یوکرین: تازہ حملوں میں روس نے کییف اور اوڈیسا کو نشانہ بنایا
اشاعت کی تاریخ: 10th, June 2025 GMT
اسلام آباد (اُردو پوائنٹ ۔ DW اردو۔ 10 جون 2025ء) یوکرین میں حکام کا کہنا ہے کہ منگل کی صبح دارالحکومت، کییف اور بندرگاہی شہر اوڈیسا روس کی جانب سے "بڑے پیمانے پر" ڈرون حملوں کی زد میں آئے۔
یوکرین کے خلاف یہ تازہ روسی حملے پیر کے اس حملے کے ایک روز بعد ہوئے ہیں، جسے یوکرین کے حکام نے جنگ کے آغاز کے بعد سے اب تک کا سب سے بڑا ڈرون حملہ قرار دیا تھا۔
اس حملے میں رات کے دوران ریکارڈ 479 ڈرون فائر کیے گئے۔ کییف پر 'بڑے پیمانے کے' ڈرون حملےیوکرینی حکام نے بتایا کہ منگل کی رات کو مسلسل دوسرے دن کییف بڑے پیمانے پر ڈرون حملے کی زد میں آیا اور چونکہ فضائی دفاع آنے والے ڈرونز کو روکنے میں مصروف تھا، اس لیے دھماکے اور فائرنگ کی آوازیں پورے شہر میں گونجتی رہیں۔
(جاری ہے)
کییف کے میئر وٹالی کلِٹسکو نے ٹیلی گرام پر اپنی ایک پوسٹ میں لوگوں کو تنبیہ کی کہ " پناہ گاہوں میں رہیں! دارالحکومت پر بڑے پیمانے پر حملہ جاری ہے۔
"کییف کی فوجی انتظامیہ کے سربراہ تیمور تاکاچینکو نے ٹیلی گرام پر بتایا کہ روسی "ڈرون بیک وقت شہر کے کئی اضلاع پر حملہ کر رہے ہیں۔" حکام کے مطابق نصف رات کے بعد کم از کم چار اضلاع میں ایمرجنسی سروسز نے خدمات انجام دیں۔
فرانسیسی خبر رساں ایجنسی اے ایف پی اور روئٹرز کے صحافیوں سمیت عینی شاہدین نے درجنوں دھماکوں اور فائرنگ کی آوازیں سنی ہیں۔
کئی رہائشی عمارتوں اور کاروں کو نقصان پہنچا جبکہ کچھ ملبہ ایک اسکول کے قریب گرا۔ کییف سے فوری طور پر کسی جانی نقصان کی اطلاع نہیں ملی۔اس سے ایک روز پہلے ہی روس نے یوکرین پر اپنا سب سے بڑا ڈرون حملہ کیا تھا، جس کے بارے میں ماسکو کا دعویٰ ہے کہ یہ روس کے اندر یوکرین کے حالیہ حملوں کا بدلہ ہے۔
یوکرین کی فوج نے یہ کہتے ہوئے کہ حملے ابھی بھی جاری ہیں، لوگوں پر زور دیا ہے کہ وہ پناہ گاہیں تلاش کریں۔
اوڈیسا پر حملے میں ایک شخص ہلاکیوکرین کے حکام نے بتایا کہ منگل کی رات جنوبی بندرگاہی شہر اوڈیسا پر ایک "بڑے پیمانے پر" روسی ڈرون حملے کے نتیجے میں ایک شخص ہلاک اور کم از کم چار زخمی ہو گئے۔
علاقائی گورنر اولیا کیپر نے کہا کہ حملوں میں زچگی کے ہسپتال اور ایک ہنگامی طبی سہولت کے ساتھ ساتھ رہائشی عمارتوں کو بھی نقصان پہنچا ہے۔
کیپر نے ٹیلی گرام پر اپنی پوسٹ میں لکھا: "ایک 59 سالہ شخص ہلاک ہو گیا۔" انہوں نے مزید کہا کہ طبی عملے حملوں میں زخمی ہونے والے چار افراد کا علاج کر رہے ہیں۔ گورنر نے یہ بھی کہا کہ اوڈیسا کے مرکز میں رہائشی عمارتوں کو نقصان پہنچا ہے۔
روسی حملوں سے قبل ہسپتال کے مریضوں اور عملے کو نکال لیا گیا تھا۔ کیپر کی طرف سے شیئر کی گئی تصاویر میں ٹوٹی ہوئی کھڑکیاں اور عمارت کے اگلے حصے کو نقصان پہنچتے دکھایا گیا ہے۔
ادارت: جاوید اختر
.ذریعہ: UrduPoint
کلیدی لفظ: تلاش کیجئے بڑے پیمانے پر یوکرین کے
پڑھیں:
یوکرین جنگ روکنے کا خفیہ امریکی منصوبہ؛ روس مشاورت میں شامل
یوکرین جنگ روکنے کے لیے امریکا کے ایک خفیہ منصوبے کا انکشاف ہوا ہے، جس میں روس سے بھی مشاورت کی گئی ہے۔
بین الاقوامی خبر رساں اداروں کے مطابق ٹرمپ انتظامیہ پس پردہ سفارتی کوششوں کے ذریعے روس کے ساتھ مشاورت کرتے ہوئے یوکرین جنگ کو ختم کرنے کا نیا منصوبہ بنا رہی ہے۔ امریکی میڈیا رپورٹس میں بتایا گیا ہے کہ اس خفیہ منصوبے کی قیادت خصوصی ایلچی اسٹیو وٹکوف کر رہے ہیں جو تنازع کے حل کے لیے متعدد اہم شخصیات سے رابطے کر چکے ہیں۔
رپورٹس کے مطابق امریکی خصوصی ایلچی نے روسی سفیر کے ساتھ ساتھ یوکرینی صدر کے سکیورٹی ایڈوائزر سے بھی الگ الگ ملاقاتیں کی ہیں، جن میں جنگ بندی کے امکانات اور مستقبل کے سیاسی ڈھانچے پر گفتگو کی گئی۔ اس منصوبے کا مرکزی حصہ 28 نکات پر مشتمل ایک روڈ میپ ہے جس میں یوکرین میں امن کے قیام اور سکیورٹی گارنٹی جیسے نکات شامل کیے گئے ہیں۔
اس مجوزہ پلان میں نہ صرف یوکرین اور روس تعلقات کا مستقبل زیرِ بحث لایا گیا ہے بلکہ یورپ کی مجموعی سلامتی اور امریکا کے دونوں ممالک سے آئندہ روابط کے طریقہ کار کو بھی شامل کیا گیا ہے۔
پی ٹی آئی یا کالعدم ٹی ٹی پی کو پشتون عوام کا چہرہ نہیں سمجھتا: ایمل ولی