کراچی: اتفاقیہ گولی چلنے سے پولیس اہلکار زخمی
اشاعت کی تاریخ: 12th, June 2025 GMT
سندھ ہائی کورٹ کی پارکنگ کے قریب اتفاقیہ گولی چلنے سے پولیس اہلکارزخمی ہوگیا۔
رپورٹ کے مطابق پریڈی تھانے کےعلاقے صدرپاسپورٹ آفس کے قریب اتفاقیہ گولی چلنے سے پولیس اہلکارزخمی ہوگیا جسے فوری طور پرسول اسپتال منتقل کردیا گیا۔
پریڈی پولیس کے مطابق زخمی پولیس اہلکارکی شناخت محمد مرید ولد بچل شرکےنام سے کی گئی، زخمی پولیس اہلکارآرآرایف الفلاح کورنگی بیس میں تعینات تھا۔
پولیس کے مطابق واقعہ سندھ ہائی کورٹ کی پارکنگ کے قریب واک تھروگیٹ پرپیش آیا۔
اہلکاراپنی رائفل صاف کررہا تھا کہ اتفاقیہ طورپرگولی چل گئی جوکہ پولیس اہلکارکی ٹانگ میں جا لگی اوروہ زخمی ہوگیا۔
.
ذریعہ
ذریعہ: Express News
پڑھیں:
کراچی: زیادتی کی شکار غیرملکی خاتون نے ملزم کو معاف کردیا
کراچی کے علاقے ڈیفنس میں زیادتی کا شکار غیر ملکی خاتون نے ملزم کو معاف کردیا۔ جوڈیشل مجسٹریٹ جنوبی ملزم کے جسمانی ریمانڈ میں چار روز کی توسیع کردی۔
کراچی میں درخشاں تھانے کی حدود میں امریکی خاتون سے زیادتی کے مقدمے کی سماعت جوڈیشل مجسٹریٹ جنوبی کی عدالت میں ہوئی پولیس نے گرفتار ملزم جیسپر عرف آدی محمود کو عدالت میں پیش کیا۔
متاثرہ خاتون نے عدالت میں زیر دفعہ 164 کا بیان ریکارڈ کروایا، متاثرہ خاتون نے ملزم کو معاف کرنے کا بیان دیا۔
پولیس کا کہنا ہے کہ مقدمہ میں ملوث ملزم آدی محمود کو گرفتار کرلیا ہے، ملزم تھانا درخشاں میں گزشتہ ڈیڑھ ماہ سے صفائی کا کام کر رہا تھا۔
خاتون نے بیان میں کہا کہ پولیس افسر نے اس کا دستخط شدہ بیان جلادیا، پولیس افسر نے کہا کہ مقدمہ درج کروائیں ورنہ ہمارے لیے مشکل ہوجائے گی۔
متاثرہ خاتون نے کہا کہ ملزم کی زندگی خراب نہیں کرنا چاہتی۔
عدالت نے متاثرہ خاتون کا بیان کیس کا حصہ بنادیا جبکہ عدالت نے ملزم جیسپر کے جسمانی ریمانڈ میں چار روز کی توسیع کردی۔
عدالت نے تفتیشی افسر کو ملزم کی عمر کے تعین سے متعلق رپورٹ پیش کرنے کی ہدایت کی۔
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی