقی حکومت کی جانب سے بجٹ پیش کرنے کی تاریخ تبدیل کردی گئی ہے اور اب وفاقی بجٹ دو جون کی بجائے 10 جون کو پیش کیا جائے گا۔
ترجمان وزارت خزانہ نے تصدیق کی ہے کہ وفاقی بجٹ 10 جون کو قومی اسمبلی میں پیش کیا جائے گا جبکہ ذرائع نے بتایا کہ بجٹ 10 جون کو پیش کرنے کی بنیادی بجٹ سازی کی تکمیل میں تاخیر ہے کیونکہ ابھی تک آئی ایم ایف کے ساتھ بھی مشاورت مکمل نہیں ہوسکی ہے۔
آئی ایم ایف کے ساتھ 22 مئی کو مذاکرات کا آخری روز تھا تاہم پاکستان کے دورے پر آئے ہوئے آئی ایم ایف کے ڈائریکٹر مشرق وسطیٰ و وسطی ایشیا جہاد اظہور نے وفد کے ہمراہ وزیرخزانہ محمد اورنگزیب، وزیراعظم شہباز شریف اور صدر مملکت آصف علی زرداری سے اہم ملاقاتیں کیں اور پاکستان کی اقتصادی کارکردگی پر اطمینان کا بھی اظہار کیا۔
ذرائع کا کہنا تھا کہ وفد نے جمعے کو بھی وزیر خزانہ محمد اورنگزیب سے ملاقات کی اور توقع ہے کہ آئی ایم ایف کی جانب سے مذاکرات کے بارے میں باضابطہ طور پر اعلامیہ بھی جلد جاری ہوگا۔
ذرائع نے بتایا کہ اعلامیے میں واضح کیا جائے گا کہ مذاکرات میں کہاں تک پیش رفت ہوئی ہے اور کیا ورچوئیلی مذاکرات میں اہداف طے کیے جائیں گے۔
ذرائع نے کہا کہ آئی ایم ایف کے ساتھ بجٹ تخمینہ جات پر ابھی تک اتفاق نہیں ہوسکا ہے اسی وجہ سے اب بجٹ 10 جون کو پیش کیا جائے گا جبکہ اقتصادی سروے 9 جون کو پیش کیا جائے گا۔
ذرائع کا کہنا تھا کہ آئی ایم ایف سے بجٹ مذاکرات فائنل نہیں ہو سکے ہیں، وزیراعظم نے معاشی ٹیم کو فوری طور پر طلب کرکے اس بارے میں ہدایات بھی جاری کی ہیں۔
وزارت خزانہ کے ذرائع کا کہنا ہے کہ آئی ایم ایف کے ساتھ بجٹ اہداف طے کرنے کے لیے مزید وقت درکار ہے جبکہ آئی ایم ایف مشن کے دورہ پاکستان میں مذاکرات مکمل ہو گئے ہیں، آئندہ مالی سال کے اہداف ورچوئل مذاکرات میں طے کیے جاسکتے ہیں اور آئی ایم ایف کے ساتھ مشاورت کی تکمیل کے بعد بجٹ مسودے کو حتمی شکل دی جائے گی، ابھی پی ایس ڈی پی اور سالانہ ترقیاتی منصوبے کی منظوری ہونا بھی باقی ہے۔
واضح رہے کہ اس سے قبل وفاقی بجٹ پیش کرنے کی تاریخ 2 جون دی گئی تھی، ذرائع کے مطابق آئی ایم ایف کے ساتھ بجٹ کے اہداف پر اتفاق رائے نہیں ہوسکا اور اب آئی ایم ایف کے ساتھ بجٹ پر مذاکرات آئندہ ہفتے بھی جاری رہیں گے۔
ذرائع وزارت خزانہ کے مطابق حکومت نے تنخواہ دار طبقے اور صنعتوں پر ٹیکسوں کی شرح کم کرنے اور دفاعی بجٹ میں زیادہ اضافہ کرنے، ترقیاتی اور غیر ترقیاتی اخراجات کم کرنے سے متعلق تجاویز بھی شیئر کر دی ہیں۔
ذرائع نے بتایا کہ حکومت نے تنخواہ دار طبقے پر ٹیکس بوجھ کم کرنے کے لیےتجاویز دے دیں، صنعتی شعبے پر ٹیکسوں کی شرح کم کرکے کاروبای لاگت میں کمی کی تجویز بھی دی ہے، ٹیکس اور نان ٹیکس آمدن بڑھانے کی تفصیلات سے بھی آئی ایم ایف کو آگاہ کر دیا گیا ہے۔
پاکستان اور آئی ایم ایف کے درمیان مذاکرات میں اگلے مالی سال کے لیے زرعی انکم ٹیکس کی وصولی کا فریم ورک پر بھی غور کیا گیا، پاکستان نے صوبوں کی آمدن بڑھانے کا منصوبہ بھی آئی ایم ایف کے سامنے رکھ دیا ہے۔
ذرائع کا کہنا تھا کہ آئی ایم ایف کی طرف سے زور دیا جا رہا ہے کہ اگر تنخواہ دار طبقے کو ٹیکس میں ریلیف دینا ہے یا صنعتی خام مال پر ٹیکس کم کرنا ہے تو اس کے لیے متبادل پلان بھی دینا ہوگا اور حکومتی اخراجات کم کرنا ہوں گے۔
.ذریعہ: Express News
کلیدی لفظ: آئی ایم ایف کے ساتھ بجٹ کہ آئی ایم ایف جون کو پیش کیا ذرائع کا کہنا پیش کیا جائے مذاکرات میں کیا جائے گا اہداف پر پر ٹیکس
پڑھیں:
بھارت آپریشن سندور کے دوران اپنے مقرر کردہ فوجی اہداف حاصل کرنے میں ناکام رہا، فیلڈ مارشل عاصم منیر
راولپنڈی(ڈیلی پاکستان آن لائن)فیلڈ مارشل سید عاصم منیر نے کہاکہ بھارت آپریشن سندور کے دوران اپنے مقرر کردہ فوجی اہداف حاصل کرنے میں ناکام رہا، آپریشن سندور میں ناکامی کی غیرمنطقی توجیہات پیش کرنا بھارت کی سٹریٹیجک دور اندیشی میں کمی کااظہار ہے۔
پاک فوج کے شعبہ تعلقات عامہ آئی ایس پی آر کے مطابق فیلڈ مارشل سید عاصم منیر ، نشان امتیاز (ملٹری)نے نیشنل ڈیفنس یونیورسٹی اسلام آباد کا دورہ کیا،فیلڈ مارشل نے ’’نیشنل سکیورٹی اینڈ ورا کورس‘‘کرنے والے فارغ التحصیل فوجی افسران سے خطاب کیا۔
اسرائیل بے لگام، لبنان کے شمالی، مشرقی اور جنوبی علاقوں پر فضائی حملے
آئی ایس پی آر کے مطابق فیلڈ مارشل نے شرکا سے خطاب کے دوران جنگ کے بدلتے ہوئے کردار پر روشنی ڈالی،فیلڈ مارشل نے چیلنجز سے نمٹنے کیلئے ذہنی تیاری، عملی فہم،ادارہ جاتی پیشہ ورانہ مہارت کی اہمیت پر زور دیا، فیلڈمارشل نے سول اورملٹری اداروں کے مابین ہم آہنگی کو فروغ دینے کی ضرورت پر بھی زور دیا۔
فیلڈمارشل عاصم منیر نے افسران سے خطاب کرتے ہوئے کہاکہ بھارت آپریشن سندور کے دوران اپنے مقرر کردہ فوجی اہداف حاصل کرنے میں ناکام رہا، آپریشن سندور میں ناکامی کی غیرمنطقی توجیہات پیش کرنا بھارت کی سٹریٹیجک دور اندیشی میں کمی کااظہار ہے،فیلڈ مارشل نے کہاکہ بھارت پاکستان کی دہائیوں پر مبنی حکمت عملی، مقامی صلاحیت، مضبوط اداروں کی بنیاد پر کامیابی کو تسلیم کرنے سے گریزاں ہے۔
کبیروالا میں قاری کی مسجد سے ملحقہ حجرے میں مبینہ زیادتی، مقدمہ درج
مزید :
پاکستان ائیرپورٹ اتھارٹی کا کارگو چارجز میں 100 گنا اضافہ